Ar reolennoù, ar barnedigezhioù, al lezenn hag ar gourc'hemennoù en deus skrivet evidoc'h, a virot, hag e reot diouto da viken, ha ne zoujot ket doueoù all.
Nehemia 9:13 - Bibl Koad 21: Ar Bibl e Brezhoneg evit ar Vretoned Diskennet ec'h eus war Venez Sinai, ha komzet outo eus an neñv, ha roet dezho barnedigezhioù reizh, lezennoù gwir, reolennoù ha gourc'hemennoù mat. |
Ar reolennoù, ar barnedigezhioù, al lezenn hag ar gourc'hemennoù en deus skrivet evidoc'h, a virot, hag e reot diouto da viken, ha ne zoujot ket doueoù all.
an Ezdra-mañ a bignas eus Babilon. Bez' e oa ur skrib desket e lezenn Moizez, en doa roet an AOTROU, Doue Israel. Hag ar roue a roas dezhañ an holl draoù en doa goulennet, dre ma oa dorn an AOTROU e Zoue warnañ.
Hag eñ a respontas: Kement-se eo en deus lavaret an AOTROU: Warc’hoazh emañ diskuizh ar sabad santelaet evit an AOTROU . Lakait da boazhañ ar pezh hoc'h eus da lakaat da boazhañ, lakait da virviñ ar pezh hoc'h eus da lakaat da virviñ, ha dastumit an nemorant evit e virout betek ar beure.
Ra vint prest evit an trede deiz, rak d'an trede deiz an AOTROU a ziskenno dirak daoulagad an holl bobl war Venez Sinai.
An AOTROU a lavaras da Voizez: Kement-se a lavari da vibien Israel: Gwelet hoc'h eus em eus komzet ouzhoc’h eus an neñvoù.
Pa rejout traoù spontus na c'hortozemp ket, te a ziskennas hag ar menezioù a vrañsellas dirazout.
Dont a ra Doue eus Teman, dont a ra ar Sant eus Menez Paran. Ehan E Veurded a c'holo an neñvoù, hag e veuleudi a leugn an douar.
Lavarout a reas: An AOTROU a zo deuet eus ar Sinai, hag a zo savet a-us dezho e Seir. Lugernet en deus eus menez Paran, deuet eo gant dekviliadoù santel, eus e zehou e teuas evito ul lezenn entanet.
Hag-eñ ez eus bet ur bobl o klevout mouezh Doue o komz a-greiz an tan evel ma ec'h eus klevet, hag a vefe chomet bev?
Eus an neñvoù en deus graet dit klevout e vouezh evit da gelenn, war an douar en deus diskouezet dit e dan bras; klevet ec'h eus e gomzoù a-greiz an tan.
Ha pehini eo ar vroad vras he defe reolennoù ha barnedigezhioù reizh evel an holl lezennoù-se a lakaan hiziv dirazoc'h?