SEKARIA 1:8 - BUKUIT NE TILIIL Sireet ne Dutero Kanon

⁸ Ki anyooru keereet kemoi agobo chiito ne ki kweryei paraisiit ne piriir ak kotonone keetiigap momonik oriit; ak ki mi patennyi paraisisyek alage che piriireen, che puusyenen, ak che leelachen.

Bukuit Ne Tilil

⁸ Ki anyooru keereet kemoi agobo chiito ne ki kweryei paraisiit ne piriir ak kotonone keetiigap momonik oriit; ak ki mi patennyi paraisisyek alage che piriireen, che puusyenen, ak che leelachen.

BUKUIT NE TILIL

⁸ Kiageer kemoi, ak ogeero, chito ne kilanyei mbartanyit ne birir ak kotonone kwenutab ketik che kiguure myrtle eng’ ole bo uruet; ak kimi batennyi mbartanyisiek alage, che biriren, che muruonen, ak che leelachen.

SEKARIA 1:8 Referencias Cruzadas

TAUNET 20:3

Ago ki nyoonji `Kamuktaindet Abimelek eng' karwotitoet kemoi koleenji, “Keero, kaimei isabe, kwondo ne kaimutyigei ko kwondap chii.”

TAUNET 46:2

Ki ng'alaalji `Kamuktaindet Israel eng' ng'ang'utik che po kemoi, koleenji, “Jakobo! Jakobo!” Ak ki le, “Ami yu.”

1 LAITORINIK 3:5

Kimong'ji `Kamuktaindet ne Toroor Solomon eng' Gibeon eng' karwotitoet kemoi. Ki le Kamuktaindet, “Soom kiit ne imache agoonin.”

NEEMIA 8:15

ak kora kobarta ak komwaita icheek eng' nganasookwak tugul ak eng' Jerusalem kole, “Oba tulweet ak oibu mooriigap mseituni, che po mooriigap mseituni che po timiin, momonik, sosik ak mooriigap keetiik che nyigiisen, si keteege keryosyek, ko uu ye siraat.”

Kitabuutap JOB 4:13

Eng' kabwaatet ne po ng'ang'utigap kemoi, ye kagonyonji piik rwondo ne nyigiis,

TYENDO NE SIIREI TUGUL 2:16

Nenyu chamanennyu ak aa nenyi. Iyagi keechiirekyik eng' ye mi taaptook.

TYENDO NE SIIREI TUGUL 6:2

Kachoorchigei chamanennyu mbareennyi, mbareenigap tuguuk che ng'uu ne anyiny, kwo koyaga akweennyi eng' mbareenik ak koyum taaptook.

ISAIAH 41:19

Amiine eng' surkwen taragonik, keetiigap chebitoik, momonik, ak che po mwanik; ak ande surkwen piribirinik, taragonik che sabuleen, ak taragonik che teer kobiityo tugul.

ISAIAH 55:13

Piitei piribiryet kogeeri katok che toorei piich, ak kobiit momonyet kogeer katook che rutei piich: ak kibwaate kainetap Kamuktaindet ne Toroor, koek kaboorunet ne po koigeny ne ma ki istoi.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

SEKARIA 1:10

Ki wol anyun chiito ne ki tonone kwenutap momonichooto kole, “Chuuto ko icheek che ki iyookto Kamuktaindet ne Toroor kobunoot komoswek tugul che po ng'wony.”

SEKARIA 1:11

Ak ki wolji `icheek malaikayatap Kamuktaindet ne Toroor ne ki tonone kwenutap momonichooto koleenji, “Ko kebunote komoswek tugul che po ng'wony, ak keero, tebyei ng'wony tugul kosiisei ak ko kalyandos.”

SEKARIA 1:7

Eng' peetuutap tiptem ak ang'wan ne po arawetap taman ak agenge ne arawetap Sebat, eng' kenyiitap aeng' ne po Darius, ko ki nyoonji `ng'olyootap Kamuktaindet ne Toroor maotyot Zekariah weeriitap Berekiah, weeriitap Ido, koleenji:

SEKARIA 13:7

Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

KAITOSYEK 12:6

Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

JOSHUA 5:13

Ye ki neegit koit Joshua Jeriko, ko kitabendo ak ki keer kotononi chiito ko katokyigei ineendet kotinyei rotwetap chok eng' eunnyi ne kang'us. Ki wo Joshua ole miitei ineendet ak koteebe koleenji, “Ii nenyo anan ii po puunikyok?”

NG'ANG'UTYET 2:1

“Sirchi malaikaiyat ne po kaniset ne mi Epheso, ileenji: “Mwaei tuguuchu ineendet ne namei kecheik tisap eng' eunnyi ne po tai, ineendet ne wendote kwenutap keelyek tisap che po taisyek che po thahabu:

NG'ANG'UTYET 6:2

Ki ageer, ak ki mi paraisiit ne leel. Ki tinyei kwanget ineendet ne kitebee, ak ki kigoochi ineendet kuutweet, ak ki wo eng' katerteeret ak koterteeris.

NG'ANG'UTYET 6:4

Ak ki mong' paraisiit age, ne piriir. Ki kigoochi ineendet ne ki tebee koisto kaalyeet kobet eng' ng'wony, si kobiit kobargei icheegei; ak ki kigoochi ineendet rotwetap chok ne oo.