SEKARIA 6:6 - BUKUIT NE TILIIL Sireet ne Dutero Kanon Wendi chepkichutit ne po paraisisyek che tuuen kotokyingei emet ne po murot kaataam; ak ki pa che leelachen koosup chooto, ak ki pa che pusyenen kotokyigei emet ne po murot tai. Bukuit Ne Tilil Wendi chepkichutit ne po paraisisyek che tuuen kotokyingei emet ne po murot kaataam; ak ki pa che leelachen koosup chooto, ak ki pa che pusyenen kotokyigei emet ne po murot tai. BUKUIT NE TILIL Wendi karit ne bo mbartanyisiek che tuuen kotokyingei emet ne bo murot ne bo katam; ak kiba che leelachen kosub choto, ak kiba che busienen kotokyigei emet ne bo murot ne bo tai. |
Maonateet agobo tyong'ik che po murot tai. Punei emetap nyalilda ak ng'wanindo, ole punu ng'etundo ne kotoy, ak ne kirgit, ereneet ak ereneet ne tirireni, ne uu maat, ibe mogornatosyekwak tigigoigap moegap sigirok, ak koibe konoraikwak ukwegap tambeesik, koipchin piik che ma nyoorunee kiy.
Amwachini murot kaataam, aleenjini, Koonu; ak amwachi murot tai aleenji, Ametuuch; omutu weeriikyuk kobun ole loo, ak omutu tiibiikyuk eng' ole poochin ng'wony;
ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.
Onamji parak songolyet kotokyigei Zion, omwei osarugei, amogagei amu aibu yaityet eng' murot kaataam ak ng'emisyet ne oo.
Amu po peetuunooto Kiptaiyat Kamuktaindet ne Toroor ne po lugoosyek, peetuutap yaaktaetap mugetuut, si koyaaktoochi ineendet mugetuut eng' puunikyik: ak koamis rotwetap chok ak kobiyo, ak koeei korotiikwak kobiyo: amu tinyei Kiptaiyat, Kamuktaindet ne Toroor ne po lugoosyek, tiseiywot eng' emetap murot kaataam ole neegitee aineetap Yufrets.
Yeityo kotyen eng' poiboiyet kipsengwet ak ng'wony, ak tugul che mi olooto, agobo Babilon; amu pwoonei piik che luulei ineendet kobunu murot kaataam, mwaei Kamuktaindet ne Toroor.
Omwei osaruge, okweek lagogap Benjamin, omong'u eng' Jerusalem ak oguut iryageet eng' Tekoa; onamji parak kitap kaboorunet eng' Beth-hakerem. Amu itu yaityet eng' murot kaataam ak ng'emisyet ne oo.
Ogeero! Ki ageer usoonetap ropta ne oo komang'une murot kaataam; pooldet ne oo, kobooto kalyeleet ne oo ne kiyiem kakweng'seet ne kiim. Eng' kwenunnyi ko kitogu kiit ne uu itoondap taet, komang'une kwenutap maat.
Ye kingo yaat ng'ookset ne po somok, agas tyondo ne sabei ne po somok kole, “Nyoo!” Ki ageer, ak ogeero paraisiit ne tuui! Ki tinyei ratilit eng' eunnyi ineendet ne tebee.