Josh 11:2 - ÎVUKU RÎA ÛVORO MWARO na kûrî athamaki arîa maarî vûrûrirî ûrîa ûrî irîma mwena wa rûgûrû. Nîwatûmanire wana kûrî mûthamaki wa cianda cia Jorodani mwena wa îveti wa îria rîa Galili na kûrî mûthamaki wa vûrûri ûrîa ûrî ngurumo ya irîma, na wa Dori mwena wa îthûîro. |
Nake mûthamaki Benihadadi nîwetîkîre ûrîa mûthamaki Asa aamwîrire, na nîwatûmire anene a athigari ake a mbaara mathiî makatharîkîre matûûra marîa manene ma Isiraeli. Nîmaavootire Ijoni, Dani, Abeli-bethi-maaka na kûndû kûrîa kwarî vakuvî na Îria rîa Galili, vamwe na vûrûri wonthe wa Nafutali.
Benabinadabu ûrîa wavikîtie Tafathu mwarî wa Solomoni nake aathaga vûrûri wonthe wa Dori.
Kuuma Shefamu ûkaanyûrûrûka nginya Ribula, mwena wa îrathîro wa Aini. Kuuma vau nîûkaanyûrûrûka ûthiîte tûrîmarî tûrîa tûrî mwena wa îrathîro rîa îria rîa Galili.
Vuva wa ûguo Mariamu nîwevarîrie na akîthiî îtûûrarî rîmwe rîrîa rîarî vûrûrirî ûrîa ûrî irîma wa Judea.
Mûthenya ûmwe, Jesû nîwarûngamîte rûtererî rwa îria rîa Genesareti. Nao andû nîmaamûvatîkîte makîenda kwîgua ndûmîrîri ya Ngai.
Kwoguo Joshua nîwarûire mbaara na akîvoota vûrûri wonthe. Nîwavootire athamaki a vûrûri wonthe ûrîa ûrî irîma, Negebu kûndû kûrîa kwaraganu na inyûrûrûkorî, na athamaki a mwena wa îthûîro ûrîa werekerete irîma. Andû onthe nîmaaûragirwe nî Joshua marî na athigari ake a mbaara. Joshua eekire ûguo nîûndû nîguo aathîtwe nî Ngai-Mûnene, Ngai wa Isiraeli.
Nao andû a Gibeoni nîmaatûmanire kûrî Joshua arî Giligali kûrîa maambîte magema na makîmwîra atîrî, “Mwathi wetû ndûgatûtiganîrie! Tûtethie na ûtûvonokie nîûndû athamaki onthe a Amori arîa matûûraga vûrûrirî ûrîa ûrî irîma nîmanyitanîrîte na nîmatûtharîkîrîte!”
Joshua nîwanyitire vûrûri wonthe. Naguo vûrûri ûcio umîte vûrûri ûrîa ûrî irîmarî na nthî yacio mîena yoîrî, mwena wa rûgûrû na mwena wa îveti. Nîwanyitire vûrûri wa Gosheni na vûrûri ûrîa mûmû ûrîa ûrî mwena wa îveti wa Gosheni na Kîamnda Kîam Jorodani.
Kavinda wa kau, Joshua na athigari ake a mbaara nîmaaûragire andû a rûruka rwa andû maarî anene mûno metagwa Anaki. Andû acio maatûûraga vûrûrirî ûrîa ûrî irîmarî matûûrarî ma Heburoni, Debiri, Anabu na vûrûri wonthe ûrîa ûrî irîma wa Juda na Isiraeli. Joshua nîwacûkangirie andû onthe wa vamwe na matûûra mao.
Mwena wa îthûîro mûvaka wa vûrûri ûrîa aathanaga waumîte Kîamndarî Kîam rûnjî rwa Jorodani îriarî rîa Galili mwena wa îveti nginya Bethi Jeshimothi mwena wa îrathîro wa îria rîa Cumbî na ûkîthiî nginya nthî ya kîrîma Kîam Pisiga.
Nakuo Kîamndarî Kîam Jorodani vûrûri ûcio nîwanyitîte îtûûra rîa Beth-haramu, Bethi-nimura, Sukothu na Zafoni. Nîwacokete ûkanyita vûrûri ûrîa warî wa mûthamaki Sihoni wa Heshiboni. Mûvaka wa vûrûri wao mwena wa îthûîro wanyûrûrûkîte na rûnjî rwa Jorodani ûgakinya îriarî rîa Galili.
Mavûrûrirî marîa maagaîrwe Isakaru na Asheri kwarî na matûûra manene na icagi irîa ciarî vakuvî namo na maagaîrîtwe mûvîrîga wa Manase. Matûûra mau maarî: Bethi Shani na Ibileamu, Doru (rîrîa rîrî rûtere rwa îria), Endoru, Taanaki, Megido, vamwe na icagi irîa ciarî vakuvî namo.
Andû a mûvîrîga wa Manase matiengata andû arîa maatûûraga matûûrarî ma Bethisheani, Taanaki, Doru, Ibileamu, Megido, na icagi irîa ithiûrûrûkîrîtie matûûra mau, nwatî Akanaani nîmaathiîre na mbere gûtûûra vûrûrirî ûcio.