DUNGWVNC 25:30 - ASII LAKDAP Bible (BSI)

³⁰ Raüta chamrii ka Tongshong Tek khaki na tochang. Kiimaq chamrii niika wranaiq tek Ngi ma honglu akuq asii winsii kra siruq sichang.

Hawa Naga Bible 2001

³⁰ Bomkhvrc Jep khaungkac nuex humpanx kuex jamc taq shuiuz, kvruex humpanx htauk kvyuq ngaz muex shomc kuy juing vsawc wanx kuex mkaq muinz httaz rax.

DUNGWVNC 25:30 Referencias Cruzadas

1 HOKHVMX 7:48

Solomon raq Shomjam na lang chang hupsam thun ka chaq ngam maq alo min asi riito: Berongwacha, Shiikeawe winsii honglu na akuq thüchang chamrii,

1 KAÜWA WERAÜ 23:29

Kiimahali tsangshiq ka Shiikeawe ma winsii honglu kuqtlaq kra, bunwong wongwin kuqtlaq kra, pi maq shohü pisaisai winsiipen setiim lumtlaq kra, kiimaq wa na koraüta winsii honglu na kuqtlaq kra, kiimaq bunwong win olip tai maq nyat raüta honglu kuqtlaq thun jaqsham kra tsangshiq arang. Kiimaq Shomjam na honglu kuq wan tlaq phanrap hupsam kra tok maq shin chang.

1 KAÜWA WERAÜ 9:32

Kiimaq Kohath weraü phan riika asii winsii Niitiitsak Ranaiqtek na Shomjam na langchang kra shonglum raüta tiijethü jaqsham arang hoto.

2 KAÜWA WERAÜ 13:11

Ranaptek kiimaq rajitek na tsangshiq raq homseng honglu nai nyamse honglu wiipumtam maq wa na chaqtlii chang kra takuqtlo. Tsangshiq raq winsii honglu thun kra chamrii asii kra thaq alu kuqtlo. Kiimaq rajitek tsangshiq raq lem thun kra tiinyai chaq raüta chaq lem tochang kham kiijaq totlo. Naishiq riika Tatiwe raq jamlai aming wa kuqtaq kra phan phan li klo tiikai. Shatmaq namshiq apaiq ka miimbaiq lan.

2 KAÜWA WERAÜ 2:3

Solomon raq Tajar Hokhamwe Hiram ma tsütsa ka akha tiiwanto: “Ümniiraq iwe Hokhamwe Dawit rai apaiq hokham jamhai miitu maisak pepan lunkuq laü ikha, ngi rai min piikiilaq.

2 KAÜWA WERAÜ 2:4

Ngi raq i Tatiwe Shiikeawe shreng chang Shomjam ashi haitiikang. Kriika asii jam miraq. Kiijaq isenginok nai ngi raq apaiq ka homseng honglu süse tapan chaq laita mishom noqhai. Kiijaq naishiq raq asii winsii honglu thun ka atsaq min tsaq mai phan maq honglu mikuq hai. Kiimaq kiijaq naishiq raq wa na chaqtlii-honglu thun ka ranaptek na kiimaq rajitek na mikuq hai. Kiimaq Niitiitsak ranaiq thun niimin, Jinye Dong Poi thun niimin, kiimaq laihin asii ranaiq thun niimin, Tatiwe naishiq Shiikeawe shreng ma mikuq hai. Apaiq raq Israilnok ma arka pattup pat-sa kewan chang nguta aming kuqto.

DUNGWVNC 35:13

chamrii kra, chamrii pichang pepum wiinai kra, kiimaq chamrii miirii hupsam thun kra; Shiikeawe ma honglu na akuq winsii thun kra;

DUNGWVNC 39:36

chamrii kiimaq kra miirii thun kra, kiimaq Shiikeawe honglu na akuq winsii thun kra;

DUNGWVNC 40:23

Raütiishe kra chamrii na Tatiwe ma honglu na akuq winsii thun kriishe thüto. Arka Tatiwe raq aming kuqtaq kra phan phan kloto.

DUNGWVNC 40:4

Kiimaq chamrii ka do wanlaq laüta apaiq miirii hupsam thun ka kriithaq na thülaq. Kiimaq lem-khamchong kiimin jam mong na lam wanlaq. Laüta lemsetiim thun ka kriithaq na tiihong thülaq.

EJEKIEL 41:22

Kriika pe maq ahai berong-wacha ikha. Kriika adü lu nü niika mitarshi ri mitarthiq. Kiimaq ajong nü niika mitarshi. Kra akii tro na kham chong thun, kiimaq kham jichong thun, kiimaq kra akii tro thun ka pe maq siisaq ahai. Maiq we raq ngi ma, “Arka Tatiwe man na tiitoshat maq thü chang chamrii,” nguta chongto.

MALAKI 1:12

Shatmaq namshiq raq, iberongwacha ka asii riimak nguta ngutlan, kiimaq phaqsea ashe ashi kra kuq lanta shummii tlan.

MALAKI 1:7

Namshiq raq ngi ka athii ahü phaq nai sea honglu berong-wacha na kuq lanta shummii tlan. Kra riilanta nangshea, ‘Naishiq raq ümniika jamkho shreng mai riikai?’ nguta wai tlan. Ngi chongpha, namshiq raq ngi ma honglu kewan chang berong-wacha ka shreng man maq ashe ashi honglu kuq wan lanta berong-wacha ka tiisheshi tlan.

WEAWEA 4:7

Kiimaq tsangshiq raq Tatiwe ma akuq winsii thüchang chamrii thaq na khea wai thum kra tiipii laüta pang chang. Raüta kriithaq na winpin thun kra, homseng honglu chaq chang nüchhong pinsetiim kra, hongluke chang nüchhong pin thun kra, kiimaq spiqtai honglu kechang tsabum thun kra thü chang. Kra chamrii thaq niika winsii ka wranaiqshe siruq riichang.

Matthew 12:4

Apaiq nai akongtitiim ka Shiikeawe sichang tiip mong na nyap wato. Raüta honglu na akuq winsii ka phaqto. Kriika Thungtri na apii nguta chongtlo. Kra winsii ka ramwebi riili phaq sia chang.

Hebrews 9:2

Shiikeawe shomnoq chang ka tombu maq, jolitiip chan tlo. Kra tiip ka among na khok anai asi. Rin khokti kriika, Asii khok nguta ngutlo. Kra khok mong niika, piijongteng tochang nai ramwebi raq Shiikeawe ma honglu na akuq winsii thü chang chamrii thü tlo. Chamrii na winsii ka thü ruq phan.

1 SAMUEL 21:4

Kiijiishe ramwe raq treto, “Ijaq na joli winsii ka ahü. Shatmaq asii winsii thun kla asi. Ümsengibi raq ümji thiji aje na jechakre rai hainga mak dea jiikla, kra phaqsea wan ka mimai.”

1 SAMUEL 21:5

“Kriika achong ngori shea! Tsangshiq ka hainga mak,” nguta Dawit raq treto. “Isengi riika akha ralang joli wanhiq khumkai niimin, tsangshiq maiqmii khum ka kai stiq raüta asii maq thütlo. Ümchaü akhing akha asiq areng jaqsham na khumki tiikai niika, achong ngori shea!”

1 SAMUEL 21:6

Kra riibomtaq krai mren she, ramwe riimin, Dawit ma asii winsii thop thun kra lamkuqto. Jamkhano ngukla ajaq na winsii ka Shiikeawe ma honglu na akuq asii winsii thop ka, asii chamrii thaq wa lam raüta, anye maq klai raüta alamthü kriili she lamkuqto.