JEREMIA 24:7 - BUKUIT NE TILIIL Sireet ne Dutero Kanon Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul. Bukuit Ne Tilil Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul. BUKUIT NE TILIL Ak agochi ichek muguleldo ne naena, kole, a Jehovah: ak koek bikyuk, ak aegu Kamuktaindenywa: amu weekyinagei eng’ mugulelwekwak tugul. |
ngot koweekyingei eng' mugulelwekwak tugul ak eng' saboonwekwak tugul eng' emet ne ki kiluulji icheek, ole ki kimut icheek koek luulenik ak kosa kotokyigei emennywa ne ki igoochi kwanisyekwak, ak nganaseet ne ki ilewen, ak koot ne koateekyi kaineng'ung';
Poiboen icheek che riibei paornatosyekyik, che cheeng'ei ineendet eng' muguleldo komugul,
Ak kiande ng'aleekyuk kuting'ung', ak ki atugenen urwetap eunnyu, si kobiit amin kipsengwet, ak alume lumeiywegap ng'wony, ak aleenji Zion, ii pororyennyu.
ne ki ang'at kwanisyekwok eng' peetuut ne ki amutu icheek komong' eng' emetap Misiri, komang'une maatap karnet ak aleenji, ‘Ogas iit kutinnyu ak oyai chooto, ko uu tugul che ang'atook, si oegu piikyuk anyun ak aegu Kamuktaindeng'wong'.
Amu mwaei Kamuktaindet ne Toroor kole, ye ibata kenyiisyek tamanwogik tisabu omi Babilon, arutochok, ak asuldawok ng'olyoondennyu ne myee, amutwok obwa olito.
Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.
Ago ki ang'at icheek agobo ng'olyoondoni aleenji, ogas kutinnyu, si aek Kamuktaindeng'wong', ak oegu piikyuk. Obendate ooreet tugul ne ang'atook, si kobiit komyeeit eng' okweek.
Mwaa anyun ile, Mwaei Kiptaiyat Kamuktaindet ne Toroor kole: Ayumok omang'une pororyosyek, ak ayumok omang'une emotinwek ole ki oyestoochi, ak agoonok emetap Israel.
si ma ta koombenot kogeny kootap Israel kometaa, anan kong'wanitkei kogeny eng' pistaosyekwak tugul; ago si koek piikyuk, ak aegu Kamuktaindennywa, mwaei Kiptaiyat Kamuktaindet ne Toroor.
Ama kong'wanitegei kanamonikwak kogeny, anan eng' tuguukwak che samis, anan agot agenge eng' pistaosyekwak: ago asaru icheek eng' oldinwekwak tugul che menyei: ole kiyae tengekto, ak atiliil icheek: egu anyun piikyuk, ak aegu Kamuktaindennywa.
Tebyei agine emainnyu kobooto icheek; ak aegu Kamuktaindennywa, ak koek icheek piikyuk.
Konai anyun kootap Israel kole aa Kamuktaindet ne Toroor Kamuktaindennywa, kobooch peetuunooto ak kwo tai.
Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.
ak amutu icheek ak komeny kwenutap Jerusalem. Ak koek `icheek piikyuk ak aegu Kamuktaindennywa, eng' imanit ak eng' imanda.”
Ago kimwachini Kamuktaindet kongoi, amu, okweek che ki oo otwogigap tengekto, ko ki ogas iit eng' muguleldo kaneetisyet ne uu ne kigegoonok okweek;
Ago machei kot nguno emet ne karaaran kosiir nooto, nooto ko, ne po kipsengwet: nooto anyun ma keerei Kamuktaindet kalilanet agobo icheek keguure Kamuktaindet nenywa: amu Ki kochopchi icheek nganaseet.
Amu ni kayomiset ne tuun kiyomisyinige ak kootap Israel. Ye ibata peetuusyechooto, mwaei Kiptaiyat: Andoi ng'atuutikyuk kabwaatutikwak, ak asirchi kogeny mugulelwekwak, ak aegu Kamuktaindet eng' icheek, ak koek piikyuk.
Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”