1 PETERO 1:19 - BUKUIT NE TILIIL Sireet ne Dutero Kanon

¹⁹ ago eng' korotiik che po kamanuutyet ne oo, ko uu che po aarwet ne ma tinyei peruut ak ne ma tinyei tisya, chooto ko korotiigap Kristo:

Bukuit Ne Tilil

¹⁹ ago eng' korotiik che po kamanuutyet ne oo, ko uu che po aarwet ne ma tinyei peruut ak ne ma tinyei tisya, chooto ko korotiigap Kristo:

BUKUIT NE TILIL

¹⁹ ago eng’ korotik che bo kamanutiet ne o, ko u che bo aruet ne matinyei berut ak ne matinyei tisia, choto ko korotikab Kristo:

1 PETERO 1:19 Referencias Cruzadas

KOMONG'U 12:5

Egu arweng'wong' mengit ne libwoop ne ma siirei kenyiit agenge. Oleweni arwanooto eng' keechiirek anan ko ng'oroorek.

ISAIAH 44:22

Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

ISAIAH 53:7

Ki kinyalil, ago ki iming'ingei, ma twek; ki igei ineendet aarwetap keechiir ne ki kweryei kwo ole kieng'e, ko uu keechiiryet ne siisei eng' taitap piik che tilei koroorikyik; ee, ma twek.

ATEPTAP LAWIK 1:10

“Ngo po kagoochinennyi ne kibeelei neego che po keechiirek anan che po ng'oroorek ko ingogoitoi mengit anan kwesta ne libwoop.

ATEPTAP LAWIK 22:20

Ago amat ogoite ne ma libwoop, amu ma kitaachei nooto agobo okweek.

SEKARIA 13:7

Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

KAITOSYEK 7:27

kirgit agenge ne neran, mengit, ak mengit agenge ne ma siirei kenyiit agenge, kobunji kagoochinet ne kibeelei;

KAITOSYEK 7:39

kirgit agenge ne neran, mengit agenge ak mengit agenge ne ma siirei kenyiit agenge kobunji kagoochinet ne kibeelei;

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

MATAYO 26:28

amu chu ko korotiikyuk che po arorutyet, che kitumdoi agobo che chaang' ak agobo nyoetap kaat ne po tengekwogik.

JOHANA 1:29

Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!

JOHANA 1:36

ak ki keerot `ineendet Jeso kowendoti, ak kole, “Ogeero, Aarwet ne po Kamuktaindet!”

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

ROMANIK 3:25

ne ki inde Kamuktaindet koek kaptisiisyo eng' kayaneet, eng' korotiikyik, si kobarta imandanyi, amu kachundaetap tengekwogik che ki kisip keyai, eng' muitaetap Kamuktaindet;

EPESOEK 1:7

ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

KOLOSAIK 1:14

ne ki tinyei eng' ineendet katyagennyo, nyoetap kaat ne po tengekwogikyok.

1 PETERO 1:2

ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 14:1

Ki ageer, ak ogeero, tononi Aarwet eng' tulweetap Zion, ak komi kobooto `ineendet piik eliphuusyek pogol ak artam ak ang'wan, che tinyei kainennyi, ak kainetap Kwandanyi, che ki kisirchi togoochikwak.

NG'ANG'UTYET 14:5

Ama ki nyoorchi kutusweekwak lembeita: ama tinyei tisya.

NG'ANG'UTYET 5:6

Ak ki ageer eng' kwenutap ng'echeranooto po laitornatet ak tyong'ichooto ang'wan saptos, ak eng' kwenutap poisyechooto, kotonone Aarwet ko uu ne kageeny, kotinyei kuinoik tisap, ak koonyek tisap, che saboonwek tisap che po Kamuktaindet, che ki kiyookto koba ng'wony komugul.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.

NG'ANG'UTYET 7:14

Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.