Acts 22:5 - ASII LAKDAP Bible (BSI)

⁵ Ara ngi raq bom chong tiikang arka tengto dea nguta, Ramwe Ajong Pinthum we nai Jehudinok Rung welabi tarü raq asap. Tsangshiq raq nashiq nok Damaskas chela na siti welabi ma, lak waiq raüta, i jaq na tiiho wanto. Krai mren, ngi ka ara chongtiikai Lamjong ara phan wantibi maiqse angu thun kra Damaskas chela wa lap wa lata, tsangshiq ka kharü maq khaho lata, ara Jerusalem chela na hitho ma nguta, kiimaq tsangshiq ka Rung welabi raq kharü maq kha raüta mitiichamchao laq nguta, tsangshiq lap wa kiina wawan kang.

Hawa Naga Bible 2001

⁵ Ngaz rueq jungx vshaungx kvjaz vruex vlvmx ngoz tueq Shomc Wayungx bix nuiyc vyungx vlaungx bix rueq muinz hakhix khvmc lot yaq. Ngaz rueq tsuingshiq kox wawc Damasku ghaq nuex httaz jix Yuda miqsaz phunox bix muex vwuiyq tvwvnc luik muinz lvp tauk, kvmaq kvmluimx lvmx phvnc jix htenc kuex lvp khvrc buinc ruiux, Yerusalem ghaq nuex shvlc lvy tvkoc Damasku ghaq nuex kaz wvnc tauk.

Muklom

⁵ Ajong tingwa tang solwa etho thaji Rong wang miqtang aa sam eq nga asing batphang. Damascus na tongtey Jehudi phan tang ma kotma liklo nga kap táng, etho ning sha lo eq Jerusalem náng tharo tatsam kotma thoksol ma nga chuwang táng.”

Acts 22:5 Referencias Cruzadas

Luke 22:66

Rawü wan kiitiishe, ngongwebi phong wa welabi, ramwe jongbi, kiimaq Thungtri shrinketibi thun kriika ngongthun nga wanto. Raüta, Jesuq ka tsangshiq Rung na tiichapto.

Acts 1:15

Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

Acts 13:26

Paul raq tsangshiq ma, “I phan i maq Israilnok Abraham saü asetiim, kiimaq Shiikeawe ma haisong tsantsii thü wanti Pongnok phan maiqsetiim lei: Ara chong tiikang tiichhii wan tsütsa arka, Shiikeawe raq nashiq tarü miitu tiisaü hoto!

Acts 2:29

“Phunainotiim lei, ngi raq namshiq ma pharangrang maq, nati ajong pinthum Hokham we Dawit manphan ka chongkuq pha. Apaiq ka tsaikito she. Apaiq maakho ka ümchaü niitaq, arjaq nashiq makki na asi.

Acts 22:1

“I phan i maq Israilnok singmung maiqse phukhu welabi lei, ngi raq namshiq man na ngi ka shut mang nguta, i khum tiikhe bom ka chongpha shaq, namshiq raq tiitsang tai ronglaq!”

Acts 23:1

Krai mren, Paul riimin Rung na ngati welabi pha nü na tiqtiq lii raüta, apaiq khum tiikhe wan bom ka akha bompha hoto, “I phan i maq Jehudinok singmung maiqse lei! Shiikeawe maklii na i rilung arka ümchaü ranaiq niitaq saüli i tsan i tsii khangriri maq siwan tiikang.”

Acts 23:6

Kiijiishe, Paul raq kra Rung ma nga wanti welabi phong niika maiq wiijam ka Sadusinok, kiimaq wiijam ka Phorisinok kra chhito. Kra chhi raütiishe, apaiq raq Rung na ngatibi welabi ma hong raüta, agi lam miishe tri ka akhiishe phoqto, “I phan i maq Israilnok lei! Ngi ka Phorisinok phung wa. Kiimaq i we kiimin Phorisinok phung wa. Riita, ngi ümchaü arjaq Rung na chap tiikang arka, maiq ka amaa wa adong mirwan nong nguta ranphan lata sitiikang kamtsantsii bomtsi kra kha na Rung welabi raq tiichaptlan!”

Acts 26:10

Ngi raq Jesuq jai phan wanti maiqsetiim thun shiithen baiq wan jaqsham ka Jerusalem na shampha wan kang. Lata, ngi raq ramwe jongbi jaq wa arang lap wan lata, Shiikeawe sengi maiq pahea phaqtek mong na dungdung she shaq baiq wan kang. Kiimaq tsangshiq ka tsea baiq miitu kha tantaq akhing ranaiq niimin, mungmaiqse rai tri ka ngi riimin pong wan dam kang.

Acts 26:11

Ngi raq tsangshiq ka akhing pahea, sinagok thun maq tsat wan kang. Lata tsangshiq raq Jesuq ma kamtsantsii thü tlaq, tsangshiq kamtsantsii kra, tiipan baiq miitu, tiiphiip miijiip longliiq wan kang. Ngi ka tsangshiq ma, i tsankhiq ninlot mangshe kha maq, tsangshiq ka pongmung chela thun na saülili she tiikot trot jowan lata, tsangshiq pahea tiichamchao wan kang.

Acts 26:12

“Riita, ija, ngi ka ara bom chong tiikang Jesuq ma kamwanti maiqse thun kra lap wa miitu, ramwe jongbi raq ngi ma arang akuq lak kra howan lata, Damaskas chela niishe wawan kang.

Acts 28:17

Kiijaq saü wali maq, ranaiq tsam sijai na, Paul raq kiijaq siti Jehudinok welabi ka adam na triitam hea raüta ngato. Tsangshiq ka apaiq phana riitam saüki kiitiishe, apaiq raq tsangshiq ma bom ka akha ngutiishe chongkuqto, “I phan i maq Israilnok phunainotiim lei, ngi raq nashiq nok mungmaiqse ma abi ati jamlai phan min sham wan mang. Kiimaq natitiim raq nashiq ma akuqthü thungtri thaq niimin jamlai kiqjiq wan mang. Shatmaq, tsangshiq raq ngi ka Jerusalem maq shumraü kharü maq kha raüta, Roman hokham jaqkhon mong na kuqbaiqto.

Acts 28:21

Kra tai raütiishe, kiijaq Rom na siti Jehudinok welabi raq treto, “Ahü la, naishiq riiha ümkhu thaq seng raüta, Judia wang wa lak awe jam min lap mai la. Kiimaq nashiq nok kiinü mung maq awati jurmin, ümnaq tsütsa ka naishiq ma tiitai chong wan mak dea. Kiimaq ümkhu thaq na abi ati bom jamlai min chong wan mak, ahü taishan wan mai dea.

Acts 3:17

“Riita, ümchaü min, i phu i notiim lei, namwelabi raq nai namshiq raq, Jesuq tsatbaiq lan kriika, namshiq raq ajiq dea klo kai nguta sap man kha miili dea, kiimung lan nguta ngi raq asap ha.

Acts 4:5

Anap ranaiq miishe, Jehudinok mung welabi, shiilangbi, kiimaq Thungtri shrinketi shrabi thun ka, Jerusalem na ngongthun ngato.

Acts 5:21

Krai mren, kiimwebi raq rase aming kra taito. Raüta, ranap na Shomjam na kiraüta, mungmaiqse ma trahokuqto. Ramwe Ajong Pinthum we nai akongtibi raq Jehudinok Rung welabi thun ka ngongthun rong i nguta Rung na tiiheato. Raütiishe, tsangshiq raq kiimwebi ka Rung na tiichap miitu, phaqtek mong wa sheaki rongkiq nguta peta siihiipbi ma aming kuqto.

Acts 9:14

Kiimaq, apaiq arjaq Damaskas chela na wataq arka, ramwe jongbi jaq wa arang lak howan raüta, ara chela na ümnaq shomnoqti, ümsengi thun kra wiita lap wa wato nguta chongtlo.”

Galatians 1:13

Namshiq ma nanok raq chongkuq wanto, ngi riika Jehudinok thungtri maq, Shiikeawe lam phan ka kai tsan tiitsi lata phan wan kang. Kiimaq, ngi raq Shiikeawe sengi phungtuti ka pinthum wesang ralii ma mang lata, ngengseng wan kang. Lata, tsangshiq ka pinthum tiichamchao wan kang. Kiimaq Phungmaiqse ka arang chong maq babaiq tlii riila, nguta hongla wan kang.

Philippians 3:6

Nanyungwe Thungtri lang wan lamphan na, tri raü sham wanti, akaü ashi. Kriikha maq, phungtuti ka pinthum tiichamchao wan kang. Thungtri lang raüta kechu maiqse ma jawan chang lam asi dea ngo chang jiika, ngi ka thungtri aming tingting maq lang wanti, kechu maiqse ashi nguta asi wan ha wa.

1 Timothy 4:14

Ümkhum na asii kamasham kongphiq Shiikeawe raq akuq sitlaq kra, samhea wiq maq rüm laq. Arka ümniima Shiikeawe shammibi raq chongkuqtaq, kiimaq kamasham na maiqlare raq, tsangshiq jaq ka ümdü na sham raüta ramram achu jaü kuqtaq akhing na, Shiikeawe raq akuq.