DANIEL 4:14 - ASII LAKDAP Bible (BSI)

¹⁴ Apaiq raq tiihong raüta agilülü akha riimto: ‘Pechong ka daqbaiq laq. Laüta akü ako thun ka wiita tapbaiq laq; ajaq thun ka wiita tapbaiq laq. Laüta atsi thun ka wiita wanbaiq laq. Achongtong wa nyamse thun ka, tiipin jobaiq laq. Atsung mong na tiiti wushi kong ka, wiita tiipin jobaiq laq.

Hawa Naga Bible 2001

¹⁴ Piq rueq bomc laung maq, ‘Pulx jungx kuex dauk vtueq vnoz vkanx htenc kuex tvp gay shuiuz; vyauk htenc kuex guiyx gay ruiux vthuey htenc kuex wuinc gay shuiuz. Kvruex jungx khung wawc ngvmx saz htenc nuiyc vnoz vkanx htenc nuex ngaungc yaq wushawx htenc kuex yurc gay shuiuz.

DANIEL 4:14 Referencias Cruzadas

YOBA 24:20

Anyung shaq raq dongdii min ümchaü atsan na tiitsang mak she laq baiqto; apaiq ka ajong raq aphaq baiq kun she kiimaq pechong ariwa ikha ariimkai wishe.

JEREMIA 27:5

“Ngi arang jonghea riimtiikang kra lümaq kiimaq iningkun jonghea hotiikang kra lümaq, Ngi raq ara mangjong hiq ara, maiqphan kra, kiimaq ngamsaü ngiqse phan hiq raikhü na diimtlaq thun kra klowan kang. Kiimaq Ngi raq juma ke wan wa rotiikang, kriiwe ma arthun ara kuq tiikang.

JEREMIA 51:6

Bebilon mung wa namchiim jin jutlo ronglaq! Bebilon mungti ngarai tiikho na dealanta naq tsai rongkiq. Ngi raq ümchaü iphuk lam tiikang. Lata apaiq ngarai tok na shin lata tiicham chao tiikang.

JEREMIA 51:9

Pongmungti kiijaq sitibi raq ngutlo, ‘Naishiq raq Bebilon mungti ka khrumke dankai. Shatmaq kriika diikiq adea wawi she. Arningkhan apaiq ka baiqthü rong i. Laita nashiq ka jam niishe wawan rong i. Shiikeawe raq Bebilon mung ka aningkun aheng maq mo tiihoto she. Raüta apaiq ka miqchup she tiithenbaiqto.’”

EJEKIEL 31:10

“Ümchaü min, Ngi, Tati Rakaü Hiqwe raq ümniima chongpha, kra pechong ra na phumda thin lili jongraitlaq kra jamkhiiwa jawantla. Kra chong ka jamkho jong rai wantaq, kai shiikong wanto.

DANIEL 2:21

Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

DANIEL 3:4

kra akhing na, agilülü chiiriim raüta akha chongto, “Maiqmung wiitarü, maiqphan wiitarü, kiimaq maiqphan bom wiitarü!

DANIEL 4:12

Ajaq aji shamhea shamjü, akü ako atsi ango hiq ma ra ma. Mangjong maiqse raq phaqsea rii hongli riito. Rumnyamse anyang mong na bumto, wushikong raq atsung mong na achü haitlo, atra nyamse phan wiita raq, atsi phaqsiqto.

DANIEL 4:23

Chaü lei, ümniiraq kra pechongkaü ka liisea rea liipan niili, ramungtan wa rase ashi satki raüta akha nguto, ‘Pechong ka daqbaiq laq. Laüta wiita tiithen baiqlaq. Shatmaq akhuk ka hiq na tiichapshatli thülaq. Achongkhuk kiijaq jin nai miiki maq alo jinraü maq banthü laq. Laüta kra achongkhuk ka sangphii rü niili baiqthü laq. Raüta ra wa na bangrok tlaq kra arwe dü na misa laq. Raüta apaiq ka kiijaq nyamse kong rai wiimiishi ümsidam laq.’

DANIEL 4:29

Jipi lüroqshi ri lünai jai miili, apaiq ka Bebilon mung na asichang hokhamwe kiitelong jam wukhu na akhumsea riito.

DANIEL 5:20

Shatmaq, apaiq ka shiikonghea she, wanshakshak, kiimaq maiq ka ji maq nishishi haihü wanto; kriikha niishe apaiq ka hokham ngachang wa lambaiqto. Raüta apaiq khushü jong ka mokito.

DANIEL 5:21

Raüta, apaiq ka maiqse phong wa ajoshe riibaiqto. Raüta apaiq tsantsii ka ngamtsii miishe jakito. Apaiq ka rumnyamse kumtoq kong rai she sito. Raüta minsaü pong we ikha nyiimjaq phaq raüta sito. Kiimaq hiqsii thung niilishe bumto. Kiimaq bangkham sa wa akhum tiikhe chang khea min ahü maq sito. Atiisup niishe, apaiq raq Ajong Thaq Na Ajong Pinthum Shiikeawe riili dea mangjong hiq wa maiqse angu honyung hokhambi thun kra pengtlo; kiimaq apaiq raq juwe ma kero wa, kriiwe ma hokham jaqsham kuqtlo ngutiishe sapto.

Matthew 3:10

Pechong thun ka arang chong maq ngapsak daq baiq wan miitu mang ka ümchaü arangchong na tiikam shat she. Atsi ango ka ahea tsikuq mak chong thun kriika, achong aweatek wiita adaq she mirbaiq. Raüta walü tum mong niishe michaq baiq wan.

Matthew 7:19

Kiimaq atsi ahea tsikuq mak chongti ka adaq she mirbaiq wan. Raüta wa na michaq baiq wan.

Luke 3:9

Ümchaü, mang kaü ka, pe tsihü chong thun kra arang chong maq daq baiq miitu, tiijeje thü tlo. Atsi ahea tsikuq mak pechong thun kra, wiita tiikham raüta, adaq she mirbaiq. Raüta, wa na michaq baiq.”

Revelation 10:3

Raüta, apaiq raq tiihong raüta hangsi kaü giwa ikha riimto. Apaiq raq riimjai she ramok wa trang lak miishe maq, apaiq bom ka treto.

Revelation 18:2

Apaiq raq tiihong raüta akha riimto: “Thento! Thento! Ajong Pinthum Bebilon Chela thento! Apaiq sichang jam ka ümchaü shotsai winji kong tiibo chang she. Ashe ashi maiqphai asi wushi kong da chang chong miishe jakito.