EPESOEK 5:2 - BUKUIT NE TILIIL Sireet ne Dutero Kanon

² ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

Bukuit Ne Tilil

² ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

BUKUIT NE TILIL

² ak obendate chamnyet, ko u ye kichamak Kristo agine, ak kogoitogei agobo achek, koek kagochinet ak tiseiywot eng’ Jehovah ne ng’uu ne nyamdut.

EPESOEK 5:2 Referencias Cruzadas

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

KOMONG'U 29:18

Beel mengoto komugul eng' kaptisisyet: niito ko kagoochinet ne kibeelei ne po Kamuktaindet ne Toroor; nyamdutyet ne anyiny, kagoochinet ne kigoochin Kamuktaindet ne Toroor kobunei maat.

KOMONG'U 29:25

Icheru tuguuchooto eng' eunekwak ak ibeel eng' kaptisisyet eng' paragutap kagoochinet ne kibeelei, koek nyamdutyet ne anyiny eng' taitap Kamuktaindet ne Toroor. Niito ko kagoochinet ne kigoochin Kamuktaindet ne Toroor kobunei maat.

ATEPTAP LAWIK 1:13

Ago ingoun tuguugap ke ak keelyek eng' peek. Ingogoito tisiindet panyeek tugul ak kobeel eng' kaptisisyet. Niito ko kagoochinet ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

ATEPTAP LAWIK 1:17

Yeityo kogereer kopcheune aeng' kebebaikyik amat koobeesyo. Ingobeel tisiindet chooto eng' kaptisisyet eng' kweenik che mi ma. Niito kagoochinet ne kigoitoi kebeel, kagoochinet ne punei maat, nyamdutyet ne anyiny eng' Kamuktaindet ne Toroor.”

ATEPTAP LAWIK 1:9

Ago ingoun eng' peek tuguugap ke kobooto keelyekyik ak kobeel tisiindet kirgooto komugul eng' kaptisisyet. Niito ko tiseiywot ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

ATEPTAP LAWIK 3:16

Ak kobeel tisiindet chooto eng' kaptisisyet; amitwogigap kagoochinet chuuto, che punei maat, koek nyamdutyet ne anyiny. Po Kamuktaindet ne Toroor mwanik tugul.

AMOS 5:21

Aweche, asase igoorwekwok, amabaibaitune tuiyosyekwok che po kaming'inetapkei.

KAITOSYEK 7:21

kirgit agenge ne neran, mengit agenge, ak mengit agenge ne ma siirei kenyiit agenge, kobunji kagoochinet ne kibeelei;

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

JOHANA 13:34

Agoonok ng'atuutyet ne leel, ale, ochamye; ko uu ye ki achamak, ochamyee ak okweek.

JOHANA 6:51

Aa magatyat ne sabei ne ki choorgei eng' kipsengwet: ngo am chii age tugul magatyandani, kosabei koigeny: ee, ak poortanyu ko magatyat ne agoitoi agobo saboondo ne po ng'wony.”

ROMANIK 15:16

ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil.

ROMANIK 4:25

ne ki kigoito amu pistautikyok, ak ki king'eet si kobiit kiityech imanda.

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

ROMANIK 8:37

Ago, ki katerterik kot kosiir eng' tuguuchu tugul eng' ineendet ne ki chamech.

1 KORINTOEK 16:14

Ingoyaak eng' chamyet tugul che oyae.

1 KORINTOEK 5:7

Ounde mermereek che po keny, si kobiit oegu kererutyet ne leel, ko uu ye ma mi mermereek eng' okweek. Amu kigeeny agine arwennyo ne po Paska, nooto ko Kristo:

2 KORINTOEK 2:14

Ago kongoi eng' Kamuktaindet, ne imutatech kotugul kibelisye eng' Kristo, ak koboortoi nyamdutyetap naennyi eng' acheek eng' komosta age tugul.

2 KORINTOEK 2:15

Amu kinyamdutyet ne anyiny ne po Kristo eng' Kamuktaindet, eng' icheek che kisaru, ak eng' icheek che lustos;

2 KORINTOEK 8:9

Amu ongen myeeindap Kiptaiyandennyo Jeso Kristo ole, agot nganda ki mogoryo, ko ki ek kibanania agobo okweek, si kobiit oegu mogoreek eng' panandanyi.

