JOSHUA 18:16 - BUKUIT NE TILIIL Sireet ne Dutero Kanon

¹⁶ Yeityo kochoortagei kiwoteet agoi tabandap tulweet ne mi taitap atebweetap weeriitap Hinom, ne mi atebweetap Repaik ne tokyingei murot kaataam. Ki choortagei kwo atebweetap Hinom, kot koit tabandap Jebusindet ne tokyingei murot tai ak kochoortagei kwo En-rogelo.

Bukuit Ne Tilil

¹⁶ Yeityo kochoortagei kiwoteet agoi tabandap tulweet ne mi taitap atebweetap weeriitap Hinom, ne mi atebweetap Repaik ne tokyingei murot kaataam. Ki choortagei kwo atebweetap Hinom, kot koit tabandap Jebusindet ne tokyingei murot tai ak kochoortagei kwo En-rogelo.

BUKUIT NE TILIL

¹⁶ ak kichortagei kiwotet agoi tabandab tulwet ne mi taitab atebwetab weritab Hinom, ne mi atebwetab Repaik ne tokyingei murot ne bo katam; ak kichortagei kwo atebwetab Hinom, kot koit tabandab Jebusindet ne tokyingei murot ne bo tai, ak kochortagei kwo En-rogelo;

JOSHUA 18:16 Referencias Cruzadas

2 SAMUEL 17:17

Ki tebi Jonathan ak Ahimaaz eng' ole neegitee En-rogelo. Ki cham kowendi chepto ne otwogindet komwachin icheek ng'aleek, ak ki pendi komwachin Laitoryat Daudi, amu ki ma komachei kogeer chii icheek kobendi nganaseet.

2 SAMUEL 5:18

Kingo pwa Philistiik ak koyom atebweetap Repaim,

1 LAITORINIK 1:9

Ki eny Adonijah keechiirek, tuuga ak che akwaen eng' ole neegitee koitap Zoheleth, ne mi ole neegitee En-rogel. Ki kuur tupchosyekyik tugul, weeriigap laitoryat ak piik tugul che po Judah che otwogigap laitoryat.

2 LAITORINIK 23:10

Ki ing'wanit Topet, ne mi atebweetap lagogap Hinom, si ma igoito chii weeriinnyi anan ko cheptonyi kobun maat kogoochi Molek.

1 ATEPTAP PEETUUSYEK 14:9

Kiga kobwa Philistiik kobookyi atebweetap Repaim.

2 ATEPTAP PEETUUSYEK 28:3

Ki peel kogeny nyamdutik eng' atebweetap weeriitap Hinom ak kobeel lagokyik eng' maat, ko uu tuguuk che kiwechei che po pororyosyek, che kigaon Kamuktaindet ne Toroor eng' taitap piigap Israel.

2 ATEPTAP PEETUUSYEK 33:6

Ak ki igoito kogeny lagokyik kobun maat eng' atebweetap weeriitap Hinom: ak king'orso ak ki isogis, ak ki yai ponisyet, ak ki ng'alaal ak che poisyee oik ak pooniik: ki yai yaityet ne oo eng' taitap Kamuktaindet ne Toroor, kotach ineendet konereech.

ISAIAH 30:33

Amu kigechop Topet kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.

JEREMIA 19:11

ak ileenji icheek, Mwaei Kamuktaindet ne Toroor ne po lugoosyek kole: Atue ko uu nooto pichu ak nganasani, ko uu ye tuei chiito tereetap cheptereniot, ne ma kimuuchi keyai komyeeit kogeny: ak ketupchi icheek Topet, kot koma komi ole ketupchin.

JEREMIA 19:2

ak obe agoi atebweetap weeriitap Hinom, ne miitei ye neegitee ole kibunei eng' ormariichetap rokyonik, ak imwaite eng' yooto ng'aleek che ta amwaun.

JEREMIA 19:6

keero, pwoonei anyun peetuusyek, mwaei Kamuktaindet ne Toroor, che ma keguure olito Topet, anan keguure Atebweetap weeriitap Hinom, ago kiguure Atebweetap Parisyet.

JEREMIA 32:35

Ak ki teech komoswek che torooreen che po Baal, che mi atebweetap weeriitap Hinom, si kogoito weeriikwak ak tiibiikwak kobun maat kogoochi Molek; ne ki ma ang'at, ama kuura met, ale si kobiit koyai kii kiwechei; ak kogoochi Judah koyai tengekto.

JOSHUA 15:63

Ki ma imuuch piigap Judah koon Jebusik che ki menyei Jerusalem; ara ki meny Jebusik ak piigap Judah eng' Jerusalem agoi ra.

JOSHUA 18:28

Shelah, Elep ak Jebusindet (nooto ko Jerusalem), Gibeat ak Kiryat. Nganasook taman ak ang'wan kobooto kokwotinwekwak. Niito ko poroteetap lagogap Benjamin ko uu ortinwekwak.

KIRUOGIK 1:21

Ma oon `lagogap Benjamin Jebusik che ki menyei Jerusalem; ko uu nooto, kogimeng'iis Jebusik kobooto lagogap Benjamin eng' Jerusalem agoi ra.

KIRUOGIK 1:8

Ki ibookyi `lagogap Judah Jerusalem ak konam. Kibare rotwetap chok ak kobeel nganaseet eng' maat.

KIRUOGIK 19:10

Ago ma cham chiichooto kotebi kemounooto, ago king'eet ak kwo, agoi koit ole tokyingei Jebus (nooto ko Jerusalem). Ki tinyei sigiroik aeng' che kiga kiito, ki mi agine chebaigeiyandennyi kobooto ineendet.