JEREMIA 14:22 - BUKUIT NE TILIIL Sireet ne Dutero Kanon

²² Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.

Bukuit Ne Tilil

²² Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.

BUKUIT NE TILIL

²² Tos mi age tugul eng’ tuguk che bo buch, che bo bororiosiek, ne imuchi kogon ropta? Anan imuch kipsengwetisiek kogon ropta ne inesi? Tos ma inyendet Jehovah Kamuktaindennyo? Kigenin anyun; amu kiiayi tuguchuto tugul.

JEREMIA 14:22 Referencias Cruzadas

1 LAITORINIK 17:1

Ki leenji `Elijah Tisbinindet ne ki po piik che ki menyei Gilead Ahab, “Ko uu ye sabei Kamuktaindet ne Toroor, Kamuktaindetap Israel, ne atonone tainnyi, koma piitu rewoot anan ko ropta kenyisyechu, kobatee ko uu ng'olyoondennyu.”

1 LAITORINIK 17:14

Amu kamwa Kamuktaindet ne Toroor, Kamuktaindetap Israel ko uu ni, kole: ‘Ma igeesugei peek che ng'ootiin eng' teronooto anan kobek mwaita eng' sotonooto ming'in, kot koit peetuut ne iyookyin `Kamuktaindet ne Toroor ropta ng'wony.’ ”

1 LAITORINIK 18:1

Kingo pata peetuusyek che chaang', konyonji ng'olyootap Kamuktaindet ne Toroor Elijah, eng' kenyiitap somok, koleenji, “Ui iboorchigei Ahab, si ayookyi ng'wony ropta.”

1 LAITORINIK 8:36

igas anyun eng' kipsengwet, ak inyochi kaat otwogiguk, eng' tengektonywa ak ne po piiguk Israel, ye ineeti icheek ooreet ne myee ne nyolu kobendatee; iyookyi ropta emeng'ung', ne ki igoochi piiguk koek porotennywa.

Kitabuutap JOB 28:26

Ye kingo yai ng'atuutyetap ropta, ak koyai ooreetap kalyeleetap tuleet:

Kitabuutap JOB 5:10

Igoochin `ropta ng'wony, ak koyookyin `peek mbareenik.

TIENWOGIKAL 130:5

Ageni Kamuktaindet ne Toroor, igenisyei saboondanyu, ak amang'u ng'olyoondennyi.

TIENWOGIKAL 135:7

Igoochin kibungweret kotogosta kong'etee ole poochin ng'wony; yachin ropta kalyelosyek; imoong'u usoonet eng' konoraikyik.

TIENWOGIKAL 147:8

Tugee inee poolik kipsengwet, chopchin ropta ng'wony, ak ibiti susweek eng' tuloonook.

TIENWOGIKAL 25:21

Ingoriibo kagesunatetapkei ak imanda, amu ageniin.

TIENWOGIKAL 25:3

Ee, amegoochi kolilaan ne igenin; ililandos icheek che ng'aalsei puch.

TIENWOGIKAL 27:14

Igen Kamuktaindet ne Toroor! Kimitu ak ingonyiganit muguleldang'ung'! Ee, igen Kamuktaindet ne Toroor!

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 30:23

Ak koyook ineendet ropta ne po kesweguk, si kobiit igolse; ak kogoonok amitwogik che punu ruroteetap emet, ak koneryo ak kochang'a. Tuun agete kiyagiik ole paraa eng' peetuunooto.

ISAIAH 41:29

Ogeer tugul o, tangoita poisyonikwak ak ko puch: usoonet ak toiyet kanamonikwak che kitanyi.

JEREMIA 10:12

Ki yai ng'wony eng' kamuktaennyi, ki igimit ng'wonyuni eng' utotyennyi, ak kiito kipsengwet eng' naennyi.

JEREMIA 10:13

Ye twek, kobiit wasetapkei ne po peek eng' kipsengwet, ak kogoochi kibungweret kotogosta eng' ole poochin ng'wony. Yachin ropta kalyelosyek, imoong'u usoonet eng' ole ki kigonoree.

JEREMIA 10:15

Puch chooto, poisyetap ng'aalseet; petos eng' peetuut ne ityin pirennywa.

JEREMIA 10:3

Amu tangoita pitonwegap piik, ebei age keetit eng' timiin, ak chobei komyee musogindet aiywet koboisyee aiywet.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 5:12

Ki komwa lembechek agobo Kamuktaindet ne Toroor, komwa kole, “Ma yae kiy ineendet, ma mi yaityet ne ityinech, ma koi kigeer rotwetap chok anan ko rubeet.”

JEREMIA 5:24

Ama mwaei eng' mugulelwekwak koleen, ongiywei Kamuktaindet ne Toroor Kamuktaindennyo, ne koonu ropta ne po tai ak ne po let eng' peetuusyekyik, ineendet ne riibwech wigisyek che ki king'at che po kesisyet.

JEREMIA 51:16

ye twek, kobiit wasetapkei ne po peek eng' kipsengwet, ak kogoochi kibungweret kotogosta eng' ole poochin ng'wony: yachin ropta kalyelosyek, imoong'u usoonet eng' ole ki kigonoree.

HOSEA 2:7

Isubi chamanikyik ko uu kotugul, ago ma nyooru icheek; ak cheeng'ei icheek, ago ma nyooru. Yeityo anyun komwa kole, awendi ak aweekyigei manong'otyonnnyu ne po tai amu ki agaigai eng' peetuusyechooto kosiir nguno.

JOEL 2:23

Ogaaskei anyun, okweek lagogap Zion, ak oboiboitu eng' Kamuktaindet ne Toroor Kamuktaindeng'wong': amu koonok ropta ne po tai ko uu ye nyolu, ak koonu ropta korobonjok, ropta ne po tai ak ne po let, ko uu eng' tai.

AMOS 4:7

Ak ki aeetenak kogeny ropta, ye ki tomo arawek somogu si koit kesisyet. Ki agoochi korobonji nganaseet age, ak aeete ropta nganaseet age. Kirobonji komosta ne ming'in, ak ki yaam komosta ne ma robonji.

MIKAH 5:6

Ak kong'em emetap Assyria eng' rotwetap chok, ak kong'em emetap Nimrod eng' ole kibunei kebendi olooto; ak kosarwech ineendet eng' Assyrianindet ye tuun kait emennyo, ye tuun kanyo kotyech oriit eng' kiwotennyo.

MIKAH 7:7

Ago amang'u anee Kamuktaindet ne Toroor; ageni Kiptaiyat Kamuktaindetap yetunennyu: kasa Kamuktaindennyu,

MATAYO 5:45

si oegu weeriigap Kwandang'wong' ne mi kipsengwet; amu igoochin asiistanyi kochorchi che yaach ak che myach, ak iyookyin ropta che po imanda ak che ma po imanda.

NG'ATUTIK 28:12

Amu yaatun Kamuktaindet ne Toroor konorwennyi ne karaaran nooto ko kipsengwet korobonji emeng'ung' eng' peetuusyekyik ak koberuur poisyonik tugul che po euneguk. Ibesendochini pororyosyek che chaang' ago mebeseni.

NG'ATUTIK 32:21

Ki koono ng'etkonda eng' otetap che ma Kamuktaindet; Kitacha eng' tangoitanywa: Ara anyun nguno ko kagoochi icheek ng'etkonda eng' che ma poror; Atache icheek eng' pororyet ne abusat.