DANIEL 5:7 - ASII LAKDAP Bible (BSI) Apaiq ka agilülü she ashi ra raq mintin klotibi, along liitibi, kiimaq raiqsaiq jipi shammibi thun heaki rongkiq nguta siito. Kiimaq tsangshiq thun ka saüwa kiita, hokhamwe raq tsangshiq ma nguto, “Jurwa ara lakwaiq ara phat raüta, ngi ma liichum kra chongkuq lot jiiq, kriiti ka hokhamwe miirii samtongjong kaü mintiitii kra mitiisam kuq, kiimaq adang na shreng khushü chaq laktum mitlak kuq, kiimaq imungtan na mung langti aranghoti lombot tsam chaoki na mitiinga.” Hawa Naga Bible 2001 Piq rueq mvntan bix, luinglawc jix bix, nuiyc ruiysuiyq yapix jungc lawc jix hez kuex gvlc tvkoc washiz shiz muex ramc jungx tueq. Tsuinghez httuiuc waung koq tueq, hokhvmx waz rueq tsuinghez muex, “Kvruex wuiyq yaq luik kuex wvl vtueq vlvmz jalc jungc lot jix waz ukhaq yuq muinz pasic nvm-yaz shvmx httax yaq hokhvmx khvy hungluz kuex svmx lvp vtueq, piq duingx tvroz nuex tvtsanc nganc kuimshawx tumx htenc luiuz ruiux vruex mungtan vyuq lombot thuimx luimc vkawc httax yaq waz muex yaungx tuex,” ngoz tueq. |
Ranap niishe apaiq ka achapa she riito. Kra ningkhan apaiq raq Ejip mung na siti mintin logle kloti thun kiimaq taksmabi thun kra tiihea kito Raüta tsangshiq ma apaiq rawa ma ka chongto. Shatmaq tsangshiq phong wa weshi ra riimin apaiq rawa ma liichum ka chongkuq lot mak riito.
Ara jai maq Hokhamwe Ahasueras raq Agag phan Hammedatha se Haman ka shreng raüta apaiq jaqtakiq na ajong alabi thun thaq na mungtan tuwe miishe shongto.
Kiijiishe hokhamwe raq asenginok taksu maiqsetiim nai mintin klotibi thun ka tiihea kito. Kiimaq tsangshiq raq mintin klo raüta kiikhiisii kloto.
Ümkhudap tei jan jangjang janghea kumrang maibong ikha. Dang na lakshiitum alak ikha wanrang wiira tsomhea,
Ümningkun ka ahü she ümniima hon atsii chongketi ümtinkhanli parai raü min, Raiqsaiq jipi shammibi raq ümniika mitiichhiikuq liina- tsangshiq khumshiim siditi raq, ramungtan binjü thun kra mep haihunti raq, raüta ümniima jipitek na mra pin chang tiithaitlaq, raüta ümniima jamlai mra wa misaü wan kra chongkuqtlaq kata.
Tatiwe raq ngutlo, Bebilon ka tsaito she! asengi mungmaiqse ka tsaito she, apaiq pengtibi, asengi taksubi ka tsaito she.
Ngi raq ümdang na nai ümjaq na longseng laktum tlak kuqkang kiimaq ümjaq na longseng jaqsin thun tiipa kuq kang.
Hokhamwe raq jamlai phan bomli wairaü min, kiimaq apaiq raq jamlai phan mra khuthaq na bom wairaü min, tsangtsam weblai riika, maiqjaq liitibi nai mintin kloti amungtan na siti kra wiitarü kunli thaq na, manroqshi achan asap riito.
Tsangshiq ka asham ahea, phaqchi maiqse, phanrap aheawiq shrinkeje, phanrap saptsin wansaqti, kiimaq akhum na amiphan ahüti riichang. Tsangshiq ka hokhamwe rung na jaqsham ma thektlaqti maiq riichang. Ashpenaj raq tsangshiq ma Bebilon mung bom ka aphat wan nai awaiq wan shrinke chang.
Kriikha niishe apaiq raq asengi maiqjaq liitibi, mintin kloti, maiqwuqtibi, kiimaq along liitibi thun ka waraüta apaiq rawa ma liichum ka michongkuq laq nguta tiiheakito. Krai mren tsangshiq ka saüwa raüta hokhamwe man na chapto.
Daniel raq treto, “Chaü lei, ümniiraq jamlai wa malaü kra chongke lotti ka jumin ahü. Along liiti, mintin kloti, jaq liiti, riimakla raiqsaiq jipi shammibi raq juwe riimin chongkuq lot mak.
Kra raütiishe apaiq raq Daniel ka ajong miishe shongto. Raüta apaiq ma phanrap phanrii, araa ariq phan kongphiq thun kuqto. Raüta apaiq ka Bebilon mung pengti tuwejong miishe shongto. Raüta apaiq ka hokhamwe rung na tsii chongketi aki miikiimbi thaq na akhupo miishe shongto.
Shatmaq namshiq raq ngi ma irawa ma kra jamkho makang, kiimaq kra liichum kla chongkuq han jiila, ngi raq namshiq ma poksi pahea mikuqha kiimaq shreng jonghea mitiichhiha. Riita ümchaü min, jamlai wa makang, kiimaq kra liichum ka jamlai wa kra chongke ratlo.”
Apaiq raq tiihong raüta agilülü akha riimto: ‘Pechong ka daqbaiq laq. Laüta akü ako thun ka wiita tapbaiq laq; ajaq thun ka wiita tapbaiq laq. Laüta atsi thun ka wiita wanbaiq laq. Achongtong wa nyamse thun ka, tiipin jobaiq laq. Atsung mong na tiiti wushi kong ka, wiita tiipin jobaiq laq.
Ara ümmungtan arjaq maiq weshi asi. Apaiq khum na asii phra tiikea kong wenyi asi. Man na ümwe hokham pat niiphü, apaiq ka atsii asi, phanrap saptsinti, kiimaq phra kong ikha anyan phaqchi sapti. Kriikha na, ümwe Hokhamwe Nebukadnejar raq, apaiq ka jaqliitibi, mintin klotibi, along liitibi, kiimaq raiqsaiq jipi shammibi khuthaq na akhupo ma shongto.
Ngi raq danhontibi, kiimaq mintin klotibi thun ka ara maiqjaqwaiq kra phatkuq ronglaq lanta kra liichum ka ngi ma chongkuq ronglaq nguta tiihea wakang. Shatmaq tsangshiq raq kra liichum ka humlot mak.
Shatmaq ümniiriika phanrap apaü raüta athü liichum michongkuq lot haü; kiimaq amao chang jaqsham kra michongkuq lot haü nguta taikang. Ümchaü min, ara tiiwaiqtlaq kra phat laüta, liichum ka chongkuq haü jiila, ümniima hokham miirii amin samtong jong kra mitiisamkuq, kiimaq ümdang na shreng ajong chaq laktum kra mitlak kuq; kiimaq ümniika ara imungtan arjaq, ijaqtakiq na ajongwe lombot tsam ngachang niishe mitiingaha.”
Kiijiishe, Belshajar raq asenginok ma aming kuqto, krai mren Daniel ma samtongjong mintiitii kra tiisamkuqto, kiimaq adang na chaq sairaütum kra tlak kuqto, raüta apaiq ka amungtan na hokham ngacho lombot tsam na tiingato, raüta chiiriim raüta mungmaiqse ma tiitai ronglaq nguta aming kuqto.
Ngi raq ümniima tiibomhü poksi chamtraq mikuq kang. Kiimaq ümniiraq achong chong ngi raq miklo kang. Mangchan laüta kira. Laüta arnok ara ngi miitu sonlaq.”
Krai mren Mob mung welabi nai Midian mung welabi raq manson jaq maq kra howan raüta, Balaam phana wawanto. Kiimaq Balak raq tsütsa tiichong wantaq kra tiitaito.
Ümchaü min ümjam na wa wanlaq! Ngi raq ümniima poksi mikuqha nguta kiqkham kuqkang. Shatmaq Tatiwe raq ümniima poksi ka tiikuq mak she shiikhing baiqto.”
“Liirong laq, apaiq ka,” nguta tsangshiq liipan na riibomto. “Taironglaq, apaiq raq shiikeng tlaq kra! Hokhamwe Saul raq apaiq tseatiwe ma poksi jonghea mikuqha nguta kiq khamkuqto. Kiimaq hokhamwe raq ase jechakse ka mitiiwa. Raüta ase lamti nyungwe riika hokhamwe ma phuntake min raamak she miraq.”