Ago ki reeny pichooto ki iyooktoi Kamuktaindet, ak ki sas ng'aleekyik, kogengenie maotikyik, agoi konereekyi `Kamuktaindet ne Toroor piikyik, kot koma komi kiit ne kinyae.
JEREMIA 5:12 - BUKUIT NE TILIIL Sireet ne Dutero Kanon Ki komwa lembechek agobo Kamuktaindet ne Toroor, komwa kole, “Ma yae kiy ineendet, ma mi yaityet ne ityinech, ma koi kigeer rotwetap chok anan ko rubeet.” Bukuit Ne Tilil Ki komwa lembechek agobo Kamuktaindet ne Toroor, komwa kole, “Ma yae kiy ineendet, ma mi yaityet ne ityinech, ma koi kigeer rotwetap chok anan ko rubeet.” BUKUIT NE TILIL Kigotiiyo bichoto Jehovah, ak kole, Ma inendet; ama ityinech yaitiet; ama kigeere rotwetab chok anan rubet: |
Ago ki reeny pichooto ki iyooktoi Kamuktaindet, ak ki sas ng'aleekyik, kogengenie maotikyik, agoi konereekyi `Kamuktaindet ne Toroor piikyik, kot koma komi kiit ne kinyae.
Ki komwa ne perber eng' muguleldanyi, kole, “Ma mi Kamuktaindet.” Kigong'emogis, ak koyai yautik che kiwechei; ma mi ne yaei ne myee.
si ma piye ak aeesyen, ak ale, “Ng'oo Kamuktaindet ne Toroor?” Anan si ma egu kibanania, ak achoorse, si ma mwa kainetap Kamuktaindennyu eng' tangoi.
Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.
Ama teebegei icheek kole, ‘Mi ano Kamuktaindet ne Toroor ne ki imutwech kemong'u eng' emetap Misiri, ne ki indoiywech kebun surkwen, kebun emet ne surkwen ak ne po keriingonik, kebun emetap kemeut ak imenindo ne oo, kebun emet ne ma punei chii, ole ma menyei chii?’
ak amutu kogeny konyo olito Jekoniah weeriitap Jehoiakim laitoryatap Judah, kobooto luulenik tugul che ki kiluul che po Judah, che ki pa Babilon, mwaei Kamuktaindet ne Toroor: amu airie chogitap laitoryatap Babilon.
Ki amwa anyun ale, ee Kiptaiyat Kamuktaindet ne Toroor! Iman ki iberber miising' pichu ak Jerusalem, ileenji, “Onyooru kaalyeet; ago ityin rotwetap chok saboondo.”
Ak ye kingo kagogees Jeremiah ng'alaalet ne ki ng'alaaljin piik tugul ng'aleek tugul che po Kamuktaindet ne Toroor Kamuktaindennywa, che kiga koyooktoe Kamuktaindet ne Toroor Kamuktaindennywa ineendet komwachi icheek ng'aleechooto tugul,
Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?
Kigonya ak kobir parak moogap piikyuk, koleenjin, “Kaalyeet, kaalyeet,” ye ma mi kaalyeet.
Ki kogeer icheek tangoita ak ng'oorset ne po lembech, che mwaei kole, kale Kamuktaindet ne Toroor; ama iyookte Kamuktaindet ne Toroor: ak kogoochi piik komong' kole ki kimiti ng'olyoot.
Ngot komwa lembech chiito ne wendoti eng' usoonet ak lembechek, kole amaotenun agobo divaik ak maiyek; koegu ineendet maotyotap pichu.
Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.
Ye kas ng'aleegap chubisyoni, koberuurgei eng' muguleldanyi kole, atebye eng' kaalyeet agot ngawendoti eng' ngelelnatetap muguleldanyu; tesei melelda pogitet.
Ineendet ne iyani Weeriitap Kamuktaindet kotinyei paornatanooto eng' ineendet: ineendet ne ma iyani Kamuktaindet ko kagoyai ineendet koek kiplembechwa; amu ma iyan paornateet ne kibaoryan Kamuktaindet agobo Weeriinnyi.
Ak ogeer; ngot kotogosta kobun kiwotennyi kowendi Beth-shemesh, ko kaagaa ko ineendet ne kiyaiywech yaityoni oo. Ago ngot koma pun, kenai anyun keele ma eunnyi ne kobirech ago kaagaa kiy ne koityech puch.”