SEKARIA 6:5 - BUKUIT NE TILIIL Sireet ne Dutero Kanon

⁵ Ak ki wol malaikaiyat koleenjo chuuto ko usoonaik ang'wan che po kipsengwet che pendi eng' ole katonone eng' taitap Kiptaiyat ne po ng'wony komugul.

Bukuit Ne Tilil

⁵ Ak ki wol malaikaiyat koleenjo chuuto ko usoonaik ang'wan che po kipsengwet che pendi eng' ole katonone eng' taitap Kiptaiyat ne po ng'wony komugul.

BUKUIT NE TILIL

⁵ Ak kiwol malaikaiyat kolenja, Chuto ko usonaik ang’wan che bo kipsengwet che bendi eng’ ole katonone eng’ taitab Kiptaiyat ne bo ng’ony komugul.

SEKARIA 6:5 Referencias Cruzadas

1 LAITORINIK 19:11

Ak ki le, “Mande, ak iwe itonone tulweet eng' taitap Kamuktaindet ne Toroor.” Ak ogeero, kisiirto Kamuktaindet ne Toroor, ak ki pet tuloonook usoonet ne oo, ne kiim, ak kotuatui rwandosyek eng' taitap Kamuktaindet ne Toroor; ago ki ma komi Kamuktaindet ne Toroor usoononooto. Kingo pata usoonet kobiit potaneetap ng'wony, ago ki ma komi Kamuktaindet ne Toroor potanonooto po ng'wony.

1 LAITORINIK 22:19

Ki testai Mikaia kole, “Kas anyun ng'olyootap Kamuktaindet ne Toroor: ki ageer Kamuktaindet ne Toroor kotebyei eng' ng'echerennyi ne po laitornatet, ak kitononi lugeet tugul ne po kipsengwet eng' eunnyi ne po tai ak ne po kaataam.

Kitabuutap JOB 1:6

Ki mi anyun peetuut ye kibwanei weeriigap Kamuktaindet kotonondos eng' taitap Kamuktaindet ne Toroor ak ki nyo agine Setani kobooto icheek.

TIENWOGIKAL 148:8

Olasu maat ak koiyat, teluji ak kibungweret; ak kipchurchuryet ye osuldochini ng'olyoondennyi.

TIENWOGIKAL 68:17

Karisyegap Kamuktaindet ko eliphuusyek tiptem, agot eliphuusyek ak eliphuusyek: Mi Kiptaiyat kwenunnywa, eng' Sinai, eng' Ole-Tiliil.

ISAIAH 54:5

Amu Yaindeng'ung' ko manong'otyondeng'ung'; Kamuktaindet ne Toroor ne po lugoosyek kainennyi ak Ineendet ne Tiliil ne po Israel ko katyagindeng'ung'. Kiguure ineendet Kamuktaindetap ng'wony komugul.

JEREMIA 49:36

Ak aipchi Elam koriswek ang'wan che punu luukwek ang'wan che po kipsengwet, ak aiyeste icheek koba koriswechooto tugul; ama piitu pororyet ole ma itei che ki kioon che po Elam.

EZEKIEL 11:22

Yeityo kotirirenso kerubik, ak kimi tirook kobooto icheek; ak kimi paragunnywa liilindap Kiptaiyat Kamuktaindetap Israel.

EZEKIEL 37:9

Koleenjo anyun, Maotenji usoonet, maoten, ee, weeriitap chii, ak ileenji usoonet, Mwaei Kiptaiyat Kamuktaindet ne Toroor kole: Nyoo eng' usoonaik ang'wan, ee kabuuset, ak ibuusyi chu kigebar, si kobiit kosapcho.

SEKARIA 4:10

Amu ng'oo ne ki kosas peetuutap tuguuk che mengeechen? Amu tuun poiboitu icheek, ak kogeer kiit ne kilititisye eng' eutap Zerubabel. Komwaiwa malaikaiyat kole, “Tuguuchu tisap ko konyegap Kamuktaindet ne Toroor; pendoti chooto eng' ng'wony komugul.”

SEKARIA 4:14

Koleenjo anyun, Chuuto ko weeriik aeng' che po mwanik, che tonone ole neegitee Kiptaiyat ne po ng'wony komugul.

SEKARIA 6:1

Ki ang'eet met kogeny, ak ogeero! Ki ageer kariisyek ang'wan che po lugeet kobwanei kobunu kwenutap tuloonook aeng'; ak ki po sugunwet tuloonoochooto.

MATAYO 18:10

“Oriip si mosas age eng' chu mengech; amu amwaiwok ale malaikaisyekwak eng' kipsengwet ko keerei kotugul togeetap Abba ne mi kipsengwet.

MATAYO 24:31

Ak tuun iyooktoi malaikaisyekyik ak cheet ne oo ne po iryageet, ak koyum lewenikyik kobun usoonaik ang'wan, kobooch tabandap kipsengwet agoi tabanda age.

LUKA 1:19

Ak ki wolji `malaikaiyat koleenji, “Aa Gabriel, ne atononi eng' taitap Kamuktaindet; kagiyokwo ang'alaalun, ak aibun logoiywechu myachen.

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

HEBRANIK 1:7

Ak ki mwa agobo malaikaisyek kole, “Ineendet ne yaei malaikaisyekyik koek usoonaik, ak koek kiboitiinikyik liplibenetap maat.”

JOSHUA 3:11

Ogeero, choorchingei Jordan moingetap arorutyetap Kiptaiyat ne po ng'wony komugul kondoenak kolandoi.

NG'ANG'UTYET 7:1

Kingo pata niito ageer malaikaisyek ang'wan kotonondos eng' luukwek ang'wan che po ng'wony, konamei usoonaik ang'wan che po ng'wony, si mata kousyi usoonet ng'wony, anan nyanjet, anan keetit age tugul.