DUNGWVNC 25:30 - Hawa Naga Bible 2001

³⁰ Bomkhvrc Jep khaungkac nuex humpanx kuex jamc taq shuiuz, kvruex humpanx htauk kvyuq ngaz muex shomc kuy juing vsawc wanx kuex mkaq muinz httaz rax.

ASII LAKDAP Bible (BSI)

³⁰ Raüta chamrii ka Tongshong Tek khaki na tochang. Kiimaq chamrii niika wranaiq tek Ngi ma honglu akuq asii winsii kra siruq sichang.

DUNGWVNC 25:30 Referencias Cruzadas

1 HOKHVMX 7:48

Solomon rueq Shomc Yuimx tvkoc kuimshawx hup vsvmx htenc tvhungx taq tueq kuex: shomrawx, Tishox muex shomc kuy juing wanx tvkoc humpanx,

1 KAÜWA WERAÜ 23:29

Tishox muex shomc kuy juing wanx, shomc kuq shuex nuex shuimc juing wansawx, wisiz lomx muq wanx phux, shuz vtueq shomc kuq yaq wanx htenc, olip puiz tix rulc vnyvt wansawx, shenc vtueq shomc yuimx nuex shomc kuq yaq htenc kuex htvp htaz tvkoc muinz;

1 KAÜWA WERAÜ 9:32

Kohat taungx hez rueq Shomc Yuimx mungx nuex taq yaq vsawc wanx htenc kuex Vguilc Raungnuiyq tek tvhungx tvyoalc kuy yauk shuimc lvp tueq.

2 KAÜWA WERAÜ 13:11

Tsuingshiq rueq wvraungx nvp wvraungx yac vhomc vtumc phvnx nuiyc nyvmx saz kuex vpumz maq jauk vtueq shomc nawk kuq wuez yaq. Tsuinghez rueq htungx vlayx rulc rv-ngvlc vsawc humpanx htauk nuex wanx kuex shomc kuq vtueq, wvraungx yac tek kuimshawx wvrkok tochuing htauk wawc wvrkok htenc kuex tvluic wuez yaq. Yehowa rueq nvr tueq rulc rv-ngvlc nuiyshiq rueq shuimx vshix, yuq muinz nuimshiq rueq vpiq kuex tvdux gay vshuinx.

2 KAÜWA WERAÜ 2:3

Solomon rueq Tire Hokhvmx Hiram kox nuex bomjungc tvtay jungx tueq: “Mnoz rueq Iwaz hokhvmx Dawid muex piq hoc guirc tvkoc ruenx pulx guix htenc shaung kuq toq ikhoc ngaz rulc muinz pvkac pvylvyc lvmz shuimx lvmz ix.

2 KAÜWA WERAÜ 2:4

Yehowa ngvy Tishox muex tvtsanc nganc kuy tvkoc shomc yuimx vshiz ngaz rueq guirx vshaungx. Kvruex kuex vsawc baung muex yaungx vtueq ngvy miqsaz htenc nuiyc ngaz rueq vhomc vtumc phvnx htenc kuex jauk vtueq vpiq muex nawk palx shix, vpiq muex vsawc wanx maq muinz tvhttoarc vtueq shomc kuq vshix, nuiyshiq rueq Yehowa nuiyshiq Tishox muex tvtsanc nganc kuy tvkoc wvraungx nvp, wvraungx yac tek, Vguilc Raungnuiyq htenc nuex muinz, Yac Nyalx Moalx raungnuiyq nuex muinz, vganc vsawc raungnuiyq htenc nuex muinz wvr maq jauk shomc kuq wuez vshix. Vruex yauk shuimc kuex pattup shuimc tvkoc Israel miqsaz htenc muex vpiq rueq nvr shec tueq.

DUNGWVNC 35:13

humpanx nuiyc kantaung htenc, humpanx nuex seng yaq hup vsvmx htenc, Tishox muex shomc nawk kuy juing wanx;

DUNGWVNC 39:36

humpanx nuiyc kvyuq seng yaq hup vsvmx lotlaz, Tishox muex shomc kuy juing wanx;

DUNGWVNC 40:23

Yehowa muex shomc kuy juing wanx kuex kvruex htauk nuex taq tueq, kvruex kuex Yehowa rueq vnvr rvtueq.

DUNGWVNC 40:4

Kvruex mungx kvyuq humpanx kuex htawc vtueq, seng yaq hup vsvmx htenc kuex kvruex htauk nuex tvdaungc taq shuiuz. Wvrkok htung kvmuinz htawc vtueq wvrkok htenc kuex tvdaungc tvluic shuiuz.

EJEKIEL 41:22

hup svmx phvnx shiz httax yaq. Kvruex kuex vjoz kox meter shiz rac vhtaq, vyungc kox meter 1 rvtueq. Kvruex wawc vshuk htung htenc, vjungx ruingx maq khoalx tuk htenc lotlaz kuex pulx penc maq tvhungx tueq. Miq waz kvraq ngaz muex, “Vruex kuex Yehowa khaungkac wawc humpanx rvtueq,” ngoz tueq jungx phuex.

MALAKI 1:12

Yuq muinz nuimshiq rueq ngvy shomrawx kuex vshuy vshac ngoz tueq ngoz ruiux nuimshiq rueq shomc kuq vshuinx phuiuz vsvy kuex wvlc guez tvyaungc vtueq ngaz kuex shummarc vphuinx.

MALAKI 1:7

Nuimshiq rueq wvlc guez tvyaungc shuinx kuex ngvy shomrawx htauk nuex vshuy vshac phuiuz vsvy shomc kuy ningkhvnc nuex rvtueq. Kvmaq nuimshiq rueq, ‘Nuiyshiq rueq mnoz muex tvtsanc nganc kuex mkhoc lac tv-phvyx laq shix?’ ngoz tueq wiz tuit. Nuimshiq rueq tvtsanc nganc muit lvmz kuex shomrawx kuex wvlc guez tvyaungc vshuinx, kvruex tvkhic tvraung ngaz rueq nuimshiq muex jungx vphaungx.

WEAWEA 4:7

Yehowa muex wanx tvdaungc vtueq shomc kuy juing humpanx htauk kvyuq, khvymvnz khuingc wuil kuex phawc vtueq panjamc htenc, vhomc vshot kok htenc, kuimx wanc htenc, svpiq tix kaytauc htenc kuex tvy rax. Ekvkhoc shomc kuy juing wanx htenc kuex mkaq muinz humpanx htauk nuex httaz rax.

Matthew 12:4

Piq kuex Tishox yuimx nuex nyuip vtueq, shomc waz bix maq lvy vtueq uraq muinz phuiuz svy mvy muq wanx htenc vtaq kuex Tvrac tvlvlc vtueq piq nuiyc piq kungjix hez rueq lvmz phauk tueq.

Hebrews 9:2

Miq rueq Vsawc Baung ngoz yaq yuzphic kox Tap kuex guirx wuez tueq. Kvruex yuq wvrkok tochuing muinz, Tishox muex shomc kuy juing wanx nuiyc humpanx muinz httax yaq.

1 SAMUEL 21:4

Shomc waz rueq, “Ngvy kox nuex wanx vtalaz phvnx kuex vguez, vsawc wanx dvyx httax yaq; mmiq hez kuex majuiuc baunglaung yalxjuik rulx rulc htokpawx muq ngoz ruiux kuex kvruex lvmc mvy yaq,” ngoz tueq jungx tueq.

1 SAMUEL 21:5

Dawid rueq, “Tsuinghez kuex vsuing htokpawx wuez muq. Nuiyshiq khuemc khuemc khuemx tix nuex doc muinz, ngvy miq hez tsuingshiq shauk pumz kuex htungx vlayx httax yaq rulc rv-ngvlc kvsawc nawc wuez yaq; kvkhoc ningkhvnc nuex vkhoc htep maq nuiyshiq khuemx vtix vyuq kuex pinhtumc vsawc maq httax wuez vtix,” ngoz tueq tvralc tueq.

1 SAMUEL 21:6

Kvkhoc rvtueq shomc waz rueq Tishox muex shomc kuy juing wanx rvtueq vsawc wanx humpanx nuex vtaq shec wanx dvyx piq nuex httax yaq ningkhvnc nuex kvruex vsawc wanx kuex Dawid muex kuq tueq, vsawc wanx humpanx nuex kuex vnyalx wanx kuex tvdaungc taq shec tueq.