2 SAMUEL 21:2 - ASII LAKDAP Bible (BSI)

² (Gibeon chelati ka Israilnok phan ka riimak. Tsangshiq ka atsapse Ammoraiqnok atiichongki. Tsangshiq ka Israilnok raq tsatbaiq mai nguta tongshong kiqkham maq atiiham wan. Shatmaq Saul raq Israilnok nai Juda phan miitu tsangshiq ka wiita chongthum ma tiija tlii jiipbaiq tanto.)

Hawa Naga Bible 2001

² (Gibeon miqsaz htenc kuex Israel miqsaz rvmuq; tsuingshiq kuex Israel miqsaz rueq tvkhup wungx kuy tvkoc bomkhvmc kuy rvhumc tueq, Amori miqsaz wawc miqphvnx raungluingx saz dvyx rvtueq, yuq muinz Sholu kuex Israel nuiyc Yuda miqsaz htenc tvkoc thuinz tvtsanc ningkhvnc nuex tsuingshiq kuex tvbac gay dvnc tueq.)

2 SAMUEL 21:2 Referencias Cruzadas

RAPHA HIQWA LAK 15:16

Ümsaü ümsetiim ka armung arjaq mijang wan shaq liipan na maiqpat ka patblai mithum. Jamkhano ngukla Amoraiqnok ngarai ka aman she, pinthum bihea she, tsangshiq ma imo tiiho akhing mihong shaq wiiwii ka, Ngi raq tsangshiq ka armung wa jobaiq mang mirha.”

2 SAMUEL 24:1

Tatiwe ka thongshi ri hali Israil mungti ma atsankhiq riito. Kra ningkhan apaiq raq Dawit tsantsii tiipherak raüta Israil mung khuthaq na chamchao tiisaüto. Tatiwe raq apaiq ka thaüto, “Kilaq. Laüta Israil mungti nai Juda mungti maiq ümchuwa kra wealaq.”

2 HOKHVMX 10:16

Anü maq, “Wara ngi rai kongshi maq. Laüta ngi ka Tatiwe ma itsan itsii wiita kiinongkuq lata jaq shamtiikang kra liiwakiq,” nguta nguto. Raüta tsangnai ka kongdam Samaria chela na wawanto.

2 HOKHVMX 10:31

Shatmaq Jehu raq Tatiwe, Israilnok Shiikeawe thungtri ka atsan atsii kunli kiinong kuq raüta lang wan mak dea riito. Kra rii na apaiq riika Jeroboam raq Israilnok ka ngarai lam na shunsheataq, kra lam kra khoti phanto.

1 KAÜWA WERAÜ 1:14

Kiimaq Kanan lai wiika Jebusaiqnok, Amoraiqnok, Girgashaiqnok,

John 16:2

Tsangshiq raq namshiq ka sinagok wa ashleq mirbaiq. Kiimaq akhing ka akha misaü wan, maiq ashi ra raq, namshiq ka tsatbaiq raüla, apaiq raq kriika Shiikeawe jaqsham tiikang nguta mitiima.

Romans 10:2

Ngi raq asapha, tsangshiq raq Shiikeawe ka tsantsii wiita kiinong kuq raüta dea shomnoq wantlo. Shatmaq, tsangshiq raq Shiikeawe shomnoq tlaq, kriika riikhaqli lam phan riimak.

Galatians 4:17

Nanok ahinti shrabi tiichan ne rai tlaq kriika, tsangshiq raq namshiq ka pinthum lungwii tlaq ngo chang chang ikha tiichan nei wan tlo. Shatmaq, tsangshiq tsan mong na tiima tsantsii ka abi. Tsangshiq raq namshiq ka, ngi rai kongshi sitlan kiiwa, triiphea baiq haijaq; raüta tsangshiq raq, namshiq jamkho rit tlaq kiikha, namshiq riimin tsangshiq rai pong wan dam tloho raü jaq, nguta rit tlo.

TRI CHONGKE 7:16

Tatiwe namshiq Shiikeawe raq namshiq jaqkhon na maiq mung kiinong kuq wantlaq kra aweatek miqchup tiithen baiq ronglaq. Kiimaq tsangshiq ma tiihang mangchan tiichhike wan maimak. Tsangshiq phra thun ka naq shomnoq rongkiq. Kra riihanla namshiq mea wan chang thiikho miraq.

1 SAMUEL 14:44

Kiijiishe Saul raq apaiq ma nguto, “Ngi raq ümniika tsatbaiq mang riihala, Shiikeawe raq ngi ka mitsat baiq laq!”