Acts 22:3 - ASII LAKDAP Bible (BSI) “Ngi ka Jehudi phan. Ngi rawü chhi chang hiqshong ka Silisia wang na Tarsas chela. Shatmaq, ngi jonglu wan chang hiqshong ka ara Jerusalem chela ara. Kiimaq ngi ma shra jong we Gamaliel raq natitiim Thungtri ka atsin maq jamkhii lang wan chang wa, kra wiita kunkun shrin kuqto. Kiimaq ümchaü namshiq raq khum kiinong kuq lanta, Shiikeawe jaqsham tlan kiikhiisii hali, ngi riimin, i khum ka wiita kiinong kuq lata, Shiikeawe jaq sham ka sham wan kang. Hawa Naga Bible 2001 Polu rueq jungx tueq kuex: “Ngaz kuex Kilikia mungx Tarsu ghaq maq vjawx Yuda miqsaz rvtauk. Yuq muinz Yerusalem wawc Gamaliel jongx saz washiz yaungx vtueq peluz wvnc tauk, naungshiq jix vwaz tamx Tvrac tsanc hvlc kuex tvsuip tv-phaungc tvluing wvnc vtueq, majuiuc raungnuiyq vyuq httax yaq nuimshiq ikhoc Tishox yauk shuimc nuex thuinz tvyungc wvnc tauk. Muklom “Nga Jehudi miqwa, Cilicia mung Tarsus samhaq wang, etharin Gamaliel jiphantey ang eq iri Jerusalem na chalo táng. Í tey aa wa tang aa kot ta thong sha nga ma tatal kot ta. Nim aa chamal Shkewa ma thanga han inn eshimal nga tho irimal hun han eq thu taphang. |
(Gibeon chelati ka Israilnok phan ka riimak. Tsangshiq ka atsapse Ammoraiqnok atiichongki. Tsangshiq ka Israilnok raq tsatbaiq mai nguta tongshong kiqkham maq atiiham wan. Shatmaq Saul raq Israilnok nai Juda phan miitu tsangshiq ka wiita chongthum ma tiija tlii jiipbaiq tanto.)
Jangshi hali kra mung hamli na ram dongto. Kiimaq Elisha ka Gilgal chela na jang wanto. Apaiq raq shammibi kongshi ma shrinkerea akhing na, apaiq raq ajaqshise weshi ma tak ajong kaü ka wa na tiidalaq. Laüta tsangshiq miitu ngam nai weashaü ka takmong na pangshat maq lumlaq nguta thaüto.
Kra nyung ma ano nyungshi asi riito. Amang ka Meriq. Apaiq ka Jesuq jichong na nga raüta, apaiq bomchong kra taito.
Ranaiqtsam ngoja niishe, tsangnai raq no ka Shomjam mong na, Jehudinok shrabi rai nga raüta, tsangshiq bomchong kra tai nai, apaiq raq tsangshiq ma bom wai rea she lohoto.
Krai mren, mungmaiqse ka pinrang raüta, jamlai mra wa pinta nguta liikito. Kiimaq tsangshiq ka Jesuq phana saüto. Raüta liikiita, akhum wa tha jobaiq wantiiwe kriika, Jesuq jichong na, khea sam raüta, kiimaq asung atsii ka tsangrakrak hea she nga raü chhihoto. Kiimaq tsangshiq ka, kra chhi raüta akiinyii rai nai, ahai riito.
Raüta tsangshiq raq ara lak ara Antiok na siti phungmaiqsetiim ma waiqto. Raüta Judas nai Silas ma tiiho wanto. Lak ka akha waiqto: “Naishiq kiimwebi nai maiqlare, namshiq ma phunainotiim raq, namshiq Pongnok phan maiqse lungwii phunainotiim, Antiok chela na kiimaq Siria nai Silisia wang na siti tlotli ma salam bomtsi tiitai wan tiikai.
Krai mren, Paul ka Silas shea wan raüta, Siria wang nai Silisia wang lam maq wawanto. Kra wangnai na siti phungtutitiim ma kamasham lamphan na, tsaido jido ningkun shoqke wan bomtsi pahea chongkuq wanwan miishe wawanto.
Tsangshiq raq ara tsütsa ka tai raüta Shiikeawe ka tiitsam kamto. Raüta, tsangshiq raq apaiq ma chongto, “Phuno we Paul lei, Jerusalem wa maiq pahea ahing ahing she phung na shang wanto. Kriika ümniiriimin asap haü. Kiimaq tsangshiq ka nashiq Jehudinok Thungtri ka jaqkhon tiipha raüta atsin maq lang wanti siisaq.
Kiijiishe, Paul raq treto, “Ngi ka Jehudi phan. Silisia wang na Tarsas chela na achü. Kiimaq akhek chela ajong na siti nokti we ashi. Riita, ümchaü min, ngi raq ara mungmaiqse mrurang rai tlaq arma bom poshi chongke miitu aming kuqlaq” nguta jaüto.
