DUNGWVNC 19:4 - ASII LAKDAP Bible (BSI) “Ngi, Tatiwe raq Ejip mungti ka jamkho riikang kra chhilan she. Kiimaq Ngi raq namshiq ka liiha kaü raq ase ka arakong thaq na tiinga raüta jamkho boq wantlaq ikha namshiq ka arjaq Ngi phaniishe sheawan kang. Hawa Naga Bible 2001 “Ngaz rueq Ejip miqsaz muex yvmx khoc lac rvkuq wvnc tauk nguinx nuiyc lawx rueq vsaz hez kuex vraungx maq pix wvnc yaq ikhoc, Ngaz rueq nuimshiq pix wvnc phaungx kuex nuimshiq rueq khiz tuit shex. |
Shatmaq jurwa Tatiwe raq mikhrumkuq nguta kamtlaq, tsangshiq ma ningkun anye mishoqkuq. Tsangshiq ka rakong maq ra na liihakong ikha mibisiq, tsangshiq ka phiqhea miju shatmaq nii tsimak miraq, tsangshiq ka khum wan ruq miraq, shatmaq ahun anü ahü miraq.
Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.
Tatiwe raq ngutlo, “Man na Israil ka noshiise riito. Ngi raq apaiq pinthum lungwiikang. Lata ise ka Ejip mung wa heawan kang.
Man na namshiq Ejip mung wa laüwan lan akhing na, ngi ka namshiq rai pattup pat-sa adam siwanruq mirkang nguta kiqkham raü khakuq kang. Krai mren, ngi ka ümchaü min namshiq rai nongshnongli. Arningkhan namshiq naqhai rongkiq.
Nashiq tarü ka weshise li riimak shea? Nashiq phansang wanti Shiikeawe ka ashili riimak shea?. Ikhiijiika, nashiq liipan kiqkham raütu khatiikai ka jaram wa jintiikai, kiimaq Shiikeawe raq natitiim ma tongshong jaqkhaq raü tiipakuq wantaq kra jam nguto diibaiq tiikai?
Tatiwe namshiq Shiikeawe raq namshiq ka mishea wan. Raüta apaiq raq namshiq miitu re ka mikhat kuq. Arka namshiq raq Ejip mungti jamkho khat kuqtaq kiikha mikhat kuq.
Kiimaq kumtsaiphii mung maq khat kuqtaq kiikha mikhat kuq. Apaiq raq namshiq ka lam wiilülü ana saüli khusang maq jamkho tsuq wantaq kra chhilan she kata. Awe raq ase ka raikhü na jamkho boq wantlaq ikha namshiq ka boq wanto.’
Tatiwe raq Mosheq ma Israilnok rai Mob mung maq tongshong wantaq tri raü kha thun ka akha lang wan chang nguta Mosheq ma aming kuqto. Riita arthun bomtsi arka Tatiwe raq Israilnok rai Sinai Pum maq tongshong wantaq kra thaq na hali tiitsuq kuq wan nongto.
Mosheq raq Israilnok mung maiqse ka adam na triitam heato. Raüta tsangshiq ma akha nguto, “Tatiwe raq Ejip mung hokhamwe ma, apaiq sengi ajong alabi ma, kiimaq tsang mung tlotli na jamlai wa klotaq kriika namshiq raq maiqmii mak maq chhiwan lan she.
Namshiq ka hon kamshat maq sironglaq! Namshiq raq maiqmii mak maq jamlai wa chhi wan lan thun kra, namshiq ka atra sitlan wiiwii, arka ümtiikiimin naqlaq rongkiq. Namsetiim ma kiimaq namsaütiim ma arthun ara chongkuq lili ronglaq.
Namshiq Tati Shiikeawe raq namshiq miitu, ara maiqmung thun ka jamkho riiwantaq, kra wiita kunkun chhi wan lan she. Namshiq Tatiwe nam Shiikeawe raq namshiq miitu re ka khatkuqto.
Kra jechak nyung ma, liiha we rakong ajong anai kuqto. Kra rakong maq, apaiq ka kumtsaiphii na, apaiq tiipaü kai chang hiq bashi tiihongje kiina biwan raüta misiki. Kiijaq apaiq ka wiitsam ri wiithiq, natkaü raq longliiq kilot mak chang na, aheawiq maq shiililii raüta mitiisi.