Josh 11:16 - ÎVUKU RÎA ÛVORO MWARO

¹⁶ Joshua nîwanyitire vûrûri wonthe. Naguo vûrûri ûcio umîte vûrûri ûrîa ûrî irîmarî na nthî yacio mîena yoîrî, mwena wa rûgûrû na mwena wa îveti. Nîwanyitire vûrûri wa Gosheni na vûrûri ûrîa mûmû ûrîa ûrî mwena wa îveti wa Gosheni na Kîamnda Kîam Jorodani.

Josh 11:16 Referencias Cruzadas

Thaburi 105:44

Nîwamavere mîgûnda ya mavûrûri ma andû engî, na makîîgwatîra mîgûnda ya andû arîa maatûûraga kuo,

Thaburi 78:55

Wa ûrîa andû ake maatonyaga vûrûrirî ûcio, nwaguo eengataga andû arîa maatûûraga kuo; nîwagaîre mîvîrîga ya Isiraeli vûrûri ûcio, na agîtûma andû a Isiraeli matûûre magemarî ma andû acio.

Ezek 17:23

Ngaakavanda vandû îgûrû kîrîmarî kîrîa kîraca mûno gîa Isiraeli. Nîgagaakûra kagîe na mvûa, kagîe na maciaro na gatuîke mûtarakwe mwaro. Nyamû cia mîthemba yonthe nîigaatûûraga rungu rwa mwîgunyî wa guo, na iconi cionthe nîigaatuma ciomba ciacio mvûarî cia mûtarakwe ûcio.

Ezek 36:8

Nwatî mue irîma cia Isiraeli, mîtî yenyu nîîkagîa na mvûa na îciare matunda nîûndû wa andû akwa a Isiraeli nîûndû kavinda gatarî karaca nîmagaacoka kwao.

Gûco 1:7

Ambûrani magema na mûthiî na mbere na rûgendo nginya mûkinye vûrûrirî ûrîa ûrî irîma wa Aamori, na icunjî cionthe irîa ithiûrûrûkîrrîtie vûrûri ûcio: na nîkuo Araba, vûrûri ûrîa ûrî irîma, nthî ya irîma, na Negebu. Mûthiîni vûrûrirî wa Kanaani na mûvîtûke irîma cia Lebanoni mûkinye rûnjîrî rûnene rwa Farati.

Josh 10:40

Kwoguo Joshua nîwarûire mbaara na akîvoota vûrûri wonthe. Nîwavootire athamaki a vûrûri wonthe ûrîa ûrî irîma, Negebu kûndû kûrîa kwaraganu na inyûrûrûkorî, na athamaki a mwena wa îthûîro ûrîa werekerete irîma. Andû onthe nîmaaûragirwe nî Joshua marî na athigari ake a mbaara. Joshua eekire ûguo nîûndû nîguo aathîtwe nî Ngai-Mûnene, Ngai wa Isiraeli.

Josh 10:41

Joshua aarûire mbaara na akîvootana kuuma Kadeshi-barinea mwena wa îveti nginya Gaza vakuvî na îria rîa Mediterania, na kuuma Gosheni nginya Gibeoni mwena wa rûgûrû.

Josh 11:15

Ûguo nîguo Ngai-Mûnene aathîte Musa ndungata yake, nake Musa nîwathire Joshua na nîwathîkire. Joshua nîwavingirie maûndû monthe marîa Ngai-Mûnene aathîte Musa.

Josh 11:2

na kûrî athamaki arîa maarî vûrûrirî ûrîa ûrî irîma mwena wa rûgûrû. Nîwatûmanire wana kûrî mûthamaki wa cianda cia Jorodani mwena wa îveti wa îria rîa Galili na kûrî mûthamaki wa vûrûri ûrîa ûrî ngurumo ya irîma, na wa Dori mwena wa îthûîro.

Josh 11:21

Kavinda wa kau, Joshua na athigari ake a mbaara nîmaaûragire andû a rûruka rwa andû maarî anene mûno metagwa Anaki. Andû acio maatûûraga vûrûrirî ûrîa ûrî irîmarî matûûrarî ma Heburoni, Debiri, Anabu na vûrûri wonthe ûrîa ûrî irîma wa Juda na Isiraeli. Joshua nîwacûkangirie andû onthe wa vamwe na matûûra mao.

Josh 12:8

Vûrûri ûcio wanyitanîte na vûrûri ûrîa ûrî irîma, na nthî ya irîma cia mwena wa îthûîro, Kîamnda Kîam Jorodani na kûrîa kûnyûrûrûku, werû wa mwena wa îveti, vûrûri ûrîa watûûragwa nî Akanaani, Ahiti, Amori, Aperizi, Ahivi na Ajebusi.

Josh 9:1

Ûvootani wa andû a Isiraeli nîwamenyirwe nî athamaki onthe arîa maarî mwena wa îthûîro wa Jorodani, mavûrûri marîa maarî irîmarî, ciandarî na arîa maarî rûtererî rwa îria rîa Mediterania nginya mwena wa rûgûrû wa Lebanoni. Acio onthe maarî: mûthamaki wa Ahiti, Amori, Akanaani, Aperizi, Ahivi na wa Jebusi.