ASHICHONG 4:16 - ASII LAKDAP Bible (BSI)

¹⁶ Shekhu rahai lei, tiido laq. Shemai rahai lei, samlaq. Ara isonruk mong wan tlo peohea, Iroriiwe ka apaiq sonruk na mikilaq, raüta sonruk wa, ahea petsi ka ümpan siq laq.

Hawa Naga Bible 2001

¹⁶ Ghaqkhux Raungguil lex, Kvtenc kuiuz. Ghaqyaz Raungguil lex, ngvy sunc kvyuq guil kuiuz; vhomc waq thuingc kuex tv-nyvmc shuiuz. Ngaz rueq lungwawx vshaungx sanx waz kuex piq sunc nuex kaz vtueq, vhvlx pinhtumc pulx thuey htenc kuex mphauk shueq.

ASHICHONG 4:16 Referencias Cruzadas

THARC TVLUINGC 1:6

Rahai ka shekhu nü maq riita shemmai nü na haitlo. Kiimaq shemai nü maq riita shekhu nü na haiwan nong tlo. Arka tiijangkiki tro haitlo.

THARC TVLUINGC 2:5

Ngi raq phanphan petsiro chhi wan kang.

ASHICHONG 1:13

Ngi lungwiitiwe ka homseng ikha homhea, ikhuk na wetlo.

ASHICHONG 1:4

Ngi shunshea laq wapha nanai bashi ra na, Nanai honhonli juho phiina. Ümniika ihokham jalaq. Nanai jam na shongnga wanpha. Rilung pattup chojong chise si ma. Nanai honhon tapmong nyang na, Lungwii spiqtai nyanglaita, Tapshok phataqtaq maq si ma. Junriire wiita raq ümnaq lungwii tlo ka awang chang riimak!

ASHICHONG 2:3

Shepe chong ikha langmong nyang na. Lungwii kongtiwe sham tsomhea jerobi phong na. Kra chong nyam maiqnga seachang. Kra tsi ka ngi ma sumhea.

ASHICHONG 2:8

Ngi raq ikongtiwe bom taikang, Apaiq pumkhu lam maq adoq haha ngi phana kitlo.

ASHICHONG 5:1

Ngi ka isonruk mong na nyapwa kang she, Irorii-nyung, ita-nyungnye lei. Ngi ka isüse nai ihomseng mura riichom tiikang. Ngi ka ingiqngu nyangshe peokhiq. Ngi ka ispiqtai nai minsaüpü nyang tiikang. siq ronglaq, lungwii kongtibi lei, nyang rong laq, tsan tiiheali, lungwii raq mipheshaq wiiwii!

ASHICHONG 6:2

Ikongtiwe apaiq sonruk na kihoto, Ange homhea pero na kihoto, Apaiq ka sonruk mong na, anyamsekong pepü ro na tiihaitlo, kiimaq bajin pü riichom tlo

ASHICHONG 8:12

Solomon lei hingshi ka ümrii, kiimaq shinai ka ningchangti rii, Ara spiqro ka ngi rii!

ISAIA 64:1

Ümniiraq ra ka tiikholiiq chai laüta hiq na jam nguto satki maü? Pum thun raq ümnaq chhi raüta tsang haisitsi ma atiikhai rokrok mirwa.

EJEKIEL 37:9

Kiijiishe Shiikeawe raq ngi ma nguto, “Maiqse lei, rahai kiima riisham bom maq tiithailaq. Rahai kiima Ngi, Tati Rakaü Hiqwe raq rahai apaiq ka trotam maq haiwan raüta, ara amaa maiqrii phong arma tsitsü heakuq ronglaq. Lanta tsangshiq ka maiq atra kong miishe tiija ronglaq nguta aming kuqtlo nguta chonglaq.”

Matthew 26:10

Kiijiishe, Jesuq raq tsangshiq botnyan kra tai raüta treto, “Namtsam raq arnyung jaqsham arka jaram wa tiibanbi tlan? Apaiq raq ngi ma pinthum athuk atsom jaqsham ashi shamkuq wantlo kra chhi man sha.

Matthew 26:12

Arnyung raq ara homseng maq i khum na nyat kuq taq arka i ma arka alap ma nguta tiije thütlo.

John 3:8

Rahai ka ümnümo hai wan tlaq, ahai wan lam kra phan phan haiwan tlo. Ümniiraq rahai watrang ka mitai haü. Shatmaq, rahai ka ümnümo hai wan tlaq, kiimaq ümnü nü no haiho tlaq, kriika saplot maü. Ikiikhiisii hali, juwa Asii Wenyi maq rawii chhi tlaqti kiimin kiikha sitlo.”

John 5:8

Kiijiishe, Jesuq raq, “Tiido laq. Laüta ümdamsii ka kom laq. Laüta pishat maq walaq,” nguta apaiq ka thaüto.

Acts 4:31

Krai mren, tsangshiq raq ara achu jaü lot ri, tsangshiq riitam ngachang ba ka hiqjong mu raq bai tlaq ikha, atiikhai riiban li she tiimeto. Kiimaq tsangshiq tarü ka, Asii Wenyi raq ama chhaq rom wanto. Krai mren, tsangshiq raq Shiikeawe bomtsi ka khangriri hea, haihii songhü miishe chongkuq wanto.

Romans 15:16

Shiikeawe raq ngi ka Khristo Jesuq jaqshi se ma shongto. Arka ngi raq, namshiq Pongnok phan maiqse ma, Khristo Jesuq tsütsa ahea kra chongke wan miitu shongto. Ngi ka Shiikeawe raq akuq Tsütsa Ahea ara chongketi ramwe. Ara ramwe jaqsham tiikang arka, Pongnok phan maiqse wa maiq ümchuwa sitlaq kra thun ka, Shiikeawe ma akuq honglu ikha misi laq nguta ngo maq sham tiikang. Raüta, Asii Wenyi raq tsangshiq ka siirairai she ngamrea ikhiishe, Shiikeawe ma mikuq wan.

Romans 15:28

Riita, ngi raq ara tsangshiq miitu honglu ahi kampho ara kunli, tsangshiq jaq na kuq thü lot la tiishetiq, ngi ka Spen mung na wawan lam miishetiq, namshiq rai ka mirhum kang nguta thapthi wan tiikang.

1 Peter 2:5

Namshiq ka atra longkaüsetiim ikha warong ra. Lanta namkhum ka longkaüsetiim ikha, Shiikeawe raq asii wenyi shomjam kra mihai laq. Kra shomjam mong na namshiq ka asii ramwebi ma ja lanta, wenyi honglu kiimaq Shiikeawe tsan tiiheali chang honglu, Jesuq Khristo lümaq mikuq han.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.