ASHICHONG 5:1 - ASII LAKDAP Bible (BSI)

¹ Ngi ka isonruk mong na nyapwa kang she, Irorii-nyung, ita-nyungnye lei. Ngi ka isüse nai ihomseng mura riichom tiikang. Ngi ka ingiqngu nyangshe peokhiq. Ngi ka ispiqtai nai minsaüpü nyang tiikang. siq ronglaq, lungwii kongtibi lei, nyang rong laq, tsan tiiheali, lungwii raq mipheshaq wiiwii!

Hawa Naga Bible 2001

¹ Ngaz rueq lungwawx vphaungx nyuiuz, ijuik nyuiuz nyalx nyuiuz lex, ngaz kuex ngvy sunc nuex shex nyuip waung tauk. Ngaz kuex murra nuiyc vhomc pulx tix kuex tvjomx vshaungx; ngaz rueq nyaq ngurx nuiyc nyaq wawx kuex saq vshaungx; svpiq tix nuiyc puix muinz nuingx vshaungx. Lungwawc kungjix bix lex, saq shuinz, nuingx shuinz, lungwawc thuinz maq pawx laz juing nuingx shuinz!

ASHICHONG 5:1 Referencias Cruzadas

RAPHA HIQWA LAK 37:25

Raüta tsangshiq ka dungsea anga riito. Kra liipan na tiidong chhaq miili, tsangshiq raq Ishmailnok laopanbi kong ka Gilead wang maq aki Ejip mung nü na kaihoti kra chhito. Tsangshiq kumtsong kong raikhü niika süse tapan nai triinai hupsam hoho raüta aki riito.

Tvtsvmc 147:11

shatmaq apaiq ka apaiq shrengti ma khoqriiqtlo, apaiq tiipitmakphan lungwii ma kamti ma khoqriiqtlo.

Tvtsvmc 16:3

Tatiwe sengi awokhong na siti ka pinthum athuk atsom! Ngi ma ajong pinthum peo ka tsangshiq rai adam singa kra.

TAKSU LAK 24:13

Ise lei, ngiq ngu ka nyang laq. Ümkhum tiihea ma. Atu wa lam raüta, nyang ka sumhea.

TAKSU LAK 9:5

“Wara, i dung ara siq wakiq, kiimaq ngi raq spiqtai shotje she thükang, kra nyanglaq.

THARC TVLUINGC 2:5

Ngi raq phanphan petsiro chhi wan kang.

ASHICHONG 1:13

Ngi lungwiitiwe ka homseng ikha homhea, ikhuk na wetlo.

ASHICHONG 4:16

Shekhu rahai lei, tiido laq. Shemai rahai lei, samlaq. Ara isonruk mong wan tlo peohea, Iroriiwe ka apaiq sonruk na mikilaq, raüta sonruk wa, ahea petsi ka ümpan siq laq.

ASHICHONG 4:8

ita-nyungnye lei, Lebanon pum wa, kira iphana! Lebanon wa iphana kira, Amana pum, Senir pum kiimaq Harmon pum khu wa. Hangsikong nai chiqwaiq kong sichang kiiwa.

ASHICHONG 6:11

Ngi ka sonruk mong na Almon ro na kikang. Lata chamnyesetiim hiqthung tan wa liikai kikang, spiq jaq anye nümwa liikai kikang, pomegrenet pü ro liikai kikang

ASHICHONG 6:2

Ikongtiwe apaiq sonruk na kihoto, Ange homhea pero na kihoto, Apaiq ka sonruk mong na, anyamsekong pepü ro na tiihaitlo, kiimaq bajin pü riichom tlo

ASHICHONG 8:1

Nanai ara nyungshi se nguraüjaq ahea riichang. Kra nguraü ka chiiheawea lam maq, ngi raq ümtheaphi na lungwii shupsea amai. Chiiti riimin jam ngumak miraq.

ASHICHONG 8:13

Ikongnyung lei, ngi ümbom tairo, Sonruk mong maq bom liina, ikongti raq ümbom tairo.

ISAIA 23:18

Raüta apaiq laopan ja kampho ka Tatiwe ma mikiinong kuq. Apaiq raq tsiiqtum apaiq miitu thümak miraq. Shatmaq Tatiwe shomnoqtibi raq apaiq kampho kra lang raüta tü atsam mirisiq kiimaq tsangshiq miitu khu akhea ratlaq kra risam ma milang.

