Josh 10:40 - ÎVUKU RÎA ÛVORO MWARO

⁴⁰ Kwoguo Joshua nîwarûire mbaara na akîvoota vûrûri wonthe. Nîwavootire athamaki a vûrûri wonthe ûrîa ûrî irîma, Negebu kûndû kûrîa kwaraganu na inyûrûrûkorî, na athamaki a mwena wa îthûîro ûrîa werekerete irîma. Andû onthe nîmaaûragirwe nî Joshua marî na athigari ake a mbaara. Joshua eekire ûguo nîûndû nîguo aathîtwe nî Ngai-Mûnene, Ngai wa Isiraeli.

Josh 10:40 Referencias Cruzadas

1Atha 15:29

Vîndî wa îo Baasha aatuîkire mûthamaki, nîwambîrîrie kûûraga andû onthe a nyomba ya Jeroboamu. Andû onthe a nyomba ya Jeroboamu nîmaaûragirwe na gûtirî wanarî ûmwe watigarire wata ûrîa Ngai-Mûnene aaugîte na njîra ya ndungata yake Ahija, mûrathi ûrîa waumîte Shilo.

Nehemia 9:24

Kwoguo njiarwa ciao nîciatonyire na nîciegwatîre vûrûri ûcio, na nîwavootire andû arîa maatûûraga kuo. Andû acio maarî Akanaani, nîwavere andû aku vinya, nîguo meke wa ûrîa mangîendire andû a Kanaani vamwe na Athamaki.

Thaburi 9:17

Andû onthe arîa aganu nîmakaathiî kwa arîa akuû, andû onthe arîa mariganagîrwa nî Ngai.

Ntha 34:12

Menyerera mûtikarûthe kîrîkanîro na andû a vûrûri ûrîa mûkûthiî gûtonya, nîûndû mûngîrûtha kîrîkanîro nao ûndû ûcio wavota gûtuîka mûtego gatagatî kenyu.

Ndari 13:17

Rîrîa Musa aamatûmire makathigane vûrûri wa Kanaani, nîwamerire atîrî, “Unûkîrîriani vûrûrirî wa Negebu mûthiî vûrûrirî ûrîa ûrî irîma.

Gûco 1:7

Ambûrani magema na mûthiî na mbere na rûgendo nginya mûkinye vûrûrirî ûrîa ûrî irîma wa Aamori, na icunjî cionthe irîa ithiûrûrûkîrrîtie vûrûri ûcio: na nîkuo Araba, vûrûri ûrîa ûrî irîma, nthî ya irîma, na Negebu. Mûthiîni vûrûrirî wa Kanaani na mûvîtûke irîma cia Lebanoni mûkinye rûnjîrî rûnene rwa Farati.

Gûco 2:34

Nîtwanyitire na tûgîcûkangia matûûra monthe na tûkîûraga arûme onthe, aka onthe na ciana. Gûtirî mûndû wanarî ûmwe watigarire.

Gûco 7:24

Ngai-Mûnene nîakaarekereria athamaki ao kûrî mue nîguo mûmaûrage mariganîre. Gûtirî mûndû ûkaamwîtirîria nginya mûmathirie onthe.

Josh 10:35

Joshua na athigari ake a mbaara nîmaanyitire îtûûra rîu mûthenya wa ûcio na makîûraga andû onthe kuo wata ûrîa meekîte Lakishi.

Josh 10:37

na makîrîrînyita. Joshua na athigari ake a mbaara nîmaaûragire mûthamaki wakuo na andû onthe arîa maarî îtûûrarî rîu wana arîa maarî matûûrarî marîa maarî vakuvî na Heburoni. Joshua nîwaugire îtûûra rîa Heburoni rîcûkangue viû wata ûrîa Egiloni yekirwe. Andû onthe îtûûrarî rîu nîmaaûragirwe.

Josh 10:39

Nîmaarînyitire wa vamwe na mûthamaki warîo, wana matûûra mengî manini marîa maarî vakuvî. Nîmaacokire makîûraga andû onthe a kuo. Îtûûra rîa Debiri rîekirwe nî Joshua na athigari ake wata ûrîa matûûra ma Heburoni, Libuna na athamaki ao meekirwe.

Josh 11:16

Joshua nîwanyitire vûrûri wonthe. Naguo vûrûri ûcio umîte vûrûri ûrîa ûrî irîmarî na nthî yacio mîena yoîrî, mwena wa rûgûrû na mwena wa îveti. Nîwanyitire vûrûri wa Gosheni na vûrûri ûrîa mûmû ûrîa ûrî mwena wa îveti wa Gosheni na Kîamnda Kîam Jorodani.

Josh 12:8

Vûrûri ûcio wanyitanîte na vûrûri ûrîa ûrî irîma, na nthî ya irîma cia mwena wa îthûîro, Kîamnda Kîam Jorodani na kûrîa kûnyûrûrûku, werû wa mwena wa îveti, vûrûri ûrîa watûûragwa nî Akanaani, Ahiti, Amori, Aperizi, Ahivi na Ajebusi.

Josh 18:21

Matûûra manene marîa maarî ma mûvîrîga wa Benjamini kûringana na mbarî ciao maarî: Jeriko, Bethi Hogila, Emeki-kezizi,

Josh 6:17

Îtûûra wa vamwe na indo cionthe irîa irî kuo nîicûkangue ta irutîrîtwe Ngai-Mûnene matega. Nwatî Rahabu mûndûmûka ûrîa mûmaraa na andû a mûciî wao marekwe matûûre, nîûndû nîke wathithire athigani etû.

Josh 8:2

Mûgeeka îtûûra rîa Ai vamwe na mûthamaki warîo wata ûrîa mwekire îtûûra rîa Jeriko na mûthamaki warîo. Nwatî vîndî îno nwa mwîigîre indo irîa mûgaatava kuo na nyamû cia kûrîthia. Îîvarîrie kûtharîkîra îtûûra rîu wa rîmwe kuuma na mwena wa vuva.”

Josh 8:27

Andû a Isiraeli nîmaaigire indo irîa maatavire wana nyamû cia kûrîthia kuuma îtûûrarî rîa Ai wata ûrîa Ngai-Mûnene amaathîte.

Josh 9:24

Nao nîmaacokerie Joshua atîrî, “Twekire ûguo nîûndû nîtwamenyete nama atî Ngai-Mûnene, Ngai wenyu nîwathîte ndungata yake Musa atî aûrage andû onthe arîa matûûraga vûrûrirî ûyû na atî nîakaamûva guo ûtuîke wenyu. Kwoguo nîtwetigîre na nîkîo gîatûmire twîka ûguo.