Josh 10:6 - ÎVUKU RÎA ÛVORO MWARO

⁶ Nao andû a Gibeoni nîmaatûmanire kûrî Joshua arî Giligali kûrîa maambîte magema na makîmwîra atîrî, “Mwathi wetû ndûgatûtiganîrie! Tûtethie na ûtûvonokie nîûndû athamaki onthe a Amori arîa matûûraga vûrûrirî ûrîa ûrî irîma nîmanyitanîrîte na nîmatûtharîkîrîte!”

Josh 10:6 Referencias Cruzadas

2Atha 4:24

Mûndûmûka nîwaugire mvunda îtandîkwe, na akîra ndungata yake atîrî, “Vinyûrithia mvunda wata ûrîa îngîvota na ndûkathiî kavora tiga nwa ngwîrire.”

Thaburi 125:2

Wata ûrîa irîma ithiûrûrûkîrîtie Jerusalemu, nwa ta guo Ngai-Mûnene athiûrûrûkîrîtie andû ake, kuuma rîu nginya tene na tene.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Ndari 13:29

Amaleki matûûraga Negebu. Nao Ahiti, Ajebusi, na Amori matûûraga vûrûri ûrîa ûrî irîma. Nao Akanaani matûûraga vakuvî na îria rîa Mediterania na ndeererî cia rûnjî rwa Jorodani.”

Luka 1:39

Vuva wa ûguo Mariamu nîwevarîrie na akîthiî îtûûrarî rîmwe rîrîa rîarî vûrûrirî ûrîa ûrî irîma wa Judea.

Gûco 1:15

Kwoguo nînoocire andû acio mwathuurîte aûgî na mecîkene kuuma mîvîrîgarî yenyu, na ngîmatua atongoria enyu. Amwe naamatuire atongoria a andû makiri, amwe atongoria a andû magana, na engî atongoria a ikundi cia andû mîrongo îtano na engî atongoria a makûmi ma andû. Na nînathuurire atongoria engî mîvîrîgarî yonthe yenyu.

Josh 10:5

Nao athamaki acio ana a Amori na mûthamaki wa Jerusalemu nîmaanyitanîre vamwe, nao athigari ao nîmaathiûrûrûkîrie îtûûra rîa Gibeoni na makîrîtharîkîra.

Josh 10:7

Kwoguo Joshua na athigari ake onthe a mbaara vamwe na athigari arîa maarî na vinya na njamba nîmaambîrîrie rûgendo kuuma Giligali.

Josh 21:11

Nîmaaveerwe Kîriathi-arima (Ariba nîke îthe wa Anaki) na nîyo îtagwa rîu Heburoni vûrûrirî ûrîa ûrî irîma wa Juda, vamwe na mavûrûri ma kûrîthia marîa mathiûrûrûkîrîtie îtûûra rîu.

Josh 5:10

Andû a Isiraeli nîmeekarire Giligali werûrî vandû varaganu vakuvî na Jeriko varîa maambîte magema. Na kîvwaî Kîam mûthenya wa îkûmi na kana wa mweri ûcio nîmaagîre na kîrugo gîa gûkûngûîra pasaka.

Josh 9:15

Joshua nîwarûthire kîrîkanîro Kîam thayû na andû a Gibeoni na akîreka matûûre mwoyo. Nao atongoria a andû a Isiraeli nîmeevîtire na makîranîra atî nîmakûmenyerera kîrîkanîro kîu maarûthire.

Josh 9:6

Andû a Gibeoni nîmaathiîre Giligali kûrîa Joshua na andû a Isiraeli maambîte magema mao na makîmeera atîrî, “Tue tumîte vûrûri wa kûraca na tûrenda mûrûthe kîrîkanîro natue.”

Josh 9:8

Nao andû acio nîmeerire Joshua atîrî, “Tue tûrî ndungata ciaku.” Nake Joshua nîwacokire akîmaûria atîrî, “Mue mûrî a na muumîte kû?”