ISAIA 5:1

Taironglaq ngi raq namshiq ma ara shikuqpha, arka ikongtiwe nai apaiq spiqro shi: Ikongtiwe raq spiqro ashi chhito; hiqpo hiqwin hiqlam na.

ISAIA 51:3

“Ngi raq Jerusalem ma mangchan mitiitsiha, apaiq riimraitlaq mong na siti maiq wiita ma. Apaiq mungtan ka hiqmiq changkhü, Li jiimin Ngi raq kriika bagan ashi mitiijaha, Ngi raq Eden bagan na chhijang kang kiikha mikloha. Chojong chise apeo aleo lishe kiijaq mishong nga wan, kiimaq Ngi ma tiitsamkam shi nai kechutum shi mishinge wan.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

ISAIA 58:11

Kiimaq Ngi riimin namshiq ka wranaiqshe mishun sheakang. Kiimaq namshiq ma ahea awa phan thun kra kuqlata mitsi mitsaq mitiipeo kang. Ngi raq namshiq ka kuilang kuilabi namhü namhan phintsaqtsaq mirüm wankang. Namshiq ka sonruk ashi na kham chamtraq sitlaq ikha, kiimaq tsiimseraise ümtiikiimin rüki mak phan ikha mirhan.

ISAIA 61:11

Tsamlai ka jamkho cham wantlaq Raüta jong wantlaq ikha, Ajong Thaq Na Ajong Pinthum Tatiwe raq asenginok ka mitiichhiikuq, Kiimaq maiq mung thun tlotli raq apaiq mitiitsam wan.

ISAIA 65:13

Arningkhan na Ngi raq namshiq ma chongtiikang, jurwa Ngi shomnoq tlan kiimaq ibom tai lantea iwokhong na sitlanti thun ka arong awin, chenyang dungsea chamtraq misi wan han. Shatmaq namshiq ka amang alei songtsi ramtsi riili mitsai han. Tsangshiq ka chojong chise miraq. Shatmaq namshiq ka khushü ajam maq jea ngaü lantea misi han.

ISAIA 66:14

Ümtiikiiwa ümniiraq ara hongtha wan kra michhi haü, ümniika chochi khiq she mirhaü. Krai mren ümniika ahong ala hü ahan phintsaqtsaq she mirhaü. Kiijiishetiq ümniiraq misap haü Ngi Tatiwe ardea iwokhong na siti khrumketiwe ka kiimaq Ngi riika ijaqtinok ma itsankhiq kra tiichhikuq tiikang nguta misap haü.”

Matthew 25:40

Kiijiishe Hokham we raq mitre, ‘Ngi chongpha, namshiq raq ümtiikiiwa ara i phu i notiim phong wa juwa wepuq pinthum kra liikuq lan, kriika ngi liike taitlo!’ ”

Luke 12:4

“Kongtitiim le, ngi chongpha, tai ronglaq. Hanngam khum tsea baiq jai maq, wenyi rilung tsatbaiq wanlot makti miika, naqhai rongkiq.

John 3:29

Junwati nyung kriika, junlamti we rii. Shatmaq, kherü lam sheati kiimwe sitlaq kriika, rohunti we kra chochi kra chhi raütli, apaiq kiimin kai chochi dam tlo. Ikiikhiisii hali, ngi armin la, kai chochi dam tiikang.

Acts 11:29

Kra tai raütiishe, Jesuq jaiphanti setiim raq, Judia wang na siti kamasham maiqse phunainotiim ma khrumke miitu, tsangshiq loweatek raq maiqmii rii tiithithi maq pheke jaqmiiq mihi rong i nguta bom ka riichongto.

Ephesians 5:18

Ümchaü sanha, cherop ma naq ja rongkiq she. Che riika namrilung kli mishthen baiq. Kra rii na, Asii Wenyi ma nam mongjii ka kunli tiima lantli si ronglaq.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!

PHOWEBI 14:11

Philistainnok raq apaiq ka chhi raüta, apaiq rai sidam miitu jerobi roqtsam tiiwato.

PHOWEBI 14:20

Kiimaq tsangnyung ka apaiq khungran poi na tsanwa kongti ma jatiwe kiimiishe tiiwa kuqto.