JEREMIA 32:22 - BUKUIT NE TILIIL Sireet ne Dutero Kanon

²² ak igoochi emoni, ne ki iyasyechi kwanisyekwak ile igoochini icheek, emet ne nyiitaat cheego ak komi kumyat eng' chaang'indo;

Bukuit Ne Tilil

²² ak igoochi emoni, ne ki iyasyechi kwanisyekwak ile igoochini icheek, emet ne nyiitaat cheego ak komi kumyat eng' chaang'indo;

BUKUIT NE TILIL

²² ak igochi emoni, ne kiiyosiechi kwanisiekwak ile igochini ichek, emet ne nyiitat chego ak kumik;

JEREMIA 32:22 Referencias Cruzadas

TAUNET 13:15

amu agoonin emet tugul ne igeere kobunjiin ak iyoteng'ung' agoi koigeny.

TAUNET 24:7

Kamuktaindet ne Toroor, Kamuktaindet ne po kipsengwet, ineendet ne ki imoong'wa eng' kootap abba ak eng' emet ne ki kisikyino, ineendet ne ki ng'alaalwo ak koyasyeiwo, kole, ‘Agoochini lagoguk emoni’; ko iyooktoi `ineendet malaikaiyandennyi kondoun, si imutyi weeriinnyu kwondo eng' oliindo.

TAUNET 50:24

Ak ki leenji Joseph tupchosyekyik, “Neegit ame; ago rutochinok iman Kamuktaindet, ak komaandak otogoste eng' emoni obe emet ne ki iyasyechi Abraham, Isak ak Jakobo.”

NEEMIA 9:15

Eng' rubennywa, kogiigoochi amitwogik che punu kipsengwet, ak imoong'u peek eng' rwandet agobo icheek, amu meleldanywa, yeityo ing'at icheek koba konam emet kobunji, emet ne kiga iitoochi eung'ung' igoochi.

KOMONG'U 13:5

Ye kagomutak Kamuktaindet ne Toroor oit emetap Kanaanik, Hitik, Amorik, Hibik ak ne po Jebusik; emet ne ki iyasyechi `ineendet kwanisyeguk kole tuun koonok emet ne nyiitaat cheego ak komi kumyat eng' chaang'indo. Amu nooto anyun, kanyoolu oriip ak oyai igoorita eng' kenyiit age tugul eng' arawaniito.

KOMONG'U 3:17

Ak kaatil ale, Amutwok otogosu omang'une nyalildap Misiri, agoi oit emetap Kanaanik, Hitik, Amorik, Perisik, Hibik, ak Jebusik, emet ne nyiitaat cheego ak komi kumyat eng' chaang'indo.”

KOMONG'U 3:8

Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

JEREMIA 11:5

Si kobiit agimiit kayasyoet ne ki ayosyechi kwanisyekwok, ale agoochini icheek emet ne nyiitaat cheego ak komi kumyat eng' chaang'indo, ko uu rani.’ ” Ki awolu anyun, ale, “Amen, ee Kamuktaindet ne Toroor.”

EZEKIEL 20:15

Kogeny, ki ang'werere icheek eunnyu eng' surkwen, ale mamuti icheek koba emet ne ki agoochi, ne nyiitaat cheego ak komi kumyat eng' chaang'indo, ne toroornatetap emotinwek tugul;

EZEKIEL 20:6

ki ayogoochi eunnyu icheek eng' peetuunooto, amutu icheek komong' eng' emetap Misiri kobwa emet ne ki amararchi icheek, ne nyiitaat cheego ak kumyat, ne toroornatetap emotinwek tugul:

KAITOSYEK 14:16

‘Ki kobarchi `Kamuktaindet ne Toroor pichooto surkwen amu ki ma imuuch ineendet komut icheek koba emet ne kiga koyasyechi.’

KAITOSYEK 14:30

mooite emonooto iman ne ki ayosyechigei ale agoonok omeny olooto, kobatee Kaleb weeriitap Jepune ak Joshua weeriitap Nun, chooto icheegei kityo che itei.

NG'ATUTIK 1:35

‘Ma keerei iman agot agenge eng' pichu po ibini ya emet ne karaaran ne ki ayosye ale agoochini kwanisyekwok,

NG'ATUTIK 1:8

Ogeero, kande emet taing'wong'; omong'ji anyun onam kobunjook emet ne ki iyasyechi `Kamuktaindet ne Toroor kwanisyekwok, Abraham, Isak ak Jakobo kole igoochin icheek ak iyotennywa ne piitu let.

NG'ATUTIK 6:10

Ak ye kagomutin Kamuktaindet ne Toroor Kamuktaindeng'ung' iwe emet ne ki iyasyechi kwanisyeguk Abraham, Isak ak Jakobo kole koonin nganasook che eecheen ak ko myachen, che ki ma iteeche

NG'ATUTIK 6:18

Yai ne po iman ak ne myee eng' taitap Kamuktaindet ne Toroor si komyeeit eng' inyee ye iwe inam kobunjiin emet ne myee ne ki iyasyechi Kamuktaindet ne Toroor kwanisyeguk

NG'ATUTIK 6:23

Ki imutwech eng' olooto kebwa olito si kogoonech emet ne ki iyasyechi kwanisyekyok.

NG'ATUTIK 7:13

Chamin, iberuurin ak kotesin ochaang'e. Iberuuri iyoteng'ung', ruroteetap emeng'ung', peeguk, peegap logoeguk, mwaniguk, ak kaberuretap tuuga ak che po keechiireguk eng' emet ne ki iyasyechi kwanisyeguk kole koonin.

NG'ATUTIK 8:1

Oriip oyai ng'atuutyet komugul ne kang'atiin rani si osapche ak otesage, ak obe onam emet ne ki iyasyechi `Kamuktaindet ne Toroor kwanisyekwok.

JOSHUA 1:6

Kimitu ak inyiganitu amu igoochini pichu konam emet ne ki ayosyechi kwanisyekwak ale agoochini.

JOSHUA 21:43

Ki igoochi anyun `Kamuktaindet ne Toroor Israel emet tugul ne ki iyasyechi kwanisyekwak kole tuun igoochin ak ki nam kobunji ak komeny,