Wanghupti we raq lak ka phatto. Raüta apaiq ka ümra hongti wa nguta Paul ma waito. Riita apaiq raq Paul ka Silisia hongti nguta sap raütiishe
Kiijiishe, Paul raq kra Rung ma nga wanti welabi phong niika maiq wiijam ka Sadusinok, kiimaq wiijam ka Phorisinok kra chhito. Kra chhi raütiishe, apaiq raq Rung na ngatibi welabi ma hong raüta, agi lam miishe tri ka akhiishe phoqto, “I phan i maq Israilnok lei! Ngi ka Phorisinok phung wa. Kiimaq i we kiimin Phorisinok phung wa. Riita, ngi ümchaü arjaq Rung na chap tiikang arka, maiq ka amaa wa adong mirwan nong nguta ranphan lata sitiikang kamtsantsii bomtsi kra kha na Rung welabi raq tiichaptlan!”
Ngi ka nashiq nok raq Shiikeawe lamphan na tri raütu thü tlaq kra atsin pinthum maq lang wanti we, Phorisinok phung wa maiqwe ashi dea, nguta siti we riikang. Tsangshiq raq ngi ka nose ji miiphü asap. Tsangshiq raq chong i dea nguta tiima raü jiika, ngi raq i rilung arka jamkho siwan kang, kra hakhi mikuqlot.
“Ngi raq dongdii min tiima wankang, Najareth hiqti we Jesuq lamphan wantibi thun ka wiita shiithen baiq hajaq nguta kai shiikut chaq wan kang.
Shatmaq, Phorisinok phong na Thungtri shrinketi shra ajong weshi, apaiq mang ka Gamaliel nguta asi. Apaiq ka mung maiqse wiitarü raq kai shreng tlo. Kiijiishe kriiwe ka Rung welabi man na chapha she riito. Raüta, apaiq raq kiimwebi ka heashi miitu kinphai na sheaho ronglaq nguta thaüto.
Shatmaq, apaiq ka sinagok ashi na siti, maiq wiijamti, maiqdi wa ada wan (akha mangtlaq) kong kriiraq ngengto. Kra sinagok phung niika, Sairini chela nai Alekjendria chela wa awa, Jehudinok min asi riito. Tsangshiq rai Jehudinok ahinti Silisia mung nai Asea mung wa awati ka chap rang raüta Stephen rai she riikhiihoto.
Kra bala siili, Saul raq Tatiwe sengi thun ka, tiikot mrot rit raüta, atsea ata tiiphiip miijiip, shiikeng wanto. Krai mren, apaiq ka Ramwe Ajong Pinthum we phana wato.
Kiijiishe, Tatiwe raq apaiq ka thaüto, “Tiije laq. Laüta, Rusansan Lam ngutlaq maiqchii kiina kilaq. Kiijaq Judas nguta maiq weshi asi. Apaiq jam na kilaüta, Tarsas chela na siti, maiq weshi, amang Saul ngutliiwe ka arjaq asi sha nguta wailaq. Apaiq ka ümchaü achu jaü rea.
Jesuq jaqshisetiim raq kra matkii sü tho kra he raütiishe, tsangshiq raq Saul ka, Sisiria chela niishe sheahoto. Kra miishe hali apaiq ka Tarsas chela niishe tiiwa baiqto.
Riita, ümchaü min, ngi raq bomtsi ka akha wai pha shaq. Riita, ija, Shiikeawe raq asengi Israilnok ka, tiishaü baiq tlii she dea sha tiishaü baiq ta? Tiishaübaiq tlii langlang kla tiishaü baiq mak dea! Kriika, ümkhiiriita jiimin tiishaü baiq mak. Ara akha jamkhano chongtiikai ngukla, ngi ahata Israilnok phan. Abraham saüse lai. I weraü mang ka Benjamin weraü.
Tsangshiq ka Jehudinok dea sha? Ikhiijiika ngi ahata akaü. Tsangshiq ka Israilnok dea sha? Ikhiijiika ngi ahata akaü. Tsangshiq ka Abraham saüsetiim dea sha? Ikhiijiika ngi ahata akaü.
Ngi ka naishiq nok, Jehudinok thungtri maq, Shiikeawe lamphan niika, i ri i rümti thaq na atsin maq lang lata siwan kang. Kiimaq, naitititiim thungtri ka, tsantsii wiita kiinong kuq lata, lang wan kang.
Kra jai miishe hali, ngi ka, Siria nai Silisia wang binjü na maiqhiq apawiq na walata, tra hokuq wankang.
Tatiwe raq asenginok lungwiitlo, kiimaq awokhong na siti ka khup wong kuqtlo. Kra ningkhan nashiq ka ajichong na bumtiikai kiimaq apaiq aming thun kra langtiikai.