ASHICHONG 5:2 - ASII LAKDAP Bible (BSI)

² Ngi ka akon shatmaq itsan ka asam, ngi raq ma maq makang ngi lungwiiwe raq kilü na bukto. Tap mong na wapha irüm-nyung lei, Iroriinyung lei, ihaütaü se lei, Ikhupo na bangkham jobai, Ikhu bin min nyiirii kham raq jobaibai.

Hawa Naga Bible 2001

² Ngaz kuex kvtsoalx maungx kuiyq rvtauk, ngvy thuinz vmungx kuex vhttuingc dvyx. Ngaz rueq lungwawx vshaungx waz rueq kaluix wung tvruingx yaq kuex ngvy maungx maq tay tauk. Ngaz rueq lungwawx vphaungx nyuiuz, ngvy hituiuc, vyaq vrax vguez nyuiuz, ngaz rueq lungwawx vphaungx nyuiuz lex, ngaz kuex tv-nyuip koq. Ngvy khux kuex tvhttuiux rueq, ngvy khux mul kuex buing rueq hemc gay phuex.

ASHICHONG 5:2 Referencias Cruzadas

RAPHA HIQWA LAK 29:20

Kiimaq Jakob raq Rechel lap miitu Laban ma wiimiishi jaqsham kuqto. Kiimaq kra rahiq jipi lea wantaq thun kriika, apaiq miika ranaiq naitsam ikhli riito. Jamkhano ngukla apaiq raq Rechel ka lungwiitlo.

Tvtsvmc 119:1

Peohea juwa ashut aphit ahü maq singatlaq, juwa Tati thungtri wokhong na sitlaq.

Tvtsvmc 81:10

Ngi ahata namshiq Tati Shiikeawe, namshiq ka Ejip mung wa sheawanti. Namnübok ka ajong maq tiiki ronglaq, raüla ngi raq namshiq ka wok phetak midungha.

TAKSU LAK 23:26

Ise lei, tsan tiitsi laüta, i rilung lam ara phan laq.

ASHICHONG 1:16

Ümsham pinthum tsomhea, roriiwe lei, Ümniika ngi chochi tsanhea! Nanai changdü rensang phiirü waijuju.

ASHICHONG 2:10

Ikongtiwe ngi rai riibom tlo. Ikongti-nyung lei, ana kira, itsan paq chang kira i phana.

ASHICHONG 2:14

Ümshamhea ka haütaü ikha, Longraqkam na atiipaü nga ikha. Ümtheaphi tsomhea liipha na. Ümbom sumhea atsaisea ma, ümmaklii min tsomhea tsomhea.

ASHICHONG 2:8

Ngi raq ikongtiwe bom taikang, Apaiq pumkhu lam maq adoq haha ngi phana kitlo.

ASHICHONG 3:1

Chang na akon lam maq wrawawa, ngi raq lungwii tiikangwe kriili masiq tiikang: Apaiq ritsiq tiikang shatmaq hum mang dea.

ASHICHONG 4:7

Ümshamhea ka tsomhea aro junse lei, Jamlai kojo ngomin ahü!

ASHICHONG 4:9

Itsan mong tiijamli ümmaklii ita-nyungnye lei, ümlaktum janjangjang hea, alüsea ma itsan ranhea.

ASHICHONG 5:11

Atheaphi ka nairai ngamshii ikha tsomhea, akhu ka akom alom, kiimaq khala ikha nyaqdokdok hea.

ASHICHONG 5:6

Latiishe itawe ma kilü kra dikuq kang. Shatmaq apaiq ka kilamchong na ahü, akaihowishe riito. Ngi ka apaiq bomtairo raq ahaü riikang! Lata ngi raq apaiq ka ritkang. Shatmaq apaiq ka hummang she riikang. Ngi raq apaiq ka heakang, Shatmaq apaiq raq ibom tremak she riito.

ASHICHONG 6:9

Shatmaq ngi riika nyungshi kli lungwii tiikang, kiimaq apaiq ka haütaü ikha tsomhea, Apaiq ka anyung wok wa seshi laqlaq, Apaiq ka anyung tsantsii roriise riito, Jechak re tarü raq apaiq kli shomra tlo, hokham nyungre nai nyungliipbi riimin apaiq li shomra tlo.

ASHICHONG 7:9

Kiimaq ümnii shup ka, spiqtsi tai sumkhan riito, Kra spiqtsi tai ka ikongtiwe raq nyang ma sumhea, Anüshok maq ajea alea sa tlo.

ASHICHONG 8:7

Arka kham maq nyuk raü jiimin mat mak phan, Tangwa jüchhang riimin tiimat lot mak, Shatmaq lungwiitsii ka, kampho lakshii miimin rilot mak, Kiikhii tiimatiwe ma, tsantsii shipotpot.

