JEREMIA 28:4 - BUKUIT NE TILIIL Sireet ne Dutero Kanon

⁴ ak amutu kogeny konyo olito Jekoniah weeriitap Jehoiakim laitoryatap Judah, kobooto luulenik tugul che ki kiluul che po Judah, che ki pa Babilon, mwaei Kamuktaindet ne Toroor: amu airie chogitap laitoryatap Babilon.

Bukuit Ne Tilil

⁴ ak amutu kogeny konyo olito Jekoniah weeriitap Jehoiakim laitoryatap Judah, kobooto luulenik tugul che ki kiluul che po Judah, che ki pa Babilon, mwaei Kamuktaindet ne Toroor: amu airie chogitap laitoryatap Babilon.

BUKUIT NE TILIL

⁴ ak amutu kogeny konyo olito Jekonia weritab Jeoiakim laitoriatab Juda, koboto luulenik tugul che kigiluul che bo Juda, che kiba Babulon, mwaei Jehovah: amu airie chogitab laitoriatab Babulon.

JEREMIA 28:4 Referencias Cruzadas

TAUNET 27:40

Isabe rotweng'ung' po chok, ak iote ng'eetap kamenng'ung'. Ye ityagage, ilelekte pounatennyi koistoegei kaating'ung'.”

2 LAITORINIK 24:14

Ki imut piik tugul che po Jerusalem: pounik tugul, ak piik tugul che kiimeen che nyigoonen, che ki luulenik eliphuusyek taman, kobooto musogik tugul ak kitang'ik. Ma mi ne ki ng'et kobatee piik che ki kibananook miising' che ki mi emet.

ISAIAH 9:4

Amu koiiri chogitap lautyennyi, ak kirokto ne po tigikyennyi, ak kirokto ne po usiindennyi, ko uu eng' peetuusyegap Midian.

JEREMIA 13:19

Kigeger nganasook che po murot tai, ama mi chii ne yaatei: ki kimut Judah tugul koek luulenik, ki kimut tugul koek luulenik.

JEREMIA 2:20

Amu ki airii choging'ung' eng' peetuusyek che po keny, ak ang'etii anooguk ak ki imwa ile, “Maotin,” amu ki ing'uruuge eng' tulweet age tugul ne kooi ak eng' keetit age tugul ne tuon, iyae kugoinatet.

JEREMIA 22:10

Amoriirchi ne ki kome, anan ote agobo ineendet: ago orir miising' agobo ineendet ne mandoi; amu ma koweeksei ineendet kogeny, anan kogeer emennyi ne ki kisikyin.

JEREMIA 22:24

Ko uu ye asabe, mwaei Kamuktaindet ne Toroor, agot nganda ko waet ne po ng'ookset eng' eunnyu ne po tai Konia weeriitap Jehoiakim laitoryatap Judah, ang'usin ui tugul eng' olooto;

JEREMIA 24:1

Ki iboorwo Kamuktaindet ne Toroor kitongok aeng' che po logoegap mogoonik che ki kinde taitap Hekaluutap Kamuktaindet ne Toroor; kingo kagoluul Nebukadresar laitoryatap Babilon, Jekoniah weeriitap Jehoiakim, laitoryatap Judah, kobooto pounigap Judah, kobooto musogik ak kitang'ik, kobunu Jerusalem, koba Babilon.

JEREMIA 24:5

Kamwa Kamuktaindet ne Toroor, Kamuktaindetap Israel, kole: Aitii anyun piik che ki kiluul che po Judah, kogergeit ak logoechu korooron po mogoonik, che ki ayookte koba eng' olito agoi emetap Kaldeik, si konyoor myeeindo.

JEREMIA 27:8

Ak tuun abire pororyet ak pounateet ne maotei Nebukadnezar niito laitoryatap Babilon, ak ne eesyoi konde kaatinnywa chogitap laitoryatap Babilon, abire pororyonooto rotwetap chok, ak rubeet, ak koroito, agoi ageesu icheek eng' eunnyi, mwaei Kamuktaindet ne Toroor.

JEREMIA 28:10

Ki inem anyun maotyot Hananiah chogit ne ki mi kaatitap maotyot Jeremiah, ak koiri.

JEREMIA 28:2

Mwaei Kamuktaindet ne Toroor ne po lugoosyek, Kamuktaindetap Israel ko uu ni kole, kaairi chogitap laitoryatap Babilon.

JEREMIA 29:1

Chu ng'aleegap parweet ne ki iyookto maotyot Jeremiah eng' Jerusalem, koyookyi poisyek che ki ng'et eng' che kiga kiluul, ak tisiik, ak maotik, ak piik tugul, che kiga luul Nebukadnezar eng' Jerusalem koba Babilon,

JEREMIA 29:2

(ye kingo kagoba eng' Jerusalem Laitoryat Jekoniah, ak kametap laitoryat, ak kiptainik, kobooto pounigap Judah ak Jerusalem, ak musogik, ak kitang'ik,)

JEREMIA 30:8

Ak tuun airie eng' peetuunooto choginnyi ne mi kaating'ung', mwaei Kamuktaindet ne Toroor ne po lugoosyek, ak ang'etii anooguk; ama koyaei toek ineendet koek otwogindennywa.

ATEPTAP LAWIK 26:13

Aa Kamuktaindet ne Toroor Kamuktaindeng'wong', ne ki amutwak omong'u eng' emetap Misiri, si mata oegu otwogikwak. Ak ki airii keetiigap choging'wong' ak ang'eetak obe komyee.

NAHUM 1:13

Airie choginnyi eng' kaating'ung', ak ang'etii ratuutiguk.”