Mazhev 13:3 - Bibl Koad 21: Ar Bibl e Brezhoneg evit ar Vretoned Komz a reas dezho dre barabolennoù war galz a draoù hag e lavaras: Setu, un hader a yeas er-maez da hadañ. Testamant Nevez 1897 (Jenkins) Hag hen a lavaraz dezhe kalz a draou dre barabolennou, o komz evel‐hen: Eun hader a ieaz er meaz evit hada; Aviel revé St. Maheu troeit é Brehonec Guénet 1858 Hag ean e laras dehai hilleih a dreu dré lavar‐cuhet, én ul laret; Nezé ur hadér e yas er mæz de hadein. |
Digeriñ a rin va genoù evit disklêriañ barabolennoù. Embann a rin traoù kuzhet an amzerioù kozh,
En deiz-se e raint ur c'hrennlavar diwar ho penn, hag e huanadint gant ur garm truezus o lavarout: Graet eo! Distrujet omp holl! Kemmet en deus lodenn va fobl! Penaos e kemero anezhi diouzhin? Lodennet en deus hor parkeier da dud dizoue!
An holl re-se, ha ne lavarint ket flemmadoù diwar e benn, ha ne zroukc'hoapaint ket anezhañ? Lavaret e vo: Gwalleur d'an hini a zastum ar pezh n'eo ket dezhañ! Betek pegeit...? Piv a samm warnañ bec'h e zleoù?
Evel ma hade, ul lodenn eus an had a gouezhas a-hed an hent, hag al laboused a zeuas hag he debras holl.
Deskit dre ur barabolenn tennet eus ar wezenn-fiez. Pa zeu he brankoù da vezañ tener hag he delioù da vountañ, c’hwi a oar ez eo tost an hañv.
En em lakaas da gomz outo dre barabolennoù. Un den a blantas ur winieg, a reas ur c’harzh en-dro dezhi, a gleuzias enni ur wask hag a savas enni un tour. Neuze e feurmas anezhi da winierien hag ez eas en ur vro all.
Klask a rejont kregiñ ennañ, met aon o doe rak ar bobl. Anavezout a rejont mat en doa lavaret ar barabolenn-se a-enep dezho. Hag e lezjont anezhañ hag ez ejont kuit.
Jezuz, o vezañ o galvet, a lavaras dezho dre barabolennoù: Penaos e c’hell Satan kas Satan kuit?
Lavarout a reas dezho: Ha ne gomprenit ket ar barabolenn-se? Ha penaos neuze e komprenot an holl barabolennoù?
Disklêriañ a reas dezho ger Doue dre galz a barabolennoù en doare-mañ, hervez ma c’hellent e glevout.
Respont a reas: Roet eo deoc’h da anavezout misterioù rouantelezh Doue, met d’ar re all eo komzet dre barabolennoù, evit o welout na welont ket, hag o klevout na gomprenont ket.
Lavaret em eus deoc’h an traoù-se e parabolennoù. Met an amzer a zeu ma ne gomzin ken deoc’h e parabolennoù hag e komzin deoc’h sklaer diwar-benn an Tad.