ISAIA 50:6

Ngi raq itseati ma iraikhü chungkuqkang, Ngi raq tsangshiq ka tiiwin mang, tsangshiq raq ngi shummiito, tsangshiq raq inübin phaibaiqto, kiimaq itheaphi na tho maq thoto.

ISAIA 52:14

Maiqse pahea raq apaiq ka chhi raüta akiinyii rai riito; apaiq sham ka wiita athenkai wishe riito, asham ari ka maiqse sham ikha riimak she riito.

DANIEL 8:18

Apaiq ka ngi rai riibomtlaq bala, ngi ka sunghü tsiihü she hiq na riwan kang. Shatmaq apaiq raq ngi ka ajaq maq kamsaq raüta tiidoto, raüta ihok maq tiichaptlii dokuqto.

JEKERIA 4:1

Kongkhu lak na ngi rai riibomdamtiwe rase kriihali iphana saüki nongto. Raüta ngi ka akon wa tiisam tlaq ikha tiisamto.

Matthew 7:8

Jaütlaqti raq milap; rit tlaqti raq mihum; kilü na buktlaqti ma midi kuq.

Matthew 8:17

Apaiq raq ara chhintsii kuq wan taq thun arka, Isaia shammi we raq, “Apaiq raq nashiq thatsi thun nai thup atha thun ka wiita howanto,” nguta waiqthü taq bomkham kra tiikupi wan miitu she chhiijii kuq wanto.

Mark 1:35

Anap ranap na, wuwacho niili, Jesuq ka tiidohoto. Raüta, chela phai na, maiq akaiq kaiq ba na kihoto. Raüta achu jaüto.

Luke 22:44

Krai mren, atsan na tsihea maq hali, apaiq raq achu ka jaü nongto. Apaiq achu jaü na riilong wantaq kriikha maq, apaiq khum na ralam sa wa ka, tiijai da ikha hiq na sato.

Luke 6:12

Kiitincho ji, ranaiq shi, Jesuq ka hiqlam ashi na, achu jaüwa wawanto. Kiimaq apaiq ka rawa minru Shiikeawe jaq wa achu jaüto.

Luke 9:32

Petar nai akongtitiim ka akon makaiq riilaq kito. Shatmaq, tsangshiq ka akon maq samki raüta liito. Raüta, kiijaq Jesuq sham chhainyii rai tlaq, kiimaq apaiq rai chap dam tlaq maiq wenai sham chhainyii rai tlaq kra chhito.

John 10:4

Apaiq raq skukong ka kinphai na tiidong lot jai she rum na arüm kai she sheaho tlo. Apaiq ka skukong khaki na lamshea kitlo. Kiimaq apaiq bom ka tai raüta, ajai phan phan skukong ka atsam phaq haisiq tlo. Arka, skukong raq tsangshiq rümti we bom asap kha maq haisiq tlo.

Galatians 2:20

Riita, ara chongtiikang, i han-ngam arka atsai kaikun she kha maq, ümchaü ngi atra sitiikang arka, i han-ngam maq atra si ka riimak she. Arka, ümchaü sanha, i khum niika, Jesuq Khristo lishe atra sitlo. Krai mren, ümchaü ngi atra sitiikang i rilung arka, ngi raq Shiikeawe Se, ngi ara pinthum mangchan raüta, ngi miitu tsaiti we ma kamtsantsii thü tiikang kra, lü miili she atra sitiikang.

Ephesians 5:14

Jamlai wa rawüli niishe phong baiq tlaq, kriika tarü raq rashra she. Apaü chang ka jam min ahü she. Kriikha maq, Asii bomtsi na akha chong tlo, “O, akonti lei sam liishe na, laüta ümchaü sanha, amaa wa dong tlo liishe, ümkhum na Khristo she mililiim.”

Revelation 14:4

Tsangshiq ka jechakre rai kiicham mak maq, siirairai maq siti. Tsangshiq ka junsangse kong. Tsangshiq ka Skuse jai phanphan shongati. Tsangshiq ka mangjong maiqse phong wa adaa wan. Raüta, Shiikeawe nai Skuse ma tsamwi poi wong ikha, honglu na akuq.

Revelation 3:20

Tai ronglaq! Ngi ka kilam da na chaplata kilü na buk tiikang. Ashi ra raq tai raüta, ngi ma kilü ka dikuq kihaü jiila, ngi ka apaiq jam mong na miwaha, lata apaiq rai adam miphaqsiq ha, kiimaq apaiq riimin ngi rai adam miphaqsiq.

Revelation 3:4

Shatmaq, namshiq Sardis na siti Phungmaiqsetiim liipan wa maiq wiijamti ka asii sitlan. Namshiq asii maq siwantibi ka, ngi rai adam na khealü miirii sam lanta misi wan dam han. Jamkhano ngukla, namshiq ka wenyi na awongsii maiqshaq sitlan.