GALATYEK 1:4

ne ki igoitogei agobo tengekwogikyok, si kobiit kosarwech eng' peetuusyechu yaacheen, ko uu mageetap Kamuktaindet nenyo ak ko Kwandanyo:

GALATYEK 2:20

Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

EPESOEK 1:4

ko uu ye kilewenech eng' ineendet ye kitom kelumda, si keegu che tiliileen che ma tinyei leluut eng' tainnyi eng' chamyet:

EPESOEK 3:17

si kobiit komeny Kristo mugulelwekwok eng' kayaneet; si kobiit, ye otinye tigitik ak lumdaet eng' chamyet,

EPESOEK 3:19

ak onai chamyetap Kristo ne siirei naet, si kobiit kinyiitak nyiyet tugul ne po Kamuktaindet.

EPESOEK 4:15

ago ki ng'alaali che po iman eng' chamyet, si keegitu eng' tuguuk tugul eng' ineendet, ineendet ne metit, nooto ko Kristo;

EPESOEK 4:2

eng' kaming'inetapkei tugul ak mutyonet, kobooto muitaet, omuitochinigei eng' chamyet;

EPESOEK 5:15

Oriipkei anyun miising' eng' ole oteptoi eng' panwekwok, ma ko uu che ma utaatiin, ago ko uu che utaatiin;

EPESOEK 5:25

Manong'otaichu, ocham osotikwok, ko uu Kristo agine ne ki cham kaniset, ak kogoitogei agobo ineendet;

NG'ATUTIK 27:6

Teekyi Kamuktaindet ne Toroor Kamuktaindeng'ung' kaptisisyet eng' koik che ma kiwai yeityo igoochi Kamuktaindet ne Toroor Kamuktaindeng'ung' kagoochinoik che kibeelei eng' olooto,

PILIPIK 4:18

Ago atinye tuguuk tugul, ak che siirtoot: aa piyong'ot, amu ki ataach eng' Epaphroditus tuguuk che kibunwok, che po ng'uunet ne nyamdut, korosyot ne taagaksei, ne iboiboi Kamuktaindet.

KOLOSAIK 3:14

ak otes eng' tuguuchuuto tugul chamyet, nooto ratuutyet ne po kagesunetapkei.

1 THESSALONIKEK 4:9

Ago ma nyolu kesirwak agobo chamyetap tupchosyek; amu oneetotin okweeget eng' Kamuktaindet si ochamye;

1 TIMOTEO 2:6

ne ki igoitogei koek ne kityage tugul; ne tuun kibaoryanjin eng' peetuusyekyik;

1 TIMOTEO 4:12

Amat kosas chii ming'inateng'ung'; ago egu kaboorunet eng' icheek che iyani, eng' ng'olyoot, eng' atepto, eng' chamyet, eng' kayaneet, eng' tiliilindo.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 8:3

Amu kindoi tisiindet age tugul ne oo si kogoitoi kagoochinoik ak tiseiywek: nooto anyun konyolu kotinyei agine tisiindoni kiit ne igoitoi.

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

HEBRANIK 9:23

Kinyolu anyun kitiliil itoonwegap tuguuk che po kipsengwet eng' chooto; ago kitiliile tuguuk che po kipsengwet tiseiywek che myach kosiir chuuto.

HEBRANIK 9:26

amu nda ki uu nooto anyun ta kinyooljin konyalil konyil che chaang' kobooch ngelumda ng'wony; ago kagong'ang'ak nguno konyil agenge eng' kagesunetap kenyiisyek si kobiit koisto tengekto eng' tiseiywot ne ki ineendet.

1 PETERO 4:8

ne siirei tuguuk tugul ko ochamyee miising' okweegei; amu tuchei chamyet chaang'indap tengekwogik:

1 JOHANA 3:16

Kingen eng' niito chamyet, amu ki igoito saboondanyi agobo acheek: ak kanyool kigoite saboonwekyok agobo che kitupche.

1 JOHANA 3:23

Ak ni ng'atuutyennyi, keele kiyan kainetap Weeriinnyi Jeso Kristo, ak kechamye acheegei eng' acheegei, ko uu ye ki koonech ng'atuutyet.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.