Jeremiaz 10:13 - Bibl Koad 21: Ar Bibl e Brezhoneg evit ar Vretoned

Da drouz e vouezh, an doureier en em zastum en neñvoù. Lakaat a ra an aezhennoù da bignat eus penn an douar, ober a ra luc'hed ha glav, hag e tenn an avel eus e deñzorioù.

Jeremiaz 10:13 Referencias Cruzadas

Geneliezh 2:5

Plantenn ebet eus ar parkeier ne oa c'hoazh war an douar ha geotenn ebet eus ar parkeier ne ziwane c'hoazh, rak an AOTROU Doue n'en doa ket lakaet ar glav da gouezhañ war an douar ha ne oa den ebet da labourat an douar,

1 Rouaned 18:41

Goude Elia a lavaras da Akab: Pign, debr hag ev, rak setu trouz krozus ar glav.

Levr Job 38:22

Hag aet out betek teñzorioù an erc'h? Ha gwelet ec'h eus teñzorioù ar grizilh,

Salmoù 104:13

Eus e chomlec'h uhel, e toura ar menezioù. An douar a zo leuniet gant frouezh da oberoù.

Salmoù 135:17

divskouarn o deus ha ne glevont ket, n'eus ket kennebeut a c'hwezhadenn en o genoù.

Salmoù 135:7

Eñ eo a laka an aezhennoù da sevel eus penn an douar, a ra al luc'hed hag ar glav, a denn an avel eus e deñzorioù.

Salmoù 147:8

Goleiñ a ra an neñvoù gant ar c'houmoul, kempenn a ra ar glav evit an douar, lakaat a ra ar geot da ziwanañ war ar menezioù,

Salmoù 18:13

Eus ar splannder a oa dirazañ e teue koabrennoù, gant grizilh ha glaouennoù tan.

Salmoù 68:33

Rouantelezhioù an douar, kanit da Zoue! Salmit d'an Aotrou,  Ehan

Ermaeziadeg 9:23

Moizez a astennas eta e wialenn etrezek an neñvoù, hag an AOTROU a gasas tarzhioù-kurun ha grizilh, hag an tan a rede war an douar. An AOTROU a lakaas grizilh da gouezhañ war vro Ejipt.

Jeremiaz 14:22

E-touez idoloù aner ar broadoù, hag ez eus unan a rofe glav? Hag e c'hellfe an neñvoù reiñ glav munut? Ha n'eo ket te, AOTROU hon Doue? Emaomp en gortoz ac'hanout, rak te eo a ra an holl draoù-se.

Jeremiaz 19:12

Evel-se e rin d'al lec'h-mañ, eme an AOTROU, ha d'e dud, lakaat a rin ar gêr-mañ heñvel ouzh Tofed.

Jeremiaz 5:24

Ne lavaront ket en o c'halon: Doujomp eta an AOTROU hon Doue, eñ hag a ro glav ar c'hentañ hag an diwezhañ amzer, hag a vir evidomp ar sizhunioù merket evit an eost.

Jeremiaz 51:16

Da drouz e vouezh, an doureier en em zastum en neñvoù, hag e laka ur vrumenn da sevel eus pennoù an douar. Ober a ra al luc'hed hag ar glav, hag e tenn an avel eus e deñzorioù.

Amoz 4:13

Rak setu amañ an hini a ra ar menezioù hag a grou an avel, a zisklêri d'an den pehini eo e soñj, a ra ar mintin hag an deñvalijenn, a gerzh war uhelderioù an douar: An AOTROU, Doue an armeoù, eo e anv.

Zakaria 10:1

Goulennit ar glav digant an AOTROU, glav an diwezhañ amzer. An AOTROU a raio al luc'hed hag a roio deoc'h ur glav fonnus, ha da bep hini geot en e bark.