ISAIAH 30:6 - BUKUIT NE TILIIL Sireet ne Dutero Kanon

⁶ Maonateet agobo tyong'ik che po murot tai. Punei emetap nyalilda ak ng'wanindo, ole punu ng'etundo ne kotoy, ak ne kirgit, ereneet ak ereneet ne tirireni, ne uu maat, ibe mogornatosyekwak tigigoigap moegap sigirok, ak koibe konoraikwak ukwegap tambeesik, koipchin piik che ma nyoorunee kiy.

Bukuit Ne Tilil

⁶ Maonateet agobo tyong'ik che po murot tai. Punei emetap nyalilda ak ng'wanindo, ole punu ng'etundo ne kotoy, ak ne kirgit, ereneet ak ereneet ne tirireni, ne uu maat, ibe mogornatosyekwak tigigoigap moegap sigirok, ak koibe konoraikwak ukwegap tambeesik, koipchin piik che ma nyoorunee kiy.

BUKUIT NE TILIL

⁶ Lautietab tiong’ik che bo Murot ne bo Tai. Ibe magornatosiekwak tigigoikab moekab sigirok, ak koibe konoraikwak ukwekab tambesik, koipchin bik che manyorune kiy, kobunei emetab nyalilda ak ndara, ole bunu ng’etundo ne kotoy, ak ne kirgit, erenet ak erenet ne tirireni, ne u mat.

ISAIAH 30:6 Referencias Cruzadas

TAUNET 12:9

Ki u Abram kogeny kotokyigei komostap Murot Tai.

1 LAITORINIK 10:2

Ki it Jerusalem kobooto piikyik che chaang', ak tambeesik che ibei tuguuk che ng'uu ne anyiny, thahabu che chaang' ak koik che po kamanuutyet ne oo. Kingo it ole mi Solomon kong'alaal ak ineendet agobo tuguuk tugul che ki mi muguleldanyi.

2 ATEPTAP PEETUUSYEK 16:2

Ki inem anyun `Asa fedha ak thahabu eng' ole kigonoree tuguugap kootap Kamuktaindet ne Toroor ak kootap laitoryat, ak koyookyi Ben-Hadad laitoryatap Syria, ne ki menyei Damasko, koleenji,

2 ATEPTAP PEETUUSYEK 9:1

Kingo kas laitoryatap Sheba ne ki kwony kalasunetap Solomon, ko ki nyo Jerusalem konyo kotyem Solomon eng' teebutik che uueen. Ki nyo kobooto piik che chaang' ak tambeesik che ibei tuguuk che ng'uu ne anyiny, thahabu che chaang' ak koik che po kamanuutyet ne oo. Kingo it ole mi Solomon kong'alaal ak ineendet agobo tuguuk tugul che ki mi muguleldanyi.

Kitabuutap JOB 39:11

Tos imang'u ineendet, amu oo kimnateennyi? Anan tos ibagakyi poisyeng'ung'?

KOMONG'U 1:14

Ki igoochi saboonwekwak kong'woneegitu eng' otwoknateet ne koroom eng' poisyetap meneet ak matubaruuk, ak eng' poisyonik alak tugul che po emet. Eng' otwoknateennywa tugul ne ki ootis, ko ki ootis eng' kanyaliilet.

ISAIAH 14:29

Amebaibaitu, inyee tugul, ee Philistia, amu kagoil kirokto ne kibirin; amu mang'une tigityotap ndaret ereneet, ak egu iyotennyi ereneet ne tirireni, ne uu maat.

ISAIAH 15:7

Ibei anyun chaang'indap tuguuk che ki konyoor, kobooto che ki kogonor, koba ole mi kereruut ne mi keetiik.

ISAIAH 19:4

Ak agoochi Misiriik kiptaiyat ne koroom koboi icheek; ak koboi icheek laitoryat ne koroom, mwaei Kiptaiyat, Kamuktaindet ne Toroor ne po lugoosyek.

ISAIAH 35:9

Ma piitu ng'etundo eng' olooto, ama punei oranooto tyondo age tugul ne koroom, ma kinyoorchin olooto; ago punei olooto che ki kityaach.

ISAIAH 5:30

Ak komororchi icheek eng' peetuunooto ko uu mororetap nyanjet. Ak ngo keer chii emet, ogeero, mi mesundeito ak pichiindo, ak koimenit lapkeiyet eng' polikyik.

ISAIAH 57:9

Ak ki iwe kaplaitoryat iibe mwanik, ak ites nyamdutiguk, ki iyookte piiguk che tononun koba ole loo, ak ki iteweergei agoi ye mi che ki kobek.

ISAIAH 8:22

ak kogeer ng'wony, ago ogeero, mi pichiindo ak mesundeito, mesundeito ne po ndara; ak keonji icheek mesundeito ne oo.

JEREMIA 11:4

ne ki ang'at kwanisyekwok eng' peetuut ne ki amutu icheek komong' eng' emetap Misiri, komang'une maatap karnet ak aleenji, ‘Ogas iit kutinnyu ak oyai chooto, ko uu tugul che ang'atook, si oegu piikyuk anyun ak aegu Kamuktaindeng'wong'.

JEREMIA 2:6

Ama teebegei icheek kole, ‘Mi ano Kamuktaindet ne Toroor ne ki imutwech kemong'u eng' emetap Misiri, ne ki indoiywech kebun surkwen, kebun emet ne surkwen ak ne po keriingonik, kebun emetap kemeut ak imenindo ne oo, kebun emet ne ma punei chii, ole ma menyei chii?’

EZEKIEL 20:46

Ee, weeriitap chii, tokyi togeng'ung' murot tai ak imwachi ng'aleeguk murot tai, ak imaotenji timdap emetap Negeb;

HOSEA 12:1

Paegei Ephraim usoonet, ak kosuboti usoonetap kong'asiis; tesei kotugul lembechek ak ng'emisyet; ak koyomisegei kobooto Assyria, ak keip mwanik koba Misiri.

HOSEA 12:2

Ibeligei kogeny Kamuktaindet ne Toroor ak Judah, ak kobir Jakobo ko uu ortinwekyik; yaakyin ineendet ko uu poisyonikyik.

MIKAH 6:14

Iamisyei, amebiyonyi; ak kotebenen kalilaneng'ung': ak iuu, ago mesaru ne imuti; ak abare rotwetap chok ineendet ne imuti.

SEKARIA 6:6

Wendi chepkichutit ne po paraisisyek che tuuen kotokyingei emet ne po murot kaataam; ak ki pa che leelachen koosup chooto, ak ki pa che pusyenen kotokyigei emet ne po murot tai.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

KAITOSYEK 21:8

Ki leenji `Kamuktaindet ne Toroor Musa, “Itaany ereneet ne uu maat ak inde keetit ne itononi; ak ye keer chii age tugul ne kagesus, kosap.”

MATAYO 12:42

Ng'eetei tuun laitoryat kobogoryot koyoop murot komostap tai ak ibini eng' kapkirwook ak korwookyi, amu ki nyo kobun ole poochin ng'wony si kogas utaatyetap Solomon ak ogeero, mi yu ne oo kosiir Solomon.

NG'ATUTIK 17:16

Ago amat kotesyigei paraisisyek anan kogoochi piik koweektagei Misiri si kotesigei paraisisyek. Amu kimwaiwok Kamuktaindet ne Toroor kole, ‘Amata oweektage oranooto kogeny.’

NG'ATUTIK 4:20

Ago konamak Kamuktaindet ne Toroor, ak komutwak omang'une maatap karnet eng' Misiri oegu piigap porotennyi ko uu rani.

NG'ATUTIK 8:15

ne ki indoun eng' surkwen ne oo, ole oo arageneet ak komi erenook che ng'woneen ak tagolik, emetap melelda ole ma mi peek. Ki inagin peek komang'une rwandet ne uui.”