JOSHUA 15 - BUKUIT NE TILIIL Sireet ne Dutero Kanon

Kooret ne ki ibutyi pororyetap Judah

¹ Kebeberta ne ki ibutyi pororyetap lagogap Judah, ko uu ortinwekwak, ko kiwootetap Edom agoi surkwen ne po Sin ne tokyingei tabanda ne po murot tai.

² Kibochit kiwotennywa ne po murot tai tabandap Araraitap Munyuk, kot koit nyanjet ne kiluktogei kotokyigei murot tai.

³ Wendi kotokyigei murot tai ne po Akrabbim ak kosiirto kot koit Sin, ak kotogosta kwo murot tai ne po Kadesh-barnea, ak kosiirto agoi koit Hesron, ak kotogosta kwo Adar, ak koweek kora konyo Karka.

⁴ Ki siirto kwo Asmon ak kwo komandae aineetap Misiri ak kwo kiwotonooto agoi nyanjetap Mediterenian. Egu nooto kiwoteng'wong' ne po murot tai.

⁵ Kiwotet eng' kong'asiis ko ki itei Araraitap Munyuk agoi Jordan. Kiwotetap kebeberta ne po murot kaataam, kotaune tabandap nyanjet ye mang'une Jordan;

⁶ ak kwo kiwoteet kot koit Beth-hogla ak kosiirto kobun murot kaataam ne po Beth-araba, ak kwo kot koit Koita ne po Boan weeriitap Reuben.

⁷ Kong'eetee yooto, kwo kiwoteet kot koit Debir kobunu atebweetap Akor ak kotokyigei murot kaataam kwo Gilgal, kotoorchigei ole kitogostoe kebendi Adumim, ne mi murot tai ne po aineet. Kong'eetee yooto, kosiirto kiwoteet kot koit peegap En-semes, ak kwo agoi En-rogelo.

⁸ Kwo kotestai kiwoteet agoi atebweetap weeriitap Hinom, eng' tabandap Jebusindet murot tai, ne nooto ko Jerusalem ak kwo agoi tulweet parak ne ikweeni atebweetap Hinom eng' cherongo, murot kaataam ne po atebweetap Repaik.

⁹ Kong'eetee tulweet parak, kowegaak kiwoteet kot koit kondap peegap Neptoa ak kwo agoi nganasoogap tulweetap Epron, yeityo kowegaak kiwoteet kotokyigei Baala, ne nooto ko Kiriath-Jearim.

¹⁰ Kong'eete Baala kotokyigei kiwotet cherongo agoi tulweetap Seir ak kosiirto kwo tabandap tulweetap Jearim eng' murot kaataam, ne nooto ko Kesalon ak kotokyigei Beth-shemesh, yeityo kosiirto kwo agoi Timnah.

¹¹ Ki manda kiwoteet kora ak kwo tabandap Ekron murot kaataam, yeityo kowegaak kiwoteet agoi Sikeron, ak kosiirto agoi tulweetap Baala. Yeityo kwo komanda agoi Jabneel ak kwo kiwoteet agoi komong'ji nyanjetap Mediterenian.

¹² Kiwotet ne po cherongo, ko kitabaandap nyanjetap Mediterenian.

Kobunjin Hebron pororyetap Kaleb

¹³ Ko uu ye ki ng'at `Kamuktaindet ne Toroor Joshua, ko ki kigoochi Kaleb weeriitap Jepune kebeberyan eng' kwenutap lagogap Judah nooto ko Kiriath-arba nooto ko Hebron. (Arba ko ki kwandap Anak.)

¹⁴ Ki oon Kaleb eng' olooto weeriik somok che po Anak: Sheshai, Ahiman ak Talmai, lagogap Anak.

¹⁵ Kong'eetee yooto kotogosta kwo kobargei ak che ki menyei Debir. Kainetap Debir eng' tai ko ki Kiriath-sepher.

¹⁶ Ki mwa Kaleb kole, “Ineendet ne ibookyin Kiriath-sepher ak konam, agoochini Achsah cheptonyu kotun.”

¹⁷ Ki nam Othniel weeriitap Kenas ng'eetap kametap Kaleb nganasanooto, ak ki igoochi ineendet Achsah cheptonyi kotun.

¹⁸ Kingo nyo kwonyooto ole mi ineendet, komwachi Othniel eng' kagiiletapkei kosoom kwandanyi kooret. Ye ki choorugei eng' sigiryennyi koteebe Kaleb koleenji, “Imache nee?”

¹⁹ Kowol kole, “Koono konunotyon, amu ki indea emetap Negeb, koono kong'igap peek ak icheek.” Ki igoochi anyun kong'igap peek che po meto ak che mi ole rektoot.

²⁰ Ni ko poroteetap pororyetap Judah ko uu ortinwekwak.

²¹ Nganasook che mi tabandap pororyetap Judah eng' ole tokyingei kiwotetap Edom eng' murot tai: ko ki Kabseel, Eder ak Jagur.

²² Kina, Dimona ak Adada,

²³ Kedesh, Hasor ak Itnan,

²⁴ Ziph, Telem ak Bealoth,

²⁵ Hasor-hadata, Keryot-hesron (nooto ko Hasor),

²⁶ Amam, Shema ak Molada,

²⁷ Hasar-gada, Hesmon ak Beth-pelet,

²⁸ Hasar-sual, Beer-sheba ak Bisiotia,

²⁹ Bala, Iim ak Esem,

³⁰ Eltolad, Chesil ak Horma,

³¹ Ziklag, Madmana ak Sansana,

³² Lebaot, Silim, Ain ak Rimon. Nganasochooto tugul ko ki tiptem ak sogool kobooto kokwatinwekwak.

³³ Eng' warenget, Estaol, Sora ak Asna,

³⁴ Sanoa, En-ganim, Tappuah ak Enam,

³⁵ Jarmut, Adulam, Soko ak Aseka,

³⁶ Saaraim, Aditaim, Gedera ak Gederotaim. Ki nganasook taman ak ang'wan kobooto kokwotinwekwak.

³⁷ Senan, Hadasa ak Migdalgad,

³⁸ Dilan, Mispe ak Jokteel,

³⁹ Lakish, Boskat ak Eglon,

⁴⁰ Kabon, Lamam ak Kitlis,

⁴¹ Gederoth, Beth-dagon, Naamah ak Makeda. Tugul ko nganasook taman ak lo kobooto kokwotinwekwak.

⁴² Libna, Eter ak Asan,

⁴³ Ipta, Asna ak Nesip,

⁴⁴ Keila, Aksip ak Maresha. Tugul ko nganasook sogool kobooto kokwotinwekwak.

⁴⁵ Ki kigoochi Ekron kobooto nganasookyik ak kokwotinwekyik;

⁴⁶ kobooch Ekron agoi nyanjet, tugul che ki mi ole neegitee Ashdod kobooto kokwotinwekwak.

⁴⁷ Ashdod, nganasookyik ak kokwotinwekyik, Gaza, nganasookyik ak kokwotinwekyik agoi aineetap Misiri, ak nyanjetap Mediterenian ak kiwotennyi.

⁴⁸ Ak eng' emet ne mi tuloonook: Samir, Jatir ak Soko,

⁴⁹ Dana ak Kiriath-sana, nooto ko Debir,

⁵⁰ Anap, Estemo ak Anim,

⁵¹ Goshen, Holon ak Gilo; nganasook taman ak agenge kobooto kokwotinwekwak.

⁵² Arab, Duma ak Esan,

⁵³ Janim, Beth-tapua ak Apeka,

⁵⁴ Humta, Kiriath-arba nooto ko Hebron ak Sior; nganasook sogool ak kokwotinwekwak.

⁵⁵ Maon, Karmel, Ziph, Juta,

⁵⁶ Jezreel, Jokdeam, Sanoa,

⁵⁷ Kain, Gibea ak Timnah; nganasook taman kobooto kokwotinwekwak.

⁵⁸ Halul, Beth-zur, Geder.

⁵⁹ Maarat, Beth-anot ak Eltekon; nganasook lo tugul kobooto kokwotinwekwak.

⁶⁰ Kiriath-baal nooto ko Kiriath-Jearim, ak Rabbah; nganasook aeng' kobooto kokwotinwekwak.

⁶¹ Eng' surkwen: Beth-araba, Midin, Sekaka,

⁶² Nibsan, Nganaseetap Munyuk ak En-gedi; nganasook lo kobooto kokwotinwekwak.

⁶³ Ki ma imuuch piigap Judah koon Jebusik che ki menyei Jerusalem; ara ki meny Jebusik ak piigap Judah eng' Jerusalem agoi ra.