Mika 2:4 - Bibl Koad 21: Ar Bibl e Brezhoneg evit ar Vretoned

⁴ En deiz-se e raint ur c'hrennlavar diwar ho penn, hag e huanadint gant ur garm truezus o lavarout: Graet eo! Distrujet omp holl! Kemmet en deus lodenn va fobl! Penaos e kemero anezhi diouzhin? Lodennet en deus hor parkeier da dud dizoue!

Mika 2:4 Referencias Cruzadas

2 Samuel 1:17

Neuze e reas David ar werz-mañ war Saül ha war Jonatan e vab,

2 Danevelloù 35:25

Jeremiaz a reas ur werz war Jozia, hag an holl ganerien hag an holl ganerezed o deus komzet eus Jozia en o gwerzioù betek hiziv, ha graet o deus a gement-se ur reolenn en Israel. Ha setu, an traoù-se a zo skrivet er gwerzioù.

Levr Job 27:1

Job a gendalc'has d'ober e brezegenn o lavarout:

Izaia 14:4

e tistagi ar c'hrennlavar-mañ a-enep roue Babilon, hag e lavari: Penaos en deus echuet ar gwasker? Penaos en deus echuet c'hoantidigezh an aour?

Izaia 24:3

An douar a vo goullonderet holl, ha lakaet holl er skrapadeg, rak an AOTROU en deus lavaret ar gomz-se.

Izaia 6:11

Hag e lavaris: Betek pegeit, Aotrou? Hag e respontas: Betek ma vo ar c'hêrioù glac'haret ha diannez, an tiez didud, an douar glac'haret penn-da-benn,

Jeremiaz 14:18

Mard an d'ar parkeier, setu tud toullet gant ar c'hleze, mar deuan e kêr, setu tud o vervel gant an naon. Ar profed zoken hag an aberzhour a red dre ar vro, hep anavezout da belec'h ez eont.

Jeremiaz 4:13

Setu e pign evel koumoul, e girri a zo evel ur gorventenn, e gezeg a zo skañvoc'h eget an erered. Gwalleur deomp! An distruj a zo warnomp!

Jeremiaz 6:12

O ziez a dremeno da reoù all, gant ar parkeier hag ar gwragez, rak astenn a rin va dorn war dud ar vro, eme an AOTROU.

Jeremiaz 8:10

Setu perak e roin o gwragez da reoù all hag o farkeier da berc'henned nevez, rak adalek ar bihanañ betek ar brasañ, pep hini en em ro d'ar gounid dizonest, adalek ar profed betek an aberzhour, holl e reont gant touell.

Jeremiaz 9:10

War ar menezioù e savin va mouezh gant daeroù, gant hirvoudoù, ha war beurvanoù ar gouelec'h e tisklêrin ur werz, rak devet int ha den ne dremen enno. Ne vez ken klevet trouz an tropelloù; laboused an neñvoù hag al loened o deus tec'het kuit, aet int kuit.

Jeremiaz 9:16

O stlabezañ a rin e-touez ar broadoù n'o deus ket anavezet, nag int nag o zadoù, hag e kasin war o lerc'h ar c'hleze, betek ma em bo kuzumet anezho.

Ezekiel 16:44

Setu, an holl re a ra gant krennlavarioù, a raio gant ar c'hrennlavar-mañ war da gont: Merc'h he mamm eo!

Ezekiel 2:10

Displegañ a reas anezhañ dirazon, hag e oa skrivet en diabarzh hag en diavaez. Klemmganoù, goueladegoù ha huanadoù a oa skrivet ennañ.

Joel 1:13

En em c'hourizit ha dougit kañv, aberzhourien! Hirvoudit, servijerien an aoter! Deuit ha tremenit an noz gwisket a seier, servijerien va Doue! Rak difennet eo ouzh an donezon hag an evadkinnig dont e ti ho Toue.

Joel 1:8

Hirvoud evel ur werc'hez gourizet gant ur sac'h abalamour da bried he yaouankiz.

Amoz 5:1

Selaouit ar gomz-mañ, ar c'hlemmgan-mañ a zisklêrian a-enep deoc'h, ti Israel!

Amoz 5:17

En holl wini e vo klemmoù, pa dremenin ez kreiz, eme an AOTROU.

Mika 1:15

Degas a rin dit ur perc'henner all, plac'h Maresha! Gloar Israel a yelo betek Adullam.

Mika 1:8

En abeg da-se e hirvoudin hag e c'harmin, mont a rin diwisk hag en noazh, leuskel a rin gouelvanoù evel an aourgon hag e kañvaouin evel ar struskañvaled.

Mika 2:10

Savit ha kerzhit! Rak n'emañ ket amañ lec'h ho tiskuizh, en abeg d'an hudurnez, an distruj a ziskaro, un distruj rust.

Habakuk 2:6

An holl re-se, ha ne lavarint ket flemmadoù diwar e benn, ha ne zroukc'hoapaint ket anezhañ? Lavaret e vo: Gwalleur d'an hini a zastum ar pezh n'eo ket dezhañ! Betek pegeit...? Piv a samm warnañ bec'h e zleoù?

Sofonia 1:2

Me a lakaio da vont da goll an holl draoù war-c'horre an douar, eme an AOTROU.

Niveroù 23:18

Balaam a embannas e ziougan o lavarout: Sav Balag, ha selaou! Ro da skouarn din, mab Zippor!

Niveroù 23:7

Balaam a embannas e ziougan o lavarout: Balag roue Moab en deus va lakaet da zont eus Aram, eus menezioù ar sav-heol. Deus, millig din Jakob! Deus, kemer droug ouzh Israel!

Niveroù 24:15

Balaam a embannas e ziougan o lavarout: Diougan Balaam mab Beor, diougan an den digor e lagad,

Niveroù 24:3

Balaam a embannas e ziougan o lavarout: Diougan Balaam mab Beor, diougan an den digor e lagad,

Sant Marc 12:12

Klask a rejont kregiñ ennañ, met aon o doe rak ar bobl. Anavezout a rejont mat en doa lavaret ar barabolenn-se a-enep dezho. Hag e lezjont anezhañ hag ez ejont kuit.

Adlezenn 28:29

hag e tastorni e-kreiz an deiz evel ma tastorn an dall en deñvalijenn, ne ri ket berzh ez hentoù, heskinet ha dibourc'het e vi bepred, ha ne vo den ebet da zieubiñ ac'hanout.