Josh 11:3 - ÎVUKU RÎA ÛVORO MWARO

³ Jabini nîwatûmanire wana kûrî Akanaani arîa maarî mwena wa îrathîro na wa îthûîro wa rûnjî rwa Jorodani. Nîwacokire agîtûmana kûrî Amori, Ahiti, Aperizi, Ajebusi arîa maarî vûrûrirî ûrîa ûrî irîma na kûrî Ahivi arîa maatûûraga nthî ya kîrîma Kîam Herimoni vûrûrirî wa Mizipa.

Josh 11:3 Referencias Cruzadas

Kîam 31:49

Labani nîwacokire akîra Jakovu atîrî, “Ngai-Mûnene arotwonaga wa tuoîrî rîrîa rîonthe tûkethagîrwa tûtarî vamwe.” Kwoguo vandû vau nîvaacokire vagîtwa rîngî Mizipa.

2Sam 24:16

Rîrîa mûraika wa Ngai-Mûnene aarî vakuvî gûcûkangia Jerusalemu Ngai-Mûnene nîwericûkirwe ûvororî wîgiî kûverithia andû ake na akîra mûraika ûcio waûraganaga atîrî, “Tiga rîu! Ûguo nî mwîganu!” Mûraika ûcio aarî vakuvî na varîa Arauna, ûrîa warî Mûjebusi aavûûragîra ngano.

2Sam 24:7

Nîmaacokire makîthiî îtûûra rîrîa rîarî ririgîre rîa Turo na makîthiî matûûrarî monthe ma Ahivi na Aakanaani, na mûthiiarî nîmaathiîre mwena wa îveti wa Juda.

1Atha 15:22

Mûthamaki Asa nîwacokire akîathana Juda kuonthe na akiuga andû onthe, gûtarî wanarî mûndû ûmwe ûgûtigwa, mathiî magakuue mathiga na mbaû irîa mûthamaki Baasha aatumaga rûthingo rwa Rama nacio. Asa nîwatûmîre indo icio gûtuma Mizipa na Geba, matûûra marîa marî vûrûrirî wa Benjamini.

1Atha 9:20

Andû onthe a Amori, Ahiti, Aperizi, Ahivi, na Ajebusi arîa mataaûragwa na mataarî Aisiraeli

Thaburi 133:3

Nîta îme rîa kîrîma Kîam Herimoni, rîrîa rîgûcaga irîmarî cia Zayuni. Kûu nîkuo Ngai-Mûnene eranîrîte nîakaarathima andû ake, na kûmava ûtûûro ûtathiraga.

Thaburi 89:12

Nîwe waûmbire mwena wa rûgûrû wana mwena wa îveti, kîrîma gîa Taboru na gîa Herimoni nîirakwinîra na gîkeno.

Rwîmbo rwa Nyîmbo 4:8

Mûviki wakwa nyûrûrûka ume irîmarî cia Lebanoni, ûka tuume Lebanoni. Nyûrûrûka ume îgûrû rîa kîrîma Kîam Amana, ume kîrîmarî gîa Seniri na Kîam Herimoni, kûrîa mînyambû na ngarî itûûraga.

Jeremia 40:10

Nie nîndûûra Mizipa na nûngame vandûrî venyu kûrî Akalidei arîa magaûka gûkû; nwatî mue ûnganiani ndivei, matunda, maguta na mûtûûre matûûrarî marîa mûtavîte.”

Jeremia 40:6

Jeremia nîwacokire akîthiî Mizipa kûrî Gedalia mûvîcî wa Ahikamu na magîkara nake vamwe na andû arîa maatigirwe kûu vûrûrirî.

Jeremia 41:14

Kwoguo andû onthe arîa matavîtwe nî Ishumaeli kuuma Mizipa, nîmaagarûrûkire na magîcoka makîthiî kûrî Johanani mûvîcî wa Karea.

Jeremia 41:3

Ishumaeli nîwaûragire Ayahudi onthe arîa maarî na Gedalia Mizipa, vamwe na athigari a Akalidei arîa maarî vau.

Ndari 13:29

Amaleki matûûraga Negebu. Nao Ahiti, Ajebusi, na Amori matûûraga vûrûri ûrîa ûrî irîma. Nao Akanaani matûûraga vakuvî na îria rîa Mediterania na ndeererî cia rûnjî rwa Jorodani.”

Gûco 4:48

Vûrûri ûcio wambîrîrîtie îtûûra rîa Aroeri rûtere rwa Rûnjî rwa Arinoni, nginya kîrîmarî gîa Sirioni

Gûco 7:1

“Rîrîa Ngai-Mûnene, Ngai wenyu akaamûkinyia vûrûrirî ûrîa mûkegwatîra ûtuîke wenyu, nîakengata andû a mavûrûri mûgwanja arîa marî vinya kûrî mue maume kuo. Namo nî: Ahiti, Agirigashi, Amori, Akanaani, Aperizi, Ahivi na Ajebusi.

Josh 11:17

Joshua nîwanyitire na akîûraga athamaki onthe a mavûrûri mau kuuma kîrîmarî Kîam Halaku mwena wa îveti vakuvî na vûrûri wa Edomu nginya Baali-gadi mwena wa rûgûrû Kîamndarî Kîam Lebanoni mwena wa îveti wa kîrîma Kîam Herimoni.

Josh 11:8

Ngai-Mûnene nîwavere andû a Isiraeli ûvootani. Nîmaamaûragire na makîmavinyûria nginya Misirefothu Maimu na Sidoni mwena wa rûgûrû na nginya Kîamndarî Kîam Mizipa mwena wa îrathîro. Mbaara îo nîyarûirwe îvinda îraca nginya nthû cionthe ikîûragwa.

Josh 13:11

Nîwanyitîte Gileadi, vûrûri wa Geshuri na Maaka, kîrîma Kîam Herimoni kîonthe na Bashani kuonthe nginya Saleka.

Josh 13:5

Wana vûrûri wa Gebali, Lebanoni yonthe îrîa îrî mwena wa îrathîro kuuma Baali-gadi nthî ya kîrîma Kîam Herimoni kûthiî nginya mwanyarî wa Hamathi.

Josh 15:38

Dileani, Mizipa, Jokitheeli,

Josh 15:63

Nwatî andû a Juda matiavota kwîngata andû a Jebusi kuuma Jerusalemu kûrîa maatûûraga. Kwoguo andû a Jebusi matûûraga vamwe na andû a Juda kûu Jerusalemu nginya ûmûnthî.

Josh 18:26

Mizipa, Kefira, Moza,

Josh 3:10

na nîmûkûmenya atî Ngai ûrîa ûtûûraga mwoyo arî vamwe namue nîûndû vîndî îrîa mûkaambîrîria gûtonya vûrûrirî ûcio nîakeengata andû a Kanaani, Ahiti, Ahivi, Aperizi, na Agirigashi, na avinyûrie Amori, na Ajebusi.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.

Atir 21:5

Nîmaacokire makîûrania atîrî, “Gatagatîrî ka mîvîrîga yonthe ya Isiraeli nî mûvîrîga ûrîkû ûtaathiî mbere ya Ngai-Mûnene kûu Mizipa?” (Nîmeevîtîte makauga atî mûndû ûrîa ûtakaathiî mbere ya Ngai-Mûnene kûu Mizipa nîkwa akaaûragwa.)

Atir 21:8

Nîmaacokire makîûria atîrî, “Gatagatîrî ka mîvîrîga ya Isiraeli, nî mûvîrîga ûrîkû ûtaathiî mbere ya Ngai-Mûnene kûu Mizipa?” Nîmaamenyire atî gûtirî mûndû wanarî ûmwe kuuma Jabeshi-gileadi warî mûcemaniorî ûcio.

Atir 3:3

Ndûrîrî irîa ciatigirwe vûrûrirî wa Kanaani ciarî anene atano a Afilisiti, Akanaani onthe, Asidoni na Ahivi arîa maatûûraga kîrîmarî Kîam Lebanoni kuuma kîrîma Kîam Baali Herimoni nginya mwanyarî wa Hamathi.

Atir 3:5

Kwoguo Aisiraeli nîmaatûûranirie na Akanaani, Ahiti, Amori, Aperizi, Ahivi na Ajebusi.

1Sam 10:17

Nake Samueli nîwetire andû na akîmeera mathiî matûngane kîgongoonarî Kîam Ngai-Mûnene kûu Mizipa,