Acts 22:4 - ASII LAKDAP Bible (BSI)

⁴ Ngi raq ara ümchaü riichong tiikai Lamjong ara phan wantibi maiqse angu thun arka longliiq lata, tsangshiq miisaq tiithum wan lili tiitsat baiq kang. Kiimaq ngi raq tsangshiq ka jechak maiqwe wiita lap lata, phaqtek mong na shaq baiq wan kang.

Hawa Naga Bible 2001

⁴ Kvmluimx lvmx phvnc jix htenc kuex ngaz rueq vthueyc nuex httuiuc laz guirguenz vtueq, yalxjuik miqwaz khoktep nuex shauk tauk.

Muklom

⁴ Iri Lam phantey miqtang sha nga tahikham eq tatik táng. Nga miqnu nia miqwa otho lo eq chuk náng saktáng.

Acts 22:4 Referencias Cruzadas

Acts 16:17

Apaiq raq Paul nai naishiq jai ka, phanshphan maq phan raüta, “Arwetiim arka Ratsan Ramong Nyang Na Siti Shiikeawe Ajong disetiim! Tsangshiq raq namshiq ka jamkha tiichhii wan chang wa kra chongkuqtlo!” nguta agi asii lam maq khumrai wan dam tlo.

Acts 18:26

Apaiq raq sinagok na achaq awaq maq trahokuqto. Kra wiishe Prisila nai Akoila raq tai raüta, apaiq ka tsangshiq jam na shea wanto. Raüta, tsangnai raq apaiq ma samheawiq miishe hali, Shiikeawe Lamphan tri lam kra tru chongkuqto.

Acts 19:23

Ara chongtiikai akhing bala Ephisia na, Tatiwe Lamphan khuthaq na seng raüta, mungmaiqse liipan na tatso ka jonghea ashi dongto.

Acts 19:9

Shatmaq, kiiwa nokwe phong wa maiq wiijamti tsantsii ka wanshakshak, tsinhea riito. Kiimaq Paul raq tsütsa chongkuqtlaq kiima kam mak riito. Kiimaq kriiti raq nokwe tarü man na, Tatiwe Lamphan khuthaq na bom ka abi-ati she bomhoto. Kriikha miishe, Paul raq tsangshiq ka miimthüto. Raütiishe, apaiq rai phunainotiim kra sheahoto. Kiimaq ranaiqtek apaiq raq Tiranas raq mungmaiqse pahea tiithung raü raüta trahoke wan chang jamkaü jonghea ashi asi, kra jam maq Shiikeawe lamphan manphan kra phanchan kuq lili riito.

Acts 24:14

O, riita bom poshi kla tengto dea. Naititiim Shiikeawe ka, ngi raq kriidea Shiikeawe shomnoq chang Lamjong kaü nguta, chong tlaq kra lam kra phan phan miidea, shomnoq tiikang. Kra lam phan ka tsangshiq raq lamjiq nguta ngutlo. Shatmaq, ngi riimin la Mosheq Thungtri na awaiq thü nai shammibi lakdap thun na awaiqthü tengteng bomtsi kiima kam tiikang.

Acts 7:58

Raüta, apaiq ka Jerusalem chela chiiphai na hitho raüta, long maq tiiqbaiqto. Apaiq tsea baiq damti hakhibi thun raq, tsangshiq samtongjong thun ka, Saul nguta jero we ashi kiima tiikhe thüto.

Acts 9:21

Apaiq traho kra tai raüta, nokmaiqse thun tarü ka awang riito. Kiimaq tsangshiq liipan na, “Notsam, arwe ara mak sha, Jerusalem wa Jesuq puk na nyap wantibi thun kra tseabaiq wanti we ira? Kiimaq ümchaü apaiq arjaq wataq arka, tsangshiq thun kra lap wa nguta awa riimak sha? Tsangshiq ka lapho raüta, Jerusalem na ramwe jongbi kiima kiinong keho miitu awa riimak sha?” nguta riiwaisoto.

1 Corinthians 15:9

Ara jamkhano chongtiikang ngukla, ngi arka kiimwebi phong na aran pinthum. Ngi ka kiimwe nguta tiingo min thek mang. Ngi raq Shiikeawe sengi phungtuti thun ka tiichamchao kang.

Galatians 1:13

Namshiq ma nanok raq chongkuq wanto, ngi riika Jehudinok thungtri maq, Shiikeawe lam phan ka kai tsan tiitsi lata phan wan kang. Kiimaq, ngi raq Shiikeawe sengi phungtuti ka pinthum wesang ralii ma mang lata, ngengseng wan kang. Lata, tsangshiq ka pinthum tiichamchao wan kang. Kiimaq Phungmaiqse ka arang chong maq babaiq tlii riila, nguta hongla wan kang.

Philippians 3:6

Nanyungwe Thungtri lang wan lamphan na, tri raü sham wanti, akaü ashi. Kriikha maq, phungtuti ka pinthum tiichamchao wan kang. Thungtri lang raüta kechu maiqse ma jawan chang lam asi dea ngo chang jiika, ngi ka thungtri aming tingting maq lang wanti, kechu maiqse ashi nguta asi wan ha wa.

2 Peter 2:2

Arot shrabi raq ashe, sethoq ngarai tang tlaq kra chhi raüta, Phungmaiqse pahea raq tsangshiq jai ka miphan. Tsangshiq rong arai abi kra thatsang maiqse raq chhi raüta, Khristan rilung lamphan kra abi nguta thatsang maiqse raq michongsiq.