DUNGWVNC 25:29 - ASII LAKDAP Bible (BSI) Kiimaq winpin thun, kok thun, tsabum thun, kiimaq spiqtai-honglu thun kra thii chang nüchhong win pin thun kra tiiqlaq. Arthun hupsam arka chiisan chaq maq siisaq lochang. Hawa Naga Bible 2001 Humpanx nuex seng vtueq panjamc, kok, kaytauc nuiyc shomc kuy juing svpiq tix kuex taq shuiuz. Kvhtenc kuex kuimshawx muik shauk maq tvhungx taq shuiuz. |
Kiimaq kok thun, kiimaq lem tiimat mebaiq chang lakkong setiim, nüchhong winpin thun, homseng honglu kechang winpin setiim thun, kiimaq wachan tsoqbaiq chang chhichhii phu winpin thun kra. Kiimaq Asii Thaq Na Asii khok na wachang kilüchong jaq phum tiinga chang atop thun kra, kiimaq Shomjam ruk wa kinphai na kaichang kilüchong thun jaq phum tiipha khachang atop thun kra. Arthun hupsam arka chaq maq siisaq alo.
lem tiimat baiq chang thun kra, nüchhong winpin thun kra, homseng honglu thü chang winpin thun kra, kiimaq wachan wiiwatam maq tsobaiq chang winpin thun kra riito. Arthun hupsam arka chiisan chaq ngam maq siisaq alo. Kiimaq Shomjam jam kinphai kilamchong thun nai Asii Thaq Niimin Asii khok kilü thun kriika chaq ngam maq siisaq job loto.
Kra pepum wiinai ka akasia pe maq hailaq. Laüta kra wiinai ka chaq maq trotam na lolaq.
Kiimaq apaiq raq chamrii krai langchang winpin thun ka chiisan chaq maq kloto. Arthun ka: pletsetiim thun, kok thun, tsabum thun, kiimaq spiqtai honglu kechang nüchhong winpin thun kra kloto.
Ngi ka isonruk mong na nyapwa kang she, Irorii-nyung, ita-nyungnye lei. Ngi ka isüse nai ihomseng mura riichom tiikang. Ngi ka ingiqngu nyangshe peokhiq. Ngi ka ispiqtai nai minsaüpü nyang tiikang. siq ronglaq, lungwii kongtibi lei, nyang rong laq, tsan tiiheali, lungwii raq mipheshaq wiiwii!
Kiimaq tsangshiq raq Tatiwe ma akuq winsii thüchang chamrii thaq na khea wai thum kra tiipii laüta pang chang. Raüta kriithaq na winpin thun kra, homseng honglu chaq chang nüchhong pinsetiim kra, hongluke chang nüchhong pin thun kra, kiimaq spiqtai honglu kechang tsabum thun kra thü chang. Kra chamrii thaq niika winsii ka wranaiqshe siruq riichang.
Welabi roqshi ri wenai raq berong-wacha kiinongke miitu honglu thun akuq wan tlotli ka achu riito: kampho maq alo nüchhong pinpo roqshi ri anai kiimaq jaqhe chang kampho maq alo nüchhong pin roqshiri anai. Arthun tlotli shin kiita 27.6 kilogram riito chaq winpin roqshi ri anai, kra shinkiita tlotli ka 1.32 kilogram riito. Arthun na homseng ka tuptup riito minsaü pongwetiim roqshi ri anai, sku pongre setiim roqshi ri anai, kiimaq arawii wiishishi sku setiim ka roqshi ri anai, arthun ariirai wong-honglu kedam chang sitlaq krai nongnong maq chaqtlii-honglu ka kuqtlo ngarai-honglu kechang chhechhi ka roqshi ri anai minsaü pongwetiim roqnai ri blai, sku pongre setiim roqtrok, chhechhi ka roqtrok, arawii wiishishi skusetiim ka roqtrok, arka rintii-honglu miitu
Tai ronglaq! Ngi ka kilam da na chaplata kilü na buk tiikang. Ashi ra raq tai raüta, ngi ma kilü ka dikuq kihaü jiila, ngi ka apaiq jam mong na miwaha, lata apaiq rai adam miphaqsiq ha, kiimaq apaiq riimin ngi rai adam miphaqsiq.