ISAIAH 43:6 - BUKUIT NE TILIIL Sireet ne Dutero Kanon

⁶ Amwachini murot kaataam, aleenjini, Koonu; ak amwachi murot tai aleenji, Ametuuch; omutu weeriikyuk kobun ole loo, ak omutu tiibiikyuk eng' ole poochin ng'wony;

Bukuit Ne Tilil

⁶ Amwachini murot kaataam, aleenjini, Koonu; ak amwachi murot tai aleenji, Ametuuch; omutu weeriikyuk kobun ole loo, ak omutu tiibiikyuk eng' ole poochin ng'wony;

BUKUIT NE TILIL

⁶ Amwachini murot ne bo katam, alenjini, Konu; ak amwachi murot ne bo tai, alenji, Ametuuch; omutu werikyuk kobun ole loo, ak omutu tibikyuk eng’ tabanwekab ng’ony;

ISAIAH 43:6 Referencias Cruzadas

TIENWOGIKAL 107:3

ak ki iyum komong' eng' emotinwek, kobun kong'asiis ak cherongo, murot ne po kaataam ak murot tai.

ISAIAH 11:12

Tuun lumdoi penderet agobo pororyosyek, ak koyum che ki kitimda che po Israel, ak koyum che kiyesta che po Judah eng' luukwek ang'wan che po ng'wony.

ISAIAH 18:7

Ki ipchin eng' peetuunooto Kamuktaindet ne Toroor ne po lugoosyek kagoochinet ne po piik che kooen ak ko ng'orng'oren, ak eng' piik che imuisei che neegit ak looen, pororyet ne kiim ak koterteerisyei, ne pcheei `ainoosyek emennywa, agoi tulweetap Zion, nooto komosta ne mi kainetap Kamuktaindet ne Toroor ne po lugoosyek.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 45:22

Onyala, si kesorwok, okweek tabanwek tugul che po ng'wony: amu aa Kamuktaindet, ama mi age.

ISAIAH 49:12

Ogeero, punu chu ole loo: ak ogeero, punu chu murot kaataam ak cherongo; ak punu chu emetap Sinim.

ISAIAH 49:22

Mwaei Kiptaiyat Kamuktaindet ne Toroor kole, ogeero, atokyini eunnyu pororyosyek, ak aboorchi piik songolyennyu: si koganap weeriiguk, ak kimut tiibiiguk eng' tigigoikwak.

ISAIAH 54:3

Amu inaktoi komostap eutap tai ak ne po kaataam; ak konyaban iyoteng'ung' pororyosyek, ak kogoochi kemeny kogeny nganasook che kiga kelakta.

ISAIAH 60:4

Ing'eet met ak igeer komoswek tugul: iyumigei icheek tugul, ak kobwonjin: punu weeriiguk ole loo, ak keganabu tiibiiguk.

ISAIAH 60:9

Igeno iman ngeguusyek, ak sip kogeno melisyek che po Tarsis, si kobiit komut weeriiguk eng' ole loo, koibu fedhaisyekwak ak thahabusyekwak, agobo kainetap Kamuktaindet ne Toroor Kamuktaindeng'ung', ak agobo Ineendet ne Tiliil ne po Israel, amu ki kotoroorin.

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

JEREMIA 23:8

Ago, mwaei kole, ko uu ye sabei Kamuktaindet ne Toroor, ne ki imut iyoteetap kootap Israel komong' eng' emet ne po murot kaataam, ak eng' emotinwek tugul ole kigaonji icheek, ak komeny emennywa.

JEREMIA 29:14

Ak onyoorwo, mwaei Kamuktaindet ne Toroor, ak awal luuleng'wong', ak ayumak omang'une pororyosyek tugul, ak eng' komoswek tugul ole ki aoonjok, mwaei Kamuktaindet ne Toroor; ak amutwak kogeny obwa olito ki agoitoenok.

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 31:8

Keero, amutu icheek eng' emet ne po murot kaataam, ak ayum icheek eng' ole poochin ng'wony, kobooto ne koraat ak ne ing'wali, kobooto kwondo ne tamono, ak ineendet ne machei kosigiis: weeksei olito, ko tuiyet ne oo.

EZEKIEL 36:24

Amu amutwok omang'une pororyosyek, ak ayumak omong'u eng' emotinwek tugul, ak amutwak obwa emeng'wong'.

EZEKIEL 37:21

Ak ileenji icheek, Mwaei Kiptaiyat Kamuktaindet ne Toroor kole: Ogeero, amutu piigap Israel komong' eng' pororyosyek, ole ki koba, ak ayum icheek eng' komosta agenge tugul, ak amutu icheek kobwa emennywa.

JOEL 3:7

ogeero, ang'eeti icheek komong' eng' ole ki oaldochi, ak aweekwok konyo meting'wong' kioto ogeerunena;

SEKARIA 6:6

Wendi chepkichutit ne po paraisisyek che tuuen kotokyingei emet ne po murot kaataam; ak ki pa che leelachen koosup chooto, ak ki pa che pusyenen kotokyigei emet ne po murot tai.

NG'ATUTIK 30:4

Ngo mi che ki iyestoochi tabanwegap kipsengwet, koyumin ak komutun eng' olooto Kamuktaindet ne Toroor Kamuktaindeng'ung'.