David a bedas Doue evit ar bugel, David a yunas, hag ez eas da dremen an noz gourvezet war an douar.
Adlezenn 9:18 - Bibl Koad 21: Ar Bibl e Brezhoneg evit ar Vretoned Stouet em eus dirak an AOTROU, evel diagent, daou-ugent devezh ha daou-ugent nozvezh hep debriñ bara hag hep evañ dour, en abeg d'an holl bec'hedoù ho poa graet, oc'h ober ar pezh a zo fall dirak daoulagad an AOTROU, evit e fuloriñ. |
David a bedas Doue evit ar bugel, David a yunas, hag ez eas da dremen an noz gourvezet war an douar.
Hag e savas, hag e tebras hag ec'h evas, ha gant an nerzh a roas ar pred-se dezhañ, e kerzhas daou-ugent devezh ha daou-ugent nozvezh betek Horeb, menez Doue.
Hag e savas Ezdra a-zirak ti Doue, hag ez eas da gambr Jokanan mab Eliashib, hag ez eas enni. Ha ne zebras ket bara, ne evas ket dour, rak e oa e kañv en abeg da bec'hed re an harlu.
Hag e komze eus distrujañ anezho, ma ne vije ket en em lakaet Moizez e zibabet ouzh ar freuz dirazañ, evit distreiñ e fulor, evit n'o dispennje ket.
Eñ a voe eno gant an AOTROU daou-ugent devezh ha daou-ugent nozvezh, ha ne zebras ket bara ha ne evas ket dour. Hag e skrivas war an taolennoù komzoù an emglev, an dek komz.
Lavarout a reas: AOTROU , da bediñ a ran, mar em eus kavet trugarez dirak da zaoulagad, ra gerzho an AOTROU en hon touez, rak ur bobl eo a c'houzoug reut, pardon hon direizhder hag hor pec'hed, hon dalc'h evel da hêrezh.
En em zalc'het on war ar menez evel an deizioù diagent, daou-ugent devezh ha daou-ugent nozvezh. An AOTROU a selaouas ouzhin c'hoazh ar wech-mañ, an AOTROU ne fellas ken dezhañ da zistrujañ.
Kemeret em eus an div daolenn hag o zaolet em eus gant va daouarn d'o zerriñ dirak ho taoulagad.
Stouet em eus dirak an AOTROU, evel diagent, daou-ugent devezh ha daou-ugent nozvezh, rak en doa lavaret an AOTROU e tistrujfe ac'hanoc'h.
Pa'z on pignet war ar menez evit degemer an taolennoù maen, taolennoù an emglev en deus graet an AOTROU ganeoc'h, ez on chomet war ar menez daou-ugent devezh ha daou-ugent nozvezh hep debriñ bara hag hep evañ dour.