Adlezenn 9:9 - Bibl Koad 21: Ar Bibl e Brezhoneg evit ar Vretoned

⁹ Pa'z on pignet war ar menez evit degemer an taolennoù maen, taolennoù an emglev en deus graet an AOTROU ganeoc'h, ez on chomet war ar menez daou-ugent devezh ha daou-ugent nozvezh hep debriñ bara hag hep evañ dour.

Adlezenn 9:9 Referencias Cruzadas

1 Rouaned 19:8

Hag e savas, hag e tebras hag ec'h evas, ha gant an nerzh a roas ar pred-se dezhañ, e kerzhas daou-ugent devezh ha daou-ugent nozvezh betek Horeb, menez Doue.

2 Rouned 6:22

Hag e respontas: Na skoi ket. Hag e skoez ar re a rez prizonidi gant da gleze ha da wareg? Laka bara ha dour dirazo, ma tebrint ha ma'c'h evint, hag ez aint da gavout o aotrou.

Ermaeziadeg 24:12

An AOTROU a lavaras da Voizez: Pign davedon war ar menez ha chom eno, hag e roin dit taolennoù maen, al lezenn hag ar gourc'hemennoù am eus skrivet evit o c'helenn.

Ermaeziadeg 24:15

Moizez a bignas war ar menez, hag ar goabrenn a c'holoas ar menez.

Ermaeziadeg 24:18

Moizez a yeas e-kreiz ar goabrenn hag a bignas war ar menez. Moizez a voe war ar menez daou-ugent devezh ha daou-ugent nozvezh.

Ermaeziadeg 31:18

Pa en deus echuet Doue da gomz gant Moizez war Venez Sinai, e roas dezhañ div daolenn an Testeni, taolennoù maen skrivet gant biz Doue.

Ermaeziadeg 32:1

Ar bobl, o welout penaos e talee Moizez da ziskenn diwar ar menez, en em zastumas da gavout Aaron hag a lavaras: Deus, gra deomp doueoù a gerzho a-raok deomp, rak ar Moizez-se, an den en deus hol lakaet da bignat eus an Ejipt, n'ouzomp ket ar pezh a zo c'hoarvezet gantañ.

Ermaeziadeg 34:28

Eñ a voe eno gant an AOTROU daou-ugent devezh ha daou-ugent nozvezh, ha ne zebras ket bara ha ne evas ket dour. Hag e skrivas war an taolennoù komzoù an emglev, an dek komz.

Mazhev 4:2

Goude m’en doe yunet daou-ugent devezh ha daou-ugent nozvezh, en doe naon.

Galated 4:24

An traoù-mañ a zo evel ur skeudenn, rak an div wreg-se a zo an daou emglev. Unan eus Menez Sinai, a c’han evit ar sklavelezh, Agar eo,

Adlezenn 8:3

Da izelaet en deus ha da lezet da gaout naon, met roet en deus dit da zebriñ ar mann, n'anavezes ket ha n'anaveze ket da dadoù, evit reiñ da c'houzout dit penaos an den ne vev ket gant bara hepken, met penaos an den a vev gant kement a zeu eus genoù an AOTROU.

Adlezenn 9:11

A-benn daou-ugent devezh ha daou-ugent nozvezh e roas an AOTROU din an div daolenn vaen, taolennoù an emglev.

Adlezenn 9:15

Me a zistroas hag a ziskennas a-ziwar ar menez, ar menez a zeve gant tan, div daolenn an emglev am boa em daouarn.

Adlezenn 9:18

Stouet em eus dirak an AOTROU, evel diagent, daou-ugent devezh ha daou-ugent nozvezh hep debriñ bara hag hep evañ dour, en abeg d'an holl bec'hedoù ho poa graet, oc'h ober ar pezh a zo fall dirak daoulagad an AOTROU, evit e fuloriñ.

Hebreed 9:4

eno e oa an aoter aour evit an ezañs hag arc’h an emglev holl c’holoet a aour, e-lec’h ma oa ul lestr aour hag ennañ ar mann, gwialenn Aaron he doa bleuniet ha taolennoù an emglev.