Jeremiaz 51:16 - Bibl Koad 21: Ar Bibl e Brezhoneg evit ar Vretoned

¹⁶ Da drouz e vouezh, an doureier en em zastum en neñvoù, hag e laka ur vrumenn da sevel eus pennoù an douar. Ober a ra al luc'hed hag ar glav, hag e tenn an avel eus e deñzorioù.

Jeremiaz 51:16 Referencias Cruzadas

Geneliezh 8:1

Doue a zeuas memor dezhañ eus Noe hag eus an holl loened hag eus an holl chatal a oa gantañ en arc'h. Doue a lakaas da dremen un avel war an douar hag an doureier a sioulaas.

Levr Job 37:13

Pe evit kastizañ, pe evit lakaat an douar frouezhus, pe evit bezañ trugarezus, o laka da zont.

Levr Job 38:22

Hag aet out betek teñzorioù an erc'h? Ha gwelet ec'h eus teñzorioù ar grizilh,

Levr Job 40:9

Hag ec'h eus ur vrec'h evel hini Doue? Ha kuruniñ a rez gant da vouezh eveltañ?

Salmoù 104:7

Da'z kourdrouz, en em dennjont, ouzh trouz da gurun, e tec'hjont.

Salmoù 135:7

Eñ eo a laka an aezhennoù da sevel eus penn an douar, a ra al luc'hed hag ar glav, a denn an avel eus e deñzorioù.

Salmoù 147:18

Kas a ra e gomz, hag o laka da deuziñ. Lakaat a ra e avel da c'hwezhañ, hag e red an doureier.

Salmoù 18:13

Eus ar splannder a oa dirazañ e teue koabrennoù, gant grizilh ha glaouennoù tan.

Salmoù 46:6

Emañ Doue en he c'hreiz ha ne vo ket brañsellet. Doue a ro sikour dezhi adalek distro ar mintin.

Salmoù 68:33

Rouantelezhioù an douar, kanit da Zoue! Salmit d'an Aotrou,  Ehan

Salmoù 78:26

Lakaat a reas da sevel avel ar sav-heol en neñvoù, hag e tegasas dre e nerzh avel ar c'hreisteiz.

Ermaeziadeg 10:13

Moizez a astennas e wialenn war vro Ejipt, hag an AOTROU a zegasas un avel sav-heol e-pad an deiz-se hag e-pad an noz-se. Ar beure a zeuas, hag avel ar sav-heol en doa degaset ar c'hilheien-raden.

Ermaeziadeg 10:19

An AOTROU a zegasas un avel kuzh-heol gwall greñv a gasas kuit ar c'hilheien-raden hag o zaolas er Mor Ruz. Ne chomas ket ur c'hilhog-raden war holl zouar an Ejipt.

Ermaeziadeg 14:21

Moizez a astennas e zorn war ar mor, hag an AOTROU a zigoras ar mor e-pad an noz holl dre un avel vras eus ar sav-heol. Hag e lakaas ar mor da hesk hag an doureier en em faoutas.

Ezekiel 10:5

Hag e veze klevet trouz eskell ar cherubined betek leurenn an diavaez, heñvel ouzh mouezh an Doue holl-c'halloudek pa gomz.

Amoz 9:7

Ha n'oc'h ket evidon evel mibien Etiopia, c'hwi mibien Israel? eme an AOTROU. Ha ne'm eus ket ho lakaet da bignat eus bro Ejipt? hag ar Filistined eus Kaftor? hag ar Siriz eus Kir?

Jonaz 1:4

Met an AOTROU a lakaas un avel vras da sevel war ar mor, hag e voe ur gorventenn vras war vor, hag al lestr a oa war var da derriñ.

Jonaz 4:8

Pa savas an heol, Doue a lakaas un avel domm da c'hwezhañ eus ar sav-heol, hag an heol a skoas war benn Jonaz, en doare ma vagane. Hag e c'houlennas ar marv o lavarout: Gwelloc'h eo din ar marv eget ar vuhez.