La Biblia Online

Anuncios


Toda la Biblia A.T. N.T.




JOSHUA 18:28 - BUKUIT NE TILIIL Sireet ne Dutero Kanon

Shelah, Elep ak Jebusindet (nooto ko Jerusalem), Gibeat ak Kiryat. Nganasook taman ak ang'wan kobooto kokwotinwekwak. Niito ko poroteetap lagogap Benjamin ko uu ortinwekwak.

Ver Capítulo

Bukuit Ne Tilil

Shelah, Elep ak Jebusindet (nooto ko Jerusalem), Gibeat ak Kiryat. Nganasook taman ak ang'wan kobooto kokwotinwekwak. Niito ko poroteetap lagogap Benjamin ko uu ortinwekwak.

Ver Capítulo

BUKUIT NE TILIL

ak Selar, Elep, ak Jebusindet (noto ko Jerusalem), Gibeat, ak Kiriat; nganasok taman ak ang’wan koboto nganasokwak che mengechen. Nito ko borotetab lagokab Benjamin ko u ortinwekwak.

Ver Capítulo



JOSHUA 18:28
22 Referencias Cruzadas  

Kitup anyun kawegap Saulo ak che po Jonathan weeriinnyi eng' emetap Benjamin eng' Shelah, eng' kereritap Kish kwandanyi, ak ki yai tuguuk tugul che ki ng'at laitoryat. Kingo pata chooto kogasyi Kamuktaindet icheek riirek agobo emet.


Heleb weeriitap Baanah Netopatindet, Itai weeriitap Ribai ne po Gibea ne po lagogap Benjamin,


Yeityo kwo laitoryat ak piikyik kobookchi Jerusalem. Ki ibwaati `Jebusik che ki menyei emonooto koleen ma imuuch Daudi kobar icheeget. Ara ki mwachi `icheek Daudi koleenji, “Me muuchi inyoo ko nganasennyo. Agot kipkoratinik ak che ing'waldos ko kerin si menyo ko.”


Eng' peetuunooto kole `Daudi, “Chii age tugul ne parei Jebusik, ko ingotogosta kwo kereruutap peek si kwo kobar che ing'waldos ak kipkoratinik che puunigap Daudi.” Nooto amu nee si kimwaei keleen, “Ma imuuchi kobwa ko kipkoratinik ak che ing'waldos.”


Chuuto ko ki kandoigap kooriigap kwanisyek eng' ibinwekwak, piik che eecheen, ak ki menye icheek Jerusalem.


kagoba kosiir ole kibunei, kagoru Geba; potani Ramah, kamwei Gibea ne po Saulo.


Omwei osaruge, okweek lagogap Benjamin, omong'u eng' Jerusalem ak oguut iryageet eng' Tekoa; onamji parak kitap kaboorunet eng' Beth-hakerem. Amu itu yaityet eng' murot kaataam ak ng'emisyet ne oo.


Ee Israel, ki iyai tengekto kobooch peetuusyegap Gibea: kitononso eng' olooto: si ma nam icheek pooryeet eng' Gibea ne paregei ak lagogap tengekto.


Weeriigap Benjamin chu ko uu ortinwekwak: che po Bela, che ooreetap Belaik; che po Asbel, che ooreetap Asbelik; che po Ahiram, che ooreetap Ahiramik;


Che kasiirto koiitennywa itesyini poroteet, ak che matyanit koiitennywa igoochini poroteet ne ming'in. Kigoochin chii tugul porotennyi, ko uu koitetap piikyik che ki kiit.


Opchechigei emonooto onyabani eng' seretap parbareek ko uu ortinwekwok. Ogoochini che chaang' poroteet ne oo ak ogoochini che ng'ering' poroteet ne ming'in. Oldo tugul ole kaibutyi parbaryatap chii koek nenyi nooto. Onyabani ko uu pororyosyegap kwanisyekwok.


Ki ma imuuch piigap Judah koon Jebusik che ki menyei Jerusalem; ara ki meny Jebusik ak piigap Judah eng' Jerusalem agoi ra.


Kwo kotestai kiwoteet agoi atebweetap weeriitap Hinom, eng' tabandap Jebusindet murot tai, ne nooto ko Jerusalem ak kwo agoi tulweet parak ne ikweeni atebweetap Hinom eng' cherongo, murot kaataam ne po atebweetap Repaik.


Yeityo kochoortagei kiwoteet agoi tabandap tulweet ne mi taitap atebweetap weeriitap Hinom, ne mi atebweetap Repaik ne tokyingei murot kaataam. Ki choortagei kwo atebweetap Hinom, kot koit tabandap Jebusindet ne tokyingei murot tai ak kochoortagei kwo En-rogelo.


Rekem, Irpeel ak Tarala;


Ki mong' parparyatap aeng' kobutyi pororyetap lagogap Simion ko uu ortinwekwak. Ki imii porotennywa kwenutap poroteetap lagogap Judah.


Ma oon `lagogap Benjamin Jebusik che ki menyei Jerusalem; ko uu nooto, kogimeng'iis Jebusik kobooto lagogap Benjamin eng' Jerusalem agoi ra.


Ago ma cham chiichooto kotebi kemounooto, ago king'eet ak kwo, agoi koit ole tokyingei Jebus (nooto ko Jerusalem). Ki tinyei sigiroik aeng' che kiga kiito, ki mi agine chebaigeiyandennyi kobooto ineendet.


Ki wo Saulo agine koonnyi eng' Gibea ak ki pa ak murenik che nyigoonen che kiga twa Kamuktaindet mugulelwekwak.