si kosulda ng'olyootap Kamuktaindet ne Toroor ne ki mwa eng' kutitap Jeremiah, agoi kogasegei emet sabatoisyekyik: amu ki riip sabatoisyekyik eng' peetuusyechooto ki ma komenyei chii, kot kosulda kenyiisyek tamanwogik tisap.
SEKARIA 1:12 - BUKUIT NE TILIIL Sireet ne Dutero Kanon Ki wol anyun malaikaiyatap Kamuktaindet ne Toroor kole, “Ee Kamuktaindet ne Toroor ne po lugoosyek, ta ieesyoi kot kotyanit si iriiree Jerusalem, ak nganasoogap Judah, che ki inereekyi kenyisyechu tamanwogik tisap?” Bukuit Ne Tilil Ki wol anyun malaikaiyatap Kamuktaindet ne Toroor kole, “Ee Kamuktaindet ne Toroor ne po lugoosyek, ta ieesyoi kot kotyanit si iriiree Jerusalem, ak nganasoogap Judah, che ki inereekyi kenyisyechu tamanwogik tisap?” BUKUIT NE TILIL Kiwol anyun malaikaiyatab Jehovah, kole, Ee Jehovah ne bo lugosiek, ta iesioi kot kotianit si irire Jerusalem, ak nganasokab Juda, che kiinerekyi kenyisiechu tamanwogik tisab? |
si kosulda ng'olyootap Kamuktaindet ne Toroor ne ki mwa eng' kutitap Jeremiah, agoi kogasegei emet sabatoisyekyik: amu ki riip sabatoisyekyik eng' peetuusyechooto ki ma komenyei chii, kot kosulda kenyiisyek tamanwogik tisap.
Ee Kamuktaindet, ingen inyee perberindanyu; Ak ma ung'ootiin tengekwogikyuk eng' inyee.
Ee Kamuktaindet, rosu puunyoot kot kotyanit? Tos chubei puunyoot kaineng'ung' agoi koigeny?
Ee Kamuktaindet ne Toroor, tyanitu, tos inereechi agoi? Tos lalei ng'etkondang'ung' ko uu maat?
peetuut ne kibarisye ak peetuut ne kinyaise; peetuut ne kibutisyei, ak peetuut ne kiteekse;
Ki anereekyi piikyuk, ki amurwon poortannyu, ak ki ande icheek eung'ung': ma iriiree agot kitigin; ki igesenji che ki koosegitu choging'ung' ne nyigiis miising'.
Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.
Iteei emet kot kotyanit, ak korestos sogegap emet komugul agoi au? Amu sogornatetap piik che menyei olooto, ko ki koges kei anyun ak ki kobek tyong'ik ak toriitik. Amu ki le icheek, “Ma keerei ineendet kagesunennyo.”
Ma ki tebi ak tuiyetap icheek che urerendos, anan abaibaitu; ki atebi aneege amu eung'ung'; amu ki inyiita nereegek.
Amu mwaei Kamuktaindet ne Toroor kole, ye ibata kenyiisyek tamanwogik tisabu omi Babilon, arutochok, ak asuldawok ng'olyoondennyu ne myee, amutwok obwa olito.
Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.
Ee Kamuktaindet ne Toroor, aguursei kot kotyanit, amegase? Anan ariirchinin aleen “Koroomnateet” ago mesaru.
Ki anyooru keereet kemoi agobo chiito ne ki kweryei paraisiit ne piriir ak kotonone keetiigap momonik oriit; ak ki mi patennyi paraisisyek alage che piriireen, che puusyenen, ak che leelachen.
ng'alaalji piik tugul che po emet ak tisiik, ileenji ye kingo rugutkei ak oriirye eng' arawetap muut ak ne po tisap, eng' kenyisyechooto tamanwogik tisap, ko tos ki orugutkei agobo anee, aneendet?
Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.
Ki mwa eng' kutit ne oo kole, “Tyanitu, ee Kiptaiyat, ne tiliil ak ko po iman, si irwookyi ak iyaaktoiywech mugetuut agobo korotiikyok eng' icheek che menyei ng'wony?”