ISAIA 4:2 - ASII LAKDAP Bible (BSI)

² Akhing ashi misaü wan, kra saü wan raüla, armung na nai pechong aweatek ka Tati raq aheawiq jonghea luhea kiimaq alüsea chang tsomhea mitiijonglu wan. Israil mungti ümchuwa re jaq song tiichongtaq kriithun ka tsangshiq raq wak shamsiqtlaq kriiwa tü atsam thun rongboq tsosiq wantlaq kra chhi raüta pinthum khoqriiq shishiiq miraq. Kiimaq maiqmii hüko phok hihi she midoqsiq. Raüta misrasiq wan.

Hawa Naga Bible 2001

² Yehowa rueq luingx lomz nuiyc pulx ruip rawx htenc kuex ghaq nuex tvkemz tvyungc vtueq tvsvp rvp shuex. Rullungx tvraungx Israel miqsaz htenc kuex kvruex ghaq vraungx wawc vtvdung kuq vthuey vngoz ningkhvnc nuex kokez wuez vtueq ngamc ngax wuez tuex.

ISAIA 4:2 Referencias Cruzadas

Tvtsvmc 67:6

Mung na tsam ahea pinthum lap wankai; Shiikeawe, nashiq Shiikeawe raq nashiq shiimanto.

Tvtsvmc 72:16

Armung ka chu akham na arong awin mung ma mijalaq; ku akin thun na tsamman waheala mirlaq, Lebanon pum thun wak ram na tsam hearai tlaq ikha mihealaq. Chela thun ka mungmaiqse raq ama khunyaq khukhi misilaq, rum na nyiimlung tan ikha tümlüm tümli mirlaq.

DUNGWVNC 28:2

Ümphu Aron miitu ramwe miirii thun kra klolaq. Laüta apaiq miirii ka khushü adong kiimaq athuk atsom tiihong kuqlaq.

ISAIA 11:4

Apaiq raq miitsan maiqse kha ka tingting miphokuq. Kiimaq ümkha ijasiqti maiqse arang ka mitiiwongkuq. Apaiq aming maq mungmaiqse ma mo mitiiho, krai mren abi maiqse thun ka mitsai.

ISAIA 26:1

Ranaiqshi akhing misaü wan, kra akhing na Juda mungti raq ara mishinge: Nachela ka ningkun aheng! Shiikeawe apaiq raq chela tro ruk thun kra tiiwongtlo!

ISAIA 27:6

Rawiichii saü wantlaq akhing ranaiq na, Israilnok ka, Jakob saüse phan ka, pechong rangtu hiq mong na tsaühea cham wan tlaq ikha micham wan. Raüta tsangshiq ka apü alü waheala miraq. Raüta amak potsetiim midong wan. Raüta atsi ango phong raq mangjong hiq na hiqham raham ama miraq.

ISAIA 30:23

Kiimaq ümtiikiiwa namshiq raq tü lai tsamlai wak na chhijangtlan, Tatiwe raq ra mitiijunkuq. Raüta tü atsam ka mitiidong man kuq. Raüta namshiq raq tü atsam ka pahea milaphan. Lantea rongboq miwinhan. Kiimaq namshiq nyamsekong rümchang kiimin sangphii rii chamtraq miraq.

ISAIA 45:8

Ngi raq rekhat ka ra wa rajuntlaq ikha mitiitangha; hiqraikhü raq anü tiiki raüta mitao, raüta hiqraikhü na mren mra tri kappe maq mishin wan. Ngi Tatiwe raq ara mitiisaüha.”

ISAIA 53:2

Kriika Tatiwe apaiq raq dongdii thimi wanto, ajaqshi se ka pechamse ikha hiq shinriiqriiq ba na cham raüta arang ka hiq mong na cham chang nguta thapthi wanto. Apaiq sham ari ka achaq awaq ka riimak. Kiimaq shamhea shamjü alüsea chang ka riimak. Nashiq raq apaiq ka maiqse wiqwiq dea nguta chhiha wanli chang ka riimak. Apaiq sham na liiraüta atsomwiqse dea nguta maiq maklii ranphan chang ka ahü riito. Nashiq raq apaiq ma tsan tiitsi chang sham ka ahü riito.

ISAIA 60:15

“Ümniika miimbaiq mak she kiimaq saisi mak she miraq, Chela mii kiimaq hiqmiq changkhü riimak she, Ngi raq ümniika ajong kiimaq tsomhea mitiijaha, Pattup pat-sa miitu chojong chise siwan chang hiqshong miraq.

ISAIA 60:21

Ümsenginok tarü raq riikhaqli kli misham. Kiimaq tsangshiq raq nam mung ka pattup pat-sa she misiq wan. Ngi raq tsangshiq ka hiq na chhi wan kang she. Ngi raq tsangshiq ka phansang kang she. Arka Ngi jonglu kra maiqse kunli ma tiichhike miitu klokang.

ISAIA 61:11

Tsamlai ka jamkho cham wantlaq Raüta jong wantlaq ikha, Ajong Thaq Na Ajong Pinthum Tatiwe raq asenginok ka mitiichhiikuq, Kiimaq maiq mung thun tlotli raq apaiq mitiitsam wan.

JEREMIA 23:5

Tatiwe raq ngutlo, “Ngi raq Dawit saüse phan wa kechu hokhamwe ashi mishongha. Kra hokhamwe raq taksu tsü maq kiimaq tri raü ka riikhaqli sham raüta mung hamli ka aheawiq mipeng wan.

JEREMIA 33:15

Kra akhing na, Ngi raq Dawit saüse phan wa, kechu hokhamwe ashi mishongha. Kra hokhamwe raq tingting kappe sham raüta mung tlot li ka mipeng wan.

JEREMIA 44:14

Juda mungti Juda mung baiqthü raüta Ejip mung na maiq ümchuwa, laühotaq thun ka kunkun, weshi min lun mak kiimaq weshi min tiichong mak mitsai. Tsangshiq raq Juda mung na siwa nong ro tsin-ngin tlaqti thun ka, tsangshiq phong wa maiq weshi ra dongdii min Juda mung na jang wan lumak she miraq. Maiq ashi ra min jang wan lumak miraq. Phanshi rase, wanshawe anai atsam lamlam se kli mijang wan lot.”

JEREMIA 44:28

Shatmaq namshiq phong wa abungse, ralangse, aso se kli she tsaiman milun wan. Lanta Ejip mung wa Juda mung na mijang wan han. Kra aso tiichongki tlaq kriiti riishetiq, namshiq bom sha tengta, sha ibom wa tengtaq, kra misap.

EJEKIEL 34:29

Ngi raq tsangshiq ma hiqpo hiqwin hiqshong she mikuqha. Lata tsang mung na ram ka tiidong mang she mirha. Pong mungti thun raq tsangshiq ka thophi riiqphi shummii mak she miraq,

EJEKIEL 36:8

Shatmaq Israil mung na pum thun na pero thun na ajaq thun minüm wan kiimaq namshiq, isengi Israilnok miitu atsi ango mirkuq nong. Namshiq ka jaqlo liipan niilishe jam na misaü wan han.

EJEKIEL 7:16

Maiq wiijamti ka jükhü hiq wiibok wa maiq raq haütaü kong tiihang raüjaq pin wantlaq ikha pum thun kiina tsang chiim jin mipin trang. Tsangshiq wiita raq maiqmii ngarai miitu maaho manyi, ahan anyi miraq.

Yoel 2:32

Kiijiishe jurwa Tatiwe mang chong tlaq, kriiti thun mitiichhii wan. Arka Tatiwe raq, ‘Jerusalem wa ngi raq tsea wan kang thun mitiichhii wan,’ ” ngutaq kra phanphan miraq.

Yoel 3:18

Kra akhing na pum thun ka, spiqro tonglong li she miraq. Kiimaq kin thun ka dut siisaq li miraq. Kiimaq Juda mung wa jükhü thun na, kham ama miraq. Kiimaq Tatiwe jam mong maq, kham miphok. Raüta Wadi Shittim Thung na minyamho.

Obadia 1:17

“Shatmaq Jajon hiqlam na wiijam mitiipaü wan, kiimaq kriika asii hiq ba she miraq. Kriika Jakob sengi raq milap wan. Kriika tsangshiq tachong hiqshong.

JEKERIA 3:8

Arkha na, tailaq, Ramwe Jong Joshua lei. Kiimaq, Joshua jaq tiihapti ramwebi, namshiq riimin, namshiq ka rawiichii miitu miithii ashong. Jamkhano nguraü la, ngi raq jai na ijaqshise ashi saühotlaq, Pekü ngutlaqwe sham ka mitiichhi kuqha!

JEKERIA 6:12

Laüta apaiq ma Tati Ningkun Ajong Pinthumwe raq akha ngutlo nguta chonglaq. ‘Maiq weshi juwa Pekü nyam ngutliiwe kriika ümchaü apaiq ümbano sitlaq kriijaq pinthum mitiijong lu kuq wan. Kiimaq apaiq lümaq Tatiwe Shomjam ka mitiihea hailot.

JEKERIA 9:17

Jamkhano ngukla, apaiq tsantsii heawa ka ümtinkhan jonglu wa miraq! wok phetaktak maq jerobi mijong lu wan, kiimaq spiqtai nye raq junriibi ka, shamhea shamjü miraq.

MALAKI 3:17

“Tsangshiq ka isengi miraq,” nguta Tati Ningkun Ajong Pinthumwe raq ngutlo. “Ngi raq ümra ranaiq wa kha pho wan tiikang, tsangshiq ka ise inoshaq miishe mija wan. Ngi raq tsangshiq ka, awe bomtaiti ase jamkho awe raq mangchan tlaq, ikhiishe mimangchan ha.

Matthew 24:22

Shatmaq Shiikeawe raq kra chamchao thawa ranaiq akhing ka atiitoq baiq wishe. Apaiq raq kra tiitoq baiq mak ngu raü jiika maiqse angu jumin lun lot mak miraq. Shatmaq Shiikeawe raq apaiq raq atsea wan asengi thun kra miitu chamchao rahiq akhing ka atiitoq mirbaiq.

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

2 Peter 1:16

Naishiq kiimwebi raq namshiq ma nashiq Tati Jesuq Khristo ka apaiq ningkun ajong achhai anyii liliim wahea la maq misaüho nong nguta namshiq ma atsi dada maq chongkuqkai. Kra chongkuq kai irka, naishiq raq chiiheawea wea wa maiq bom chong tiishowo manphan tai laita atlii chongkuq hai riimak. Naishiq raq maiqmii mak maq, apaiq khushü ngao jonglu ka ümtinkhan wa sitlaq kra chhi wan kai.