JOSHUA 18:16 - BUKUIT NE TILIL

¹⁶ ak kichortagei kiwotet agoi tabandab tulwet ne mi taitab atebwetab weritab Hinom, ne mi atebwetab Repaik ne tokyingei murot ne bo katam; ak kichortagei kwo atebwetab Hinom, kot koit tabandab Jebusindet ne tokyingei murot ne bo tai, ak kochortagei kwo En-rogelo;

Bukuit Ne Tilil

¹⁶ Yeityo kochoortagei kiwoteet agoi tabandap tulweet ne mi taitap atebweetap weeriitap Hinom, ne mi atebweetap Repaik ne tokyingei murot kaataam. Ki choortagei kwo atebweetap Hinom, kot koit tabandap Jebusindet ne tokyingei murot tai ak kochoortagei kwo En-rogelo.

BUKUIT NE TILIIL Sireet ne Dutero Kanon

¹⁶ Yeityo kochoortagei kiwoteet agoi tabandap tulweet ne mi taitap atebweetap weeriitap Hinom, ne mi atebweetap Repaik ne tokyingei murot kaataam. Ki choortagei kwo atebweetap Hinom, kot koit tabandap Jebusindet ne tokyingei murot tai ak kochoortagei kwo En-rogelo.

JOSHUA 18:16 Referencias Cruzadas

2 SAMUEL 17:17

Kitebi Jonatan ak Aimaas eng’ ole negite En-rogel; ak kicham kowendi chepto ne otwogindet komwachin ichek ng’alek; ak kibendi komwachin laitoriat Daudi: amu kima komachei kogeer chi ichek kobendi nganaset.

2 SAMUEL 5:18

Ak kibwa Pilistik ak koyom atebwetab Repaim.

1 LAITORINIK 1:9

Ak kieny Adonija kechirek ak tuga ak che akwaen eng’ ole negite koitab Soelet, ne mi ole negite En-rogel; ak kiguur tupchosiekyik tugul werikab laitoriat, ak bik tugul che bo Juda otwogikab laitoriat:

2 LAITORINIK 23:10

Ak kiing’wanit Topet, ne mi atebwetab lagokab Hinom, si ma igoito chi werinnyi anan ko cheptanyi kobun mat kogochi Molek.

1 ATEPTAP PEETUUSYEK 14:9

Kiga kobwa Pilistik kobokyi atebwetab Repaim.

2 ATEPTAP PEETUUSYEK 28:3

Kibeel kogeny nyamdutik eng’ atebwetab weritab Hinom, ak kobeel lagokyik eng’ mat, ko u tuguk che kiwechei che bo bororiosiek, che kiga on Jehovah eng’ taitab lagokab Israel.

2 ATEPTAP PEETUUSYEK 33:6

Ak kiigoito kogeny lagokyik kobun mat eng’ atebwetab weritab Hinom: ak king’orso ak kiisogis, ak kiyai bonisiet, ak king’alal ak che boisie oik ak bonik: kiyai yaitiet ne o eng’ taitab Jehovah, kotach inendet konerech.

ISAIAH 30:33

Amu kigechob Topet koboch keny; ee, kigechopchi laitoriat; kigoyai kolooit kwo ng’ony ak kotebeesit: karurugutiennyi ko mat ak kwenik che chang’; inaami kabusetab Jehovah, ne kergei ak koik che laldos, che isururu.

JEREMIA 19:11

ak ilenji ichek, Mwaei Jehovah ne bo lugosiek ko u ni kole: Atue ko u noto bichu ak nganasani, ko u ye tuei chito teretab cheptereniot, ne magimuchi keyai komieit kogeny: ak ketupchi ichek Topet, kot ko ma komi ole ketupchin.

JEREMIA 19:2

ak obe agoi atebwetab weritab Hinom, ne mitei ye negite ole kibunei eng’ ormarichetab rokyonik, ak imwaite eng’ yoto ng’alek che ta amwaun:

JEREMIA 19:6

keero, bwanei anyun betusiek, mwaei Jehovah, che ma keguure olito Topet, anan keguure Atebwetab weritab Hinom, ago kiguure Atebwetab Barisiet.

JEREMIA 32:35

Ak kiteech komoswek che tororen che bo Baal, che mi atebwetab weritab Hinom, si kogoito werikwak ak tibikwak kobun mat kogochi Molek; ne kima ang’at, ama kuura met, ale si kobiit koyai kii kiwechei; ak kogochi Juda koyai tengekto.

JOSHUA 15:63

Ak kima imuch lagokab Juda koon Jebusik, che kimenyei Jerusalem: ago kimeny Jebusik ak lagokab Juda eng’ Jerusalem, agoi ra.

JOSHUA 18:28

ak Selar, Elep, ak Jebusindet (noto ko Jerusalem), Gibeat, ak Kiriat; nganasok taman ak ang’wan koboto nganasokwak che mengechen. Nito ko borotetab lagokab Benjamin ko u ortinwekwak.

KIRUOGIK 1:21

Ak kima on lagokab Benjamin Jebusik che kimenyei Jerusalem: kimeny Jerusalem Jebusik koboto lagokab Benjamin, agoi ra.

KIRUOGIK 1:8

Ak kibargei lagokab Juda ak Jerusalem, ak kinam, ak kibare rotwetab chok, ak kobeel nganaset eng’ mat.

KIRUOGIK 19:10

Ago ma cham chichoto kotebi kemounoto, ago king’eet ak kwo, agoi koit ole tokyingei Jebus (noto ko Jerusalem); ak kitinyei sigirok aeng’ che kiga kiito; kimi agine chebaigeiyandennyi koboto inendet.