ISAIA 4:1 - ASII LAKDAP Bible (BSI)

¹ Kra akhing she saü raüla, jechakre nyung miishe raq maiq weshi jaq kiijaq riiwiiqki raüta, akha mingu, “Naishiq ka maiqmii mitiidunghai. Laita maiqmii khu akhea misamhai. Shatmaq mangchan laüta ümniika naishiq ma naitawe ma jalaq. Laüta ümniiraq naishiq maiq ma wahü nyungre junchan jeasi chang kriiwa tiichhiikuqlaq.”

Hawa Naga Bible 2001

¹ Kvruex raungnuiyq httuiuc wvnc tuex nuex, yalxjuik nyuiuz mvshix rueq miqwaz vshiz kuex shuimx wuez vtueq, “Nuiyshiq miqmac phuiuz vsvy phauk saq ruiux miqmac khosvmc khvysvmc vhttax, yuq muinz mnoz kuex nuiyshiq taungx waz rvtueq, ngoz tueq kejux maq nuiyshiq rueq jungx phix, ngoz ruiux nuiyshiq kuex miq muex waungc guez yvlc svy kuex rvhumc miq rvtix,” ngoz tueq jungx wuez yaq.

ISAIA 4:1 Referencias Cruzadas

RAPHA HIQWA LAK 30:23

Apaiq ka wiihan she riito. Raüta maiqwe se ashi humto. Kiimaq apaiq raq akha nguto, “Shiikeawe raq ngi ma ise maiqwe se ashi kuq raüta, ikhakam wa jeasi bu ka alam she riibaiqto.

2 SAMUEL 6:23

Saul se Maikel ka arilung na laihü lahü nyung riito.

ISAIA 10:20

Akhing ashi misaü wan, kra akhing na, re jaqsong atiichong Israilnok ka, tsangshiq miqchup tiithenbaiqtinok mungti ma tlam raüta simak she miraq. Tsangshiq raq tsang tsantsii ka riikhaqli maq Tatiwe, Israilnok asii Shiikeawe miishe mikam wan.

ISAIA 13:12

Kriiwa aso tiichongtlaqti ka chaq nam miimin ahü thümhea she miraq.

ISAIA 17:7

Kra ranaiq akhing she saü wan raüla, maiqse raq tsangshiq Phansangtiwe, Israilnok asii Shiikeawe wokhong na nyap wan raüta khrum kuqlaq nguta achu mijaü.

ISAIA 2:11

Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

ISAIA 2:17

Maiqse shiikong longtlaq thun kra athum she mirki kiimaq maiqse lanphan doqdit siqtlaq thun kra wiita atiithen mirbaiq wan. Sumla phra phong thun kriika tiisiirai she mimoki. Kiimaq kra ranaiq akhing na Tati lamlam kli she mitiijong wan.

ISAIA 3:6

Akhing ashi misaü wan, maiq aweraü ashiti thun raq tsangta wa maiq weshi kra tsea raüta, apaiq ma akha mingu, “Ümdü niika ümkhum pang chang khu akhea siika asi kata. Arningkhan ümniika ara chamchao akhing na naishiq khuthaq na wela jalaq.”

ISAIA 54:4

Ümniika naqhaikiq, ümkhushü ka tiijam nong mak she miraq; ümniika maiq raq jamsha nongmak she miraq. Ümniiraq nose wanyeji na ümwese rai samhea simaü lea wan laü akhing ka alaq she mirbaiq haü, kiimaq manti nyung rilung waqkhü kham nyangli chamchao wan laü kra alaq she mirbaiq haü.

JEREMIA 15:8

Nam mung na manti-nyungre ka, khamjong chum kii na kumtsai riiphongtlaq thaq na apa. Ngi raq nam mung wa jerobi ka jerojong na jiipbaiqkang, lata anyungre thun tiichamchao tiikang. Ngi raq tsangshiq ka tiihanghiiq miili tsan among bunlaklak, phiiptsi ma tiitsaitiikang.

Luke 1:25

Apaiq raq, “Ümchaü atiisup niishe, Tatiwe raq ngi ara khrum kuqto,” nguta apaiq ka kai khoqriiqto. “Ngi ka kharii ahü nyung nguta ümtinkhan wa, atiijeasi siq wan ha wa, ümchaü sanha, ngi ka kopan jonghea nyung miishe tiija kuqto!” nguta khoqriiqto.

Luke 21:22

Kra matdong akhing kriika, Asii bomtsi na, ‘Atiichamchao wan Akhing,’ nguta chongtlaq kra bomtsi kra tiiku wan akhing rahiq she dea saü wanto nguta sap chang miraq.

2 Thessalonians 3:12

Tati Jesuq Khristo mang maq, kra roknin riishin kong haisiq tlaqti ma, naishiq raq ara aming tat tiikai ara ümtai laq. Raüta, tsangshiq ka, maiqmii minshiiq shiichaq raüta, howe minwe ma mija laq. Raüta, maiqmii rilung ka ahea wiq maq mitiidung hiq wan laq.

1 SAMUEL 1:6

Pennina apaiq ma are nyung raq apaiq ka slai slii shummii raüta tiichamchaosiqtlo. Jamkhano ngukla Tatiwe raq apaiq ka laihü lahü thütlo.