JEREMIA 32:23 - BUKUIT NE TILIIL Sireet ne Dutero Kanon

ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.

Bukuit Ne Tilil

ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.

BUKUIT NE TILIL

ak kibwa, konam kobunji; ago ma kas it kuting’ung’, ama isub ng’atutiguk; ma yai kiy age tugul eng’ choto tugul kiing’atyi ichek koyai: koigochi anyun yaitioni tugul konyonji ichek.

JEREMIA 32:23 Referencias Cruzadas

EZRAH 9:7

Ki keegu kiptengegiinik miising' kobooch peetuusyegap kwanisyekyok agoi rani, ak ki kindeech eunegap laitorinik che po emotinwek agobo tengekwogikyok acheek, laitorinikyok ak tisiikyok, kebarech eng' rotwetap chok, keluulech, ng'emisyet ak kalilanet, ko uu rani.

NEEMIA 9:15

Eng' rubennywa, kogiigoochi amitwogik che punu kipsengwet, ak imoong'u peek eng' rwandet agobo icheek, amu meleldanywa, yeityo ing'at icheek koba konam emet kobunji, emet ne kiga iitoochi eung'ung' igoochi.

TIENWOGIKAL 78:10

Ki ma riip kayomisetap Kamuktaindet, Ak ki eesyo kobendatee ng'atuutyennyi:

JEREMIA 2:7

Ki amutwak obwa emet ne chaang' amitwogik, si kobiit oam logoekyik ak myeeindonyi; ago kingo it emonooto, ong'wanit emennyu, ak oyai porotennyu koek kiit ne kiwechei.

JEREMIA 26:4

Ak ileenji icheek, Kamwa Kamuktaindet ne Toroor kole: Ngot ko mocham ogasa, obendate ng'atuutikyuk, che ki ande taing'wong',

JEREMIA 44:10

Ma iming'ingei agoi rani, anan koiyweis, anan kobendatee ng'atuutikyuk, anan kayomisutikyuk, che ki ande taing'wong', ak eng' taitap kwanisyekwok.

JEREMIA 7:26

Ago ma kasa, ama ep iit, ago ki iuit kaatinnywa. Ki yai ne ya kosiir kwanisyekwak.

RIREKAB JEREMIA 1:18

Po imanda Kamuktaindet ne Toroor; amu ki angelelji ng'atuutyennyi. Asaok ale, ogas okweek pororyosyek tugul, ak ogeer aragenennyu. Kogimut pergeinikyuk ak neranikyuk koba koek luulenik.

RIREKAB JEREMIA 1:8

Ki koyai Jerusalem tengekto ne ya miising'; kogoek anyun kiit ne murwoon amu nooto. Sasei ineendet tugul che ki konyiti ineendet, amu ki kogeer aach ngorinnyi. Ee, tigeni, ak koweechigei let.

EZEKIEL 20:18

Ak ki aleenji lagokwak eng' surkwen, Amobendate ng'atuutigap kwanisyekwok, anan osup kirwoogutikwak, anan ong'wanitegei kanamonikwak;

EZEKIEL 20:21

Ago ki ingelelja ak icheek lagok; ma pendate ng'atuutikyuk anan koriip kirwoogutikyuk, koyai, che ngo yai chii kosabei eng' chooto; ki imurwon icheek sabatosyekyuk: amwa anyun ale aroong'jini icheek nereegekyuk che ng'woneen si kobiit ayai nereegekyuk kosulda eng' icheek eng' surkwen.

EZEKIEL 20:8

Ago ki ingelelja, ma cham kogasa iit; ma meto chii age tugul eng' icheek tuguuk che kiwechei che ki chamei konyekwak, ama meto kanamonigap Misiri: amwa anyun ale, Aroong'jini icheek nereegekyuk che ng'woneen, si kobiit ayai nereegekyuk kosulda eng' icheek eng' emetap Misiri.

LUKA 17:10

Uu nooto tuun ak okweek, ye kaoyai tuguuk tugul che kaging'atak, omwa ole, Ki otwogik che ma tilei kiy; kageyai che kanyooljinech keyai.

JOHANA 15:14

Oo choronokyuk, ngot oyai tuguuk che ang'atook.

GALATYEK 3:10

Amu tugul che mi eng' poisyonigap Ng'atuutyet, komiitei eng' chubeet: amu ki kisir keele, Chuboot chii age tugul ne ma tebyei eng' tuguuk tugul che ki kisir eng' bukuitap Ng'atuutyet, keele koyai chooto.

JAKOBO 2:10

Amu chiito age tugul ne riibei Ng'atuutyet komugul, ak kobut eng' ng'olyoot agenge, konamei kirwooget eng' tugul.

JOSHUA 21:43

Ki igoochi anyun `Kamuktaindet ne Toroor Israel emet tugul ne ki iyasyechi kwanisyekwak kole tuun igoochin ak ki nam kobunji ak komeny,

JOSHUA 23:16

“Ngo ngelelji kayomisetap Kamuktaindet ne Toroor Kamuktaindeng'wong', ne king'ataak ak obe oot kanamonik ak ogutung'ji, kolaldos anyun nereegegap Kamuktaindet ne Toroor agobo okweek ak ochakte obegu, owong'ugei eng' emoni karaaran kigogoonok ineendet.”