NG'ANG'UTYET 1:5 - BUKUIT NE TILIIL Sireet ne Dutero Kanon ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik, Bukuit Ne Tilil ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik, BUKUIT NE TILIL ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik; |
Ogeero, ki agoite ineendet koek paoryat eng' pororyosyek, koek kandoindet, ak ko ng'atindet ne po pororyosyek.
Ago ngo kogobagaakta koroito ngoryeet, ngo ne po usiisyek che ki kitoor anan che ki kimur, anan kiy age tugul ne po magateet ne imwete, kemwet anyun ne po aeng', ak ko tiliilit.”
Tuun kiyaatyin kootap Daudi ak piik che menyei Jerusalem, kondametutap peek eng' peetuunooto, amu tengekto ak murwoonindo.
agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”
Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.
Ak ye kingo tomo koit igoortap paska, konai Jeso kole kagoit sainnyi ne wendi eng' ng'wony kwo ole mi Kwanda, ko kagocham chechiik che mi ng'wony, kocham anyun agoi peetuutap let.
Koleenji anyun Pilato ineendet, “Ara, ii laitoryat so?” Kowol Jeso kole, “Imwae ile aa laitoryat. Ki kisicha amu niito, ak ki anyoo ng'wony amu niito, si kobiit abaoryanji imanit. Kasei kutinnyu chii age tugul ne po imanit.”
Amwaun, iman, iman, ale kimwae ne kingen, ak kebaoryanjini ne kagegeer; amotaache paornatennyo.
Amu ki cham Kamuktaindet ng'wony miising', kot kogoito Weeriinnyi ne ki kisich ineegei, si ma lus age tugul ne iyani ineendet, ago si konyoor saboondap koigeny.
Paoryanjin ineendet kiit ne ki kogeer ak ne ki kogas; ama mi chii ne taachei paornatennyi.
Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.
kole kanyool konyalil Kristo, ak kole komwaita korook eng' ng'eetyeetap che ki pek, lapkeiyet, komwachi piik ak Pororyosyek.
ne ki inde Kamuktaindet koek kaptisiisyo eng' kayaneet, eng' korotiikyik, si kobarta imandanyi, amu kachundaetap tengekwogik che ki kisip keyai, eng' muitaetap Kamuktaindet;
Ak ki uu chooto alak eng' okweek; ago ki kiuunok, ago ki kitabaanak, ago ki kiityok imanda eng' kainetap Kiptaiyat Jeso Kristo, ak eng' Kabuusetap Kamuktaindet nenyo.
Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.
ago Kamuktaindet, ne mogoryot eng' rireenetapkei, eng' chamyennyi ne oo ne ki chamenech,
ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.
Ma nyooru poroteet eng' tupchosyekwak amu porotennywa Kamuktaindet ne Toroor ko uu ye ki mwachi.
Nga ki yai ko uu nooto ko ki ma kasyi `Kamuktaindet ne Toroor Kamuktaindeng'ung' Balaam, ago ki iweech `Kamuktaindet ne Toroor Kamuktaindeng'ung' chubisyet koek kaberuret, amu ki chamin `Kamuktaindet ne Toroor Kamuktaindeng'ung'.
Ago amu ki chamaak Kamuktaindet ne Toroor ak koriip kayasyoet ne ki iyasyechi kwanisyekwok, komoong'wok anyun ineendet eng' euut ne kiim ak kotyachak eng' kootap otwoknateet, eng' eutap Pharaoh laitoryatap Misiri.
Ak ineendet metitap poorto, nooto kaniset: ineendet taunet, taunindetap che ki mong' eng' che ki pek; si kobiit koek ne oo eng' tuguuk tugul.
Kang'atiin anyun eng' taitap Kamuktaindet, ne riibei tuguuk tugul kosapcho, ak eng' taitap Kristo Jeso, ne kibaoryan ng'ang'et ne myee eng' taitap Pontio Pilato;
ne tuun iboortoi eng' peetuusyekyik, ne ineendet ne iberuurot ak ko Kamuktaindet ineegei, Laitoryat ne po laitorinik, ak Kiptaiyat ne po kiptainik;
obwaatitoi ano okweek, ng'wanitu ne tya pireet ne tuun nyoljin kirwookyine ineendet ne ki kotyech Weeriitap Kamuktaindet, ak koiit korotiigap kayomiset, che ki kitiliile ineendet, koek tuguuk che ma tiliileen, ak kosas Kabuusetap myeeindo?
kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!
ago eng' korotiik che po kamanuutyet ne oo, ko uu che po aarwet ne ma tinyei peruut ak ne ma tinyei tisya, chooto ko korotiigap Kristo:
ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.
Niito chamyet, ma keele ki kicham Kamuktaindet, ago ki chamech ineendet ak koyook Weeriinnyi koek tiseiywot agobo tengekwogikyok.
Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”
Ak agoochini paorinikyuk aeng' komaoten peetuusyek eliphuut agenge pogol aeng' ak tamanwogik lo, kolaachi kuniok.
Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”
Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.
Ak kotinyei eng' ngoryennyi ak eng' kubestanyi kainet ne ki kisir kole, “Laitoryat ne po Laitorinik ak Kiptaiyat ne po Kiptainik.”
“Angen ole imenye, ole mi ng'echereetap laitornatet ne po Setani. Iname kainennyu miising', ama ieesye kayanennyu, agot eng' peetuusyegap Antipa paoryandennyu, nenyu ne po iman, ne ki kibar eng' kwenung'wong', ole menyei Setani.
“Ak isirchi malaikaiyatap kaniset ne mi Laodikia, ileenji: “Mwaei tuguuchu ineendet ne Amen, paoryat ne kiyani ak ko po iman, taunetap yaetap Kamuktaindet:
Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.