Acts 23:6 - ASII LAKDAP Bible (BSI)

⁶ Kiijiishe, Paul raq kra Rung ma nga wanti welabi phong niika maiq wiijam ka Sadusinok, kiimaq wiijam ka Phorisinok kra chhito. Kra chhi raütiishe, apaiq raq Rung na ngatibi welabi ma hong raüta, agi lam miishe tri ka akhiishe phoqto, “I phan i maq Israilnok lei! Ngi ka Phorisinok phung wa. Kiimaq i we kiimin Phorisinok phung wa. Riita, ngi ümchaü arjaq Rung na chap tiikang arka, maiq ka amaa wa adong mirwan nong nguta ranphan lata sitiikang kamtsantsii bomtsi kra kha na Rung welabi raq tiichaptlan!”

Hawa Naga Bible 2001

⁶ Kvruex rvtuimx yaq jix wvyvmc kuex Saduke nuk, wvyvmc kuex Pharise nuk rvtueq kuex Polu rueq tuiuz lvp vtueq, “Phunox bix lex! Ngaz kuex Pharise muinz rvtauk, Pharise hez saz muinz rvtauk. Vthueyc jix yuing kvtenc wvnc tuex lvmz nuex thuinz tvluimc jix ningkhvnc nuex majuiuc ngaz vwiz vsoz rvhumc vtaungx,” ngoz tueq ramc jungx tueq.

Muklom

⁶ Paul aa eshina langtey miqtang wang chamtey tey Saddusi etho chamtey tey Phorisi ta khita etho piq aa Rongq ching konáng ring eq batta, “I no ni pho tang, nga ashey Phorisi miq, etho Phorisi miqwasa. Utik tey sha weyjey angna ta tungmang tungkang o nga iri Rongq na lang ang.”

Acts 23:6 Referencias Cruzadas

Matthew 10:16

“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.

Matthew 22:23

Sadusinok ka Jehudinok phong wa pong phungti ashi riito. Tsangshiq raq maiq ka ama wa midong wan nguta kamasham bomtsi chongtlaq kra miika kamwan mak. Phorisinok raq Jesuq ka tsangshiq thiikho na tiithap lai nguta tantaq, kra ranaiq sii hali, Sadusinok phong wa maiq wiijamti ka Jesuq phana wato.

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Acts 22:3

“Ngi ka Jehudi phan. Ngi rawü chhi chang hiqshong ka Silisia wang na Tarsas chela. Shatmaq, ngi jonglu wan chang hiqshong ka ara Jerusalem chela ara. Kiimaq ngi ma shra jong we Gamaliel raq natitiim Thungtri ka atsin maq jamkhii lang wan chang wa, kra wiita kunkun shrin kuqto. Kiimaq ümchaü namshiq raq khum kiinong kuq lanta, Shiikeawe jaqsham tlan kiikhiisii hali, ngi riimin, i khum ka wiita kiinong kuq lata, Shiikeawe jaq sham ka sham wan kang.

Acts 22:30

Phentujong we raq Jehudinok raq Paul ma jamlai phan khü akha wa nyan tlaq kra riikhaqli tiishang rii ro riito. Kriikha miishe, apaiq raq anap ranaiq miishe, Paul khachang jinraü kharü thun kra atiidii she riibaiqto. Raüta, Jehudinok Rungjong kra nga wan miitu ramwe jongbi thun ma ngongthun ronglaq nguta aming kuqto. Raüta apaiq raq Paul ka Rung na tiichapto.

Acts 22:5

Ara ngi raq bom chong tiikang arka tengto dea nguta, Ramwe Ajong Pinthum we nai Jehudinok Rung welabi tarü raq asap. Tsangshiq raq nashiq nok Damaskas chela na siti welabi ma, lak waiq raüta, i jaq na tiiho wanto. Krai mren, ngi ka ara chongtiikai Lamjong ara phan wantibi maiqse angu thun kra Damaskas chela wa lap wa lata, tsangshiq ka kharü maq khaho lata, ara Jerusalem chela na hitho ma nguta, kiimaq tsangshiq ka Rung welabi raq kharü maq kha raüta mitiichamchao laq nguta, tsangshiq lap wa kiina wawan kang.

Acts 23:1

Krai mren, Paul riimin Rung na ngati welabi pha nü na tiqtiq lii raüta, apaiq khum tiikhe wan bom ka akha bompha hoto, “I phan i maq Jehudinok singmung maiqse lei! Shiikeawe maklii na i rilung arka ümchaü ranaiq niitaq saüli i tsan i tsii khangriri maq siwan tiikang.”

Acts 23:15

Riita, ümchaü min, namshiq ajong alabi nai Rung welabi raq, Paul mra ka samhea tiishangrii nong ma nguta tiimanhii lanta, Roman phentujong we kiima Paul ka Rung na tiisheaho nonglaq nguta bom ka tiichong wa nong rongkiq. Shatmaq, naishiq ka lam na tiipaü laita kheshat mirhai. Laita, Paul ka arjaq misaü ho shaq liipan wiili mitsat baiq kai,” nguta tsangshiq welabi ma bom ka tiitaito.

Acts 23:20

Kiijiishe, apaiq raq treto, “Jehudinok mung welabi thun ka kiq ari wishe. Anap ranaiq ümniima tsangshiq raq Paul ka Rung na tiiki nonglaq, mung welabi raq Paul ma bom ka samhea tiitsang rii wai nong ma nguta tiimanhii raüta, ümniima bom ka mitiichong wa.

Acts 23:7

Riita, apaiq raq ara bomtsi ara chongri li she Rung welabi, Phorisinok nai Sadusinok liipan niishe riitso hoto. Krai mren, phowebi ka kongnai niishe riiphea kito.

Acts 24:15

Riita, ümchaü arjaq rung na nga tlaqti thun raq, tsangshiq raq maiqse angu wiita, maiqhea maiqbi kunli, ranaiqshi akhing na, amaa wa adong mirwan nong nguta, Shiikeawe ma kam tlo. Riita, ara tsangshiq raq kam tlaq kra miika, ngi riimin kam tiikang.

Acts 24:21

Kra ranaiq ngi raq tsangshiq phowebi ma ara bomtsi arli agilülü lata chongkuq kang: ‘Ümchaü ranaiq namshiq raq ngi nangnga ajiq we nguta tiishut tlan arka, ngi raq maiqse ka amaa wa adong mirwan nong nguta kam tiikang kamtsantsii thü tiikang kra kha pho tlan jo’ nguta chong kuq kang.”

Acts 28:20

Riita, arthun mra pintaq arkha maq, ngi raq namshiq rai riihum ma nguta namshiq ka tiihea wan kang. Riita ngi raq ara kharü hotiikang arka, Israilnok raq ju miiwa tsangshiq tsantsii ran wan tlaq, kriiwe mang na hotiikang,” nguta tsangshiq ma bom ka chongkuqto.

Philippians 3:5

Ngi ka rawüchhi jai maq chepat shi ngo niili, i tho ka hanto. Ngi arka, i nyung pukdong Hibrunok phan dongdii. I weraü mang ka Benjamin weraü. Ngi ka chiisan Jehudinok lai. Thungtri lang wan lam na akaü ashi, Phorisi phan wa.

Colossians 1:5

Riita man na, aphaji na, namshiq raq tengteng Tsütsa Ahea, namshiq ma achongkuq wan ira tai wan lan ihata. Kra tai wan lan akhing na, Tsütsa Ahea ma kamwan raüla, namshiq ma rawiichii ramungtan na alap wan chang asi miraq nguta chongkuqto ihata. Krai mren, namshiq raq ran tsantsii thü wan lan ihata. Riita ikra, rantsantsii thü wan tlan kriikha maq tiina, ümchaü namshiq raq kamtsantsii nai Shiikeawe sengi ma lungwii tsantsii rüm tlan kra. Arka namshiq rantsantsii tsingo she dong wan tlo.

Hebrews 6:19

Nashiq rilung lai shiikhing wa chang, jinkhaiq kong bu ikha sitlaq kriika ara. Ara jinkhaiq kong bu arjaq riiwiiqtibi ka, ahai song chang jam min ahü. Kriiti ka jamlai rahai riimin chhi mak. Nashiq tsan ran chang jinkong bu ka Jesuq. Apaiq ka ramungtan na sitlaq shomjam mong kiijaq, asii thaq niimin asii pinthum siqlaitap sitlaq kra mong niishe wawanto.