Josh 11:15 - ÎVUKU RÎA ÛVORO MWARO

¹⁵ Ûguo nîguo Ngai-Mûnene aathîte Musa ndungata yake, nake Musa nîwathire Joshua na nîwathîkire. Joshua nîwavingirie maûndû monthe marîa Ngai-Mûnene aathîte Musa.

Josh 11:15 Referencias Cruzadas

2Maû 30:12

Ngai nîwavotithirie andû onthe a Juda kûnyitana vamwe na makîathîkîra ûrîa mûthamaki na anene ake maathîtwe nî Ngai-Mûnene mameere.

Ndari 33:50

Rîrîa maarî kûndû kûu kwaraganu vûrûrirî wa Moabu mûringo wa rûnjî rwa Jorodani vakuvî na Jeriko, Ngai-Mûnene nîwerire Musa

Ndari 33:52

mûkengata andû onthe a vûrûri ûcio, mûgaacûkangia ngai ciao cia mîvuanano irîa irûthîtwe na mathiga na cia cuuma, na mwomomore kûndû kuonthe kûrîa magoocagîra.

Mathaayo 23:23

“Na kaî mue arimû a Watho na Afarisai mûrî na thîna-î! Mue mvinga ino! Mue mûrutagîra Ngai gîcunjî gîa îkûmi Kîam manyenyi ta ma rwoga, karîmî ka nthiia, na nderamûkîa, nwatî mûtirûmagîrîra maûndû marîa ma vata megiî watho ta, kîvooto, kwîgucanîra ntha na kwîvokeka. Maûndû mama nîmwagîrîrwe nî kûmeka mûtagûtiganîria mau mengî.

Luka 11:42

“Kaî mue Afarisai mûrî na thîna-î! Nîûndû mue mûrutagîra Ngai gîcunjî gîa îkûmi Kîam manyenyi ta ma rwoga, karîmî ka nthiia na nderamûkîa, nwatî mûgatiganîria ûthingu wa vamwe na kwenda Ngai. Maûndû mama mwagîrîrwe mûmekage mûtagûtiganîria marîa mengî.

Ciîko 20:20

Mue nîmwîcî nînaamûvunjîrie na ndiamûthithaga ûndû wana ûrîkû ûrîa ûngîamûgunire. Mue nîmwîcî nînavunjirie na ngîthomithania mbere ya andû na ngîvunjia mîciîrî yenyu.

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

Gûco 12:32

“Menyagîrîrani mwîkage maûndû monthe marîa ngûmwatha; mûtikongerere kana mûrute wanarî ûndû.

Gûco 31:3

Ngai-Mûnene Ngai wenyu ke mwene nîakaaringa athiî mbere yenyu. Nîagaacûkangia andû arîa matûûraga mavûrûri mau monthe, na mwîgwatîre vûrûri wao. Joshua nîke ûkaamûtongoria mûringe rûnjî rwa Jorodani wata ûrîa Ngai-Mûnene aaugire.

Gûco 31:5

Ngai-Mûnene nîakaamûvotithia kûmavoota na mûmeke wata ûrîa nîmwathîte.

Gûco 31:7

Musa nîwacokire agîta Joshua, na marî mbere ya andû onthe a Isiraeli nîwamwîrire atîrî, “Gîa na vinya na ûmîrîrie nîûndû we nîwe ûgûtongoria andû aya mathiî makegwatîre vûrûri ûrîa Ngai-Mûnene eerîre methe mao.

Gûco 4:2

Mûtikongerere kana mûrute ûndû wanarî ûmwe kûrî maûndû marîa ngûmwatha. Athîkagîra maathani ma Ngai-Mûnene, Ngai wenyu marîa nîmûvete.

Gûco 4:5

“Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.

Gûco 7:2

Rîrîa Ngai-Mûnene, Ngai wenyu akaamarekereria kûrî mue na mûmavoote, nwanginya mûkaamaûraga onthe mathire. Mûtikarûthe kîrîkanîro nao kana mûmeguîre ntha.

Josh 1:7

Kwoguo gîa na vinya na ûmîrîrie na wathîkagîre watho wonthe kûringana na ûrîa Musa ndungata yakwa aakwathire. Ndûkagarûrûke na mwena wa ûrîo kana wa ûmotho ume wathorî ûcio. Na wona weka ûguo ûkavootanaga kûrîa kuonthe ûkathiîcaga.

Josh 11:12

Joshua nîwanyitire matûûra mau monthe wana athamaki a mo. Nîwaûragire andû onthe wata ûrîa Musa, ndungata ya Ngai-Mûnene, aamwathîte.

Josh 11:14

Andû a Isiraeli nîmaaûragire andû onthe arîa maarî matûûrarî mau na gûtirî mûndû wana ûmwe watigarire arî mwoyo. Nwatî nîmeigîre indo cia vata na nyamû cia kûrîthua irîa maatavîte.

Josh 11:16

Joshua nîwanyitire vûrûri wonthe. Naguo vûrûri ûcio umîte vûrûri ûrîa ûrî irîmarî na nthî yacio mîena yoîrî, mwena wa rûgûrû na mwena wa îveti. Nîwanyitire vûrûri wa Gosheni na vûrûri ûrîa mûmû ûrîa ûrî mwena wa îveti wa Gosheni na Kîamnda Kîam Jorodani.

1Sam 15:11

“Nie nînîrerira nîûndû wa kûthuura Saûlo atuîke mûthamaki. Ke nîandiganîrîtie na nîaregete kwathîkîra maathani makwa.” Nake Samueli nîwarakarire na akîraara akîvoya Ngai-Mûnene ûtukû mûgima.