DANIEL 1:4 - ASII LAKDAP Bible (BSI)

⁴ Tsangshiq ka asham ahea, phaqchi maiqse, phanrap aheawiq shrinkeje, phanrap saptsin wansaqti, kiimaq akhum na amiphan ahüti riichang. Tsangshiq ka hokhamwe rung na jaqsham ma thektlaqti maiq riichang. Ashpenaj raq tsangshiq ma Bebilon mung bom ka aphat wan nai awaiq wan shrinke chang.

Hawa Naga Bible 2001

⁴ Tsuinghez kuex vshvmx vsvp, phaqjic vhttax, naungnuk htauk nuex vthenc vtuiuz jix, yauk lox thenc jix, gvnz nuex yvmx muinz rungx rax muq jix, tsuinghez kuex hokhvmx hoc nuex yauk shuimc taungx jix miq ruec rax. Ashpenaza rueq muinz tsuinghez muex Babelon kvjaz kuex vwvlc nuiyc vwuiyq thenc laz tvluing kuq tueq.

DANIEL 1:4 Referencias Cruzadas

2 SAMUEL 14:25

Israil mung na Absalom ka pinthum shamhea pinthum. Apaiq shamhea khan maiq ahinti ka jumin ahü. Apaiq khum ka akhupo maq riita ahokphi na tiisaüli nyeajokjok hea. Jamlai ami phan min ahü.

TAKSU LAK 22:29

Ümniiraq howe minwe chhitlaü shea? Apaiq ka hokhamwe rai nga raüta jaq misham. Manghü rahüti rai ka simak.

THARC TVLUINGC 7:19

Taksu tsii raq maiqse ma ümtin khan wa shiiman kuq tlaq, kriika tuwejong weroqshi raq chela ashiti ma shamkuq tlaq kriithaq na apa misham kuq lot.

ISAIA 36:11

Kiijiishe Eliakim, Shebna, kiimaq Joa raq kra siihiip jongwe ma akha nguto, “Naishiq rai ka Aramaiqnok bom maq bomlaq. Naishiq raq ataihai. Hibru bom miika naq bomkiq. Mungmaiqse raq chela ruk trotam maq tairattlo.”

JEREMIA 5:15

Israilnok lei, Tatiwe raq namshiq tiikhatkai miitu maiq mung ashi luhea wa sheahotlo. Kriika ningkun henghea riimtinok kiimaq man niiphü ajong alu mungti dongdii. Tsangmungti bom ka namshiq raq taiman.

DANIEL 2:10

Kiijiishe, tsiichongketibi raq treto, “Chaü lei, ümniiraq jamlai bom wa waitlaü, kra chongke lotti ka ara mangjong hiq na jumin ahü. Ju hokham riimin, ajong pinthumwe riimin, kiimaq pinthum ningkun rümtiwe riimin, asengi maiqjaq liiti, mintin kloti, kiimaq along liitibi ma atinkhan wiqwiq ka shiitep mak shaq.

DANIEL 2:2

Kriikha niishe apaiq raq asengi maiqjaq liitibi, mintin kloti, maiqwuqtibi, kiimaq along liitibi thun ka waraüta apaiq rawa ma liichum ka michongkuq laq nguta tiiheakito. Krai mren tsangshiq ka saüwa raüta hokhamwe man na chapto.

DANIEL 3:8

Kra akhing na Bebilonnok maiq wiijamti raq Jehudinok tiishut miitu lamlu humto.

DANIEL 4:7

Krai mren, maiqjaq liitibi, mintin klotibi, along liitibi, kiimaq raiqsaiq jipi shammibi thun wiita iman na triitam kang. Lata ngi raq tsangshiq ma ima kra chongkang. Shatmaq tsangshiq raq ima liichum ka chongkuq lot mak riito.

DANIEL 5:11

Ara ümmungtan arjaq maiq weshi asi. Apaiq khum na asii phra tiikea kong wenyi asi. Man na ümwe hokham pat niiphü, apaiq ka atsii asi, phanrap saptsinti, kiimaq phra kong ikha anyan phaqchi sapti. Kriikha na, ümwe Hokhamwe Nebukadnejar raq, apaiq ka jaqliitibi, mintin klotibi, along liitibi, kiimaq raiqsaiq jipi shammibi khuthaq na akhupo ma shongto.

DANIEL 5:7

Apaiq ka agilülü she ashi ra raq mintin klotibi, along liitibi, kiimaq raiqsaiq jipi shammibi thun heaki rongkiq nguta siito. Kiimaq tsangshiq thun ka saüwa kiita, hokhamwe raq tsangshiq ma nguto, “Jurwa ara lakwaiq ara phat raüta, ngi ma liichum kra chongkuq lot jiiq, kriiti ka hokhamwe miirii samtongjong kaü mintiitii kra mitiisam kuq, kiimaq adang na shreng khushü chaq laktum mitlak kuq, kiimaq imungtan na mung langti aranghoti lombot tsam chaoki na mitiinga.”

DANIEL 9:1

Medi mung phan wa Ahasueras se Derias raq Bebilon mung ka lang wanto.

JEKERIA 2:4

Aphawa raseti raq jai na asaükiti rase ma, “Ümniika jerowe ashinchang raülo shamraü jai ka joho laq. Laüta apaiq ma Jerusalem chela na siti mungmaiqse nai nyamse ka pahea she miraq. Kra ningkhan Jerusalem chela tro na peruk hai miika jonghea she miraq. Krai mren chela tro na ruk hai wan ka raamak she.

Acts 7:20

Kra akhing niishe, Mosheq raq rawü chhito. Mosheq ka pinthum maiqlung ngamwii se, shamhea sham jü se riito. Anyung raq apaiq ka jam maq jipi lü tsam na saüli apaü raüta püto.

Acts 7:22

Apaiq raq Ejip mungti anyan phaqchi kunli saptsin raüta, kai ongto. Raüta, apaiq ka Ejip mung na tsüwe tsitwe ashi kiimaq phanrap jaqsham na achi-achet ajong pinthum she jawanto.

Ephesians 5:27

Riita, ara hekuqtaq arka, phungtu ka apaiq miitu siirairai, shamhea shamjü, chiisan kiimaq jamlai shutphit min ahü, kiimaq jamlai phan na kojo min ahü maq, minhap ma tiija wan miitu hetse kuq.

PHOWEBI 8:18

Raütiishe Gideon raq Jeba nai Jalmunna ma waito, “Namnai raq Tabor chela maq tsatbaiq lan maiq thun ira jamkhiiwa chhilan?” Tsangshiq raq treto, “Tsangshiq kiimin ümsham ümri kiikhiisii riito. Tsangshiq ka loweatek hokhamwe setiim ikha siisaq riito.”