DUNGWVNC 13:10 - ASII LAKDAP Bible (BSI) Ara poi ka rawiitek riikhaqli rahiq jipi akhingtek na lang wan lili ronglaq. Hawa Naga Bible 2001 Moalx vruex moalx jauz shex httuiuc ruiux yuq wawc tek moalx wuez shuinz. |
Namshiq raq ara ranaiq arka, Ngi Tatiwe raq jamlai wa shamkuq kang kra tsan na tiitsang wan miitu kamtsantsii poi ma seng lanta lang wan ratlo. Arka Ngi Tatiwe raq namshiq miitu jamlai jaqwa shamkuq kang kra nam tsan na tiitsang shat miitu akam alam poi nguta lang wan ratlo. Arka pattup pat-sa langruq ronglaq.”
Ara poi arka namshiq raq lang ronglaq. Jamkhano ngukla ara ranaiq na Ngi raq namshiqnok maiq phan thun ka Ejip mung wa tiidong wan kang. Pattup pat-sa na saüli namshiq raq ümchaü ranaiq arka poi klo lanta lang ratlo.
Kra rawa ka Tatiwe raq tsangshiq ka Ejip mungwa kheshat maq tsuq wan akhing rawa riito. Kiimaq ara rawa arka Israilnok raq pattup pat-sa miitu Tatiwe ma kiinong kuqto. Arka Israilnok raq rawa minru kheshat nga rawa.
Tatiwe raq namtitiim ma sinkham khoq ramkii maq kha raüta, Kanannok hiq, Hitaiqnok hiq, Amoraiqnok hiq, Hiwaiqnok hiq, kiimaq Jebusaiqnok hiq kra namshiq ma mikuqha nguta kiqkham kuqto. Ümtiikiiwa apaiq raq namshiq ka kra hiqpo hiqwin mung kiina shea wan raüla, namshiq raq ara poi arka rawiitek rawii phawan jipi lü na klo lanta lang wan ratlo.
Abib jipi lü na, ümniiraq Ejip mung wa laü wan laü jipi lü na, Pi Maq shohü winsii phaq poi kra langlaq. Kriika Ngi raq aming kuqkang kra phan phan langlaq. Ara poi klotlan ramiishi liipan na pi maq asho winsii ka nü na thii maimak. Kiimaq Ngi shomnoq wa watlan na honglu kechang ahü jaqmii maq wa maimak.
Raroqshi ri rabiingi angu ranaiq na Pi Maq Shohü Winsii Phaq Poi kra phahotlo. Kiimaq ramiishi na saüli namshiq raq pi maq shoje winsii ka phaqsea